تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 135
شاركي في النقاش
سجلي الدخول لإضافة تعليق.
التعليقات
2,155
النهرده الجمعه يا بنات فى ساعه استجابه اكثروا الدعاء
اللهم إني أسألك بكل إسم هو لك سميت به نفسك أو أنزلته في كتابك أو إستأثرت به في علم الغيب عندك أو علمته أحد من خلقك أن ترزقنا بالذرية الصالحة السليمة المعافاة عاجلا غير آجل- حبيبتى يا ام اياد علشان كده ماردتيش على تليفونى انا اتصلت بيكى بعد مافقت من المنظار
على كل حال الحمد لله قدر الله وماشاء فعل وبردو كده ارحم من الحيرة اللى كنتى فيها انا فاكرة اخت لينا هنا كانت بتقول انها تحمل ومايكملش ارحم من انها ماتحملش خالص عالأقل الحمل بيديها أمل انها تقدر تحمل من اصله ولو المرة دى ربنا أراد انه مايكملش لانه بيحبك ورايد يعو ضك اويجازيكى خير الجزاء ان شاء الله فمفيش بإيدينا غير اننا نقول الحمد لله
انا عارفه انها صعبة وصعبة قوى بس لا نقول الا مايرضى ربنا وان شاء الله نفرح بحملك فى اقرب وقت وربنا يتمهولك على خير
لكن نصيحه منى حاولى تعرفى اسباب الاجهاض ايه علشان ناخد بالنا المرة الجاية - السلام عليكم ورحمة الله و بركاته.....
جمعة مباركة عليكم يا بنات..
شيمو...
حمد الله على سلامتك يا قمر.....الخبر بتاع ام إياد لهانى عن سؤالى...
المهم الحمد لله ان المنظار عدي على خير يا حبيبتى.....وان شاء الله يكون ده اول الطريق لحملك....
شدي حيلك يا شيمو...انتى ما شاء الله عملتى المطلوب منك وزيادة....
كملى بقى الخطة الموصوفة...وبأمر الله قبل ما تخلص تيجى و تبشرينا بأحلى خبر - قطوس...
ازيك يا قمر..
الاول سامحينى ان الظروف منعتنى اننا نكمل كلامنا آخر مرة...
المهم أنا شفت مشاركتك....وطبعا انتى عارفة رأيي من الاول...
يا قطة....لازم نمشى فى خطوط متوازية.....لاسباب مهمة...
إن الزوج ممكن يتحسن بسرعة مع العلاج و ده هيبان لما يعيد التحليل كمان 3 شهور.....طب قوليلى بقى...لو انتى مكنتيش زرتى دكتور و اطمنتى على نفسك و ظبطى أي خلل....مش كده هنبقى بنضيع فرص كبيرة....
عايزينك تبقى دايما جاهزة....علشان اول ما تتحسن حالة جوزك...ممكن تسمح بتلقيح صناعى...ومش بعيد يتحسن للدرجة اللى تسمح بحمل طبيعى....
والحمد لله يا قطتى ان الدكتور اللى رحتتوله مقفلهاش و قالكم عملية دوالى و خلافه....لا هو اداكى بصيص أمل ...وان حالة جوزك ممكن تستجيب كويس للعلاج......وحتى لو لا قدر الله قالوا عملية...فمتهيالى البنات هنا طمنوكى على الآخر..لأان كتير منهم أزواجهم عملوها و اتحسنوا ما شاء الله بعدها....
نيجى بقى لخطوة ان دكتور يسودها فى وشنا....ايه يا بنتى الكلام ده...حاولى تفكري ان الافضل انك تلاقى حد يقولك الحقيقة علشان يديكى فرصة لترتيب أوراقك صح.....
و فيه حاجة مهمة لازم نعترف بيها....الدكاترة يا حبيبتى بيتكلموا على الواقع الموجود قدامهم...وعمرهم ما بيبنوا حساباتهم على اعتبار ما سيكون...
يعنى ممكن تروحى لدكتور النهاردة بنتيجة التحليل يقولك مينفعش الا حقن مجهري...وميقدرش يديكى أمل اكتر من ده لان ده حدود تخصصه....
لكن احنا ممكن كمان كام شهر نتعالج و نتحسن...ونفس الدكتور لما يشوف النتايج الجديدة يقولنا كده تمام و ينفع تلقيح ول ا حمل طبيعى.......
يعنى حاولى مع الدكاترة انك تاخدي الكلام العلمى و رأيهم فى قرايه الواقع و نتائج التحاليل و الكلام ده..اما بقى فى خطواتك و خططك فاسعى فى كل الاتجاهات....وخلى أملك دايما فى الله كبير...
وآخر حاجة...انتى لو قررتى تروحى لدكتور عادل مثلا.....عرفيه انك فاهمة انك مش طالبة منه تنشيط و لا المواويل ديه دلوقتى.....كونى محددة..واطلبى انه يساعدك انك توصلى لحالة يكون فيها جسمك و هرموناتك متظبطين علشان تبقى جاهزة لما يظهر اي تحسن فى حالة زوجك...وهو أكيد هيتفهم النقطة ديه.......وربنا يوفقك يا قطتى و يهديكى للخير - انا لله وانا اليه راجعون
الحمد لله يا ام اياد
متزعليش
انا متاكدة ان هو ده الخير
وربنا رحمته واسعة وان شاء الله يكملك فرحتك قريب جدا ان شاء الله
بس انا عايزة الفت نظرك لحاجة مهمة جدااااااااااااااااااااااااااااا
ركزي على صحتك وبس اليومين دول
اهم حاجة تاخدي بالك من نفسك
لان ليا صديقة كانت بتحمل وتسقط وكان كل همها تحمل تاني بسرعة
ومش عايزة اوصفلك حالتها وصلت لفين
وطبعا ده من ضغط المجتمع عليها
فاستفدت من تجربتها ان صحتي بالدنيا
الحمل ان شاء الله هييجي هييجي
بس المهم تكون صحتك كويسة
حاولي تروحي مكان فيه خضرة او بحر او مكان مفتوح
وارتاحي من كل اتجاه
نفسيا وجسديا وكل حاجة
وزي ما البنات قالو ربنا يجزيهم خير يا رب
ان مجرد حدوث الحمل بعد 6 سنين يعتبر بشرة وامارة
سيبيها على الله
انتي قطعتي شوط طويل
وقربتي توصلي يا حبيبتي
الحمد لله رب العالمين
مواضيع مشابهة
تابعي تجارب أخرى من هذا القسم.