يابنات قلبي بيوقف مشهد مرعب اشوفه كل يوم من شباك غرفتي

السلام عليكم يابنات حوا بدون مقدمات زي مابان من العنوان راح اموت بسبب اللى اشوفه من شباكي صار لي 3 ايام شي مايصدقه عقل راح اقول لكم بالتفصيل بدا الموضوع من يوم الثلاثاء الماضي باني سمعت صوت صياح طفل قريب قريب من شباكي واللى خلاني استغربت انه شباك غرفتي على منور يعني يطل على داخل العماره المهم ان جسمي اتنفض من طريقة بكا الطفل صرخه عمري ماسمعتها من قبل قمت بسرعه طفيت النور وفتحت شباكي عشان اكتشف المصيبه ااااااااااااااه ياقلبي عليه تخيلو يابنات شفت رجال في الشباك اللى في وجهي بس الدور اللى تحت دوري على طول ماسك طفل مايتعدى عمره السنتين ويهدده انه يرميه من الشباك والولد يصرخ صرخه تقطع القلب وهو يتكلم كلام مااني فاهمته بس من اسلوبه كانه يقول له ها ها ارميك كدا بهدي الطريقه ماادري من الفجعه مااني فاهمه كلامه ولا هو مايتكلم عربي والولد مابيده غير البكا والصراخ وكانه يعبر بطريقه زي الاطفال اللى لسه يتعلموا الكلام انه لا لا المهم انه المشهد هدا ماكمل اكتر من دقيقه لكن الكارثه انه اتكرر امس واول امس اااااااااااااااااااااااااه اههههههههه ياقلبي على الولد يابنات من جد هو موقف يعور القلب ولا انا اللى قلبي ضعيف تخيلوا دحين ثلاث ايام ورا بعض وهو يساوي في الولد نفس الشي انا ماادري هو اول مايحس انه احد فتح الشباك يدخل الولد بسرعه ولا هو بالصدفه يكون شبع تعذيب في الولد من الدقيقتين يابنات ابغى اموت احس ربنا كل يوم يخليني اشوف اللى يصير واسمع صرخة الولد عشان انقذه وللعلم في اكتر من شباك للجيران على نفس المنور بس هم سكان عمارتي الله يهديهم سلبيين حتى ماعمري شفت احد فتح الياك على صوت الولد غيري يابنات ابغى اموت ايش اساوي كيف اتصرف ولا اسكت وماادخل زوجي رافض يدخل يقول لي لو كلمت رجال راح يقول لي واحد وولده ايش دخلك بس انا قولت له لا انا ماراح استسلم لازم اتصرف وافكر اذا اليوم صار نفس الشي ارفع صوتي واقول له راح ابلغ عنك الشرطه بس انا خايفه كمان ماادري اصلا ان كان انسان طبيعي ولا مجنون ولا عنده حاله نفسيه اخاف يساوي فيا ولا في اولادي شي حسبي الله ونعم الوكيل عليه معقوله في اب يساوي كده في ولده طيب وامه فين وايش الذنب اللى يتعاقب عليه ولد ماكمل سنتين بهدي الطريقه الوحشيه يابنات ساعدوني ايش اساوي على فكره انا مااعرف مين اللى ساكن في الشقه ولا ايش جنسيتهم لاني زي ماقولت لكم سكان عمارتي كل واحد في حاله بس اللى اعرفه انه كان ساكنين سوريين ونقلوا واللى مساوي لي رعب ان الشقه تكون ماهي متسكنه اصلا اااااااااااه ياويلي والله مانمت غير ساعتين من اول امس ساعدوني ايش اساوي شوروا عليا هدا بشر ولا جن انا كيف اتصرف يابنات انا خايفه تكون الشقه مافيها سكان من اصله اعرف اني مره خوافه بس ماادري احس اني لما راح اسال صاحب العماره راح يقول لي اصلا الشقه مافيها سكان يتهيا لي راح يوقف قلبي في لحظتها....................................................................يابنات اخر اللى صار معايا كتبته صفحه 20