كريمات الاساس اللى جربنها......... وتقييم كل واحد

السلام عليكم
مبارك عليكم الشهر
و عساكم تعودونه

قبل لا ادخل بالموضوع ابى اقول لكم عنى ..........:icon28:
انا مدمنة عطور ومكياج ويا كثر ما قطيت عليها وللاسف :angry:
مانى حريفة مكياج:(
يعنى بالعربى اقعد بالساعات احورف بعمرى وما اخلى شى ما احطه
وبالتالى اختى تشوفنى وتقول شها الشخابيط اللى على ويهج
حسافه
والمشكلة انى اصرف مبالغ كبيرة على المكياج والله لو اقول لكم شكثر صرفت الشهر اللى فات بس :D
بتطالبون الحكومه الكويتية بالحجر على راتبى
المهم

خلنى اوصف لكم نفسى

انا بيضة
وبشرتى مختلطة
يعنى تنرفز مو اى اساس يمشى معاها :icon33:
جربت اساس سيسلى المعصار الاسود
عجبنى
مخملى ويحتوى على الخيار اللى يهدى من حمرار الحبوب ان وجدت وريحته حلوة
وغالى وايد بس انا خذيت رقم 3 ما شى ويا البودرة من نفس الماركة بس افتح منه
مشكلته الوحيدة انه :
قمجنى شويه بس انا حبيته مالى شغل :39:
اساس نمره 2
اساس جيفنشى وطبعا اويل فرى
هذا فاتح وتقريبا مطفى مشى وياى بس اول ما احطه احس ويهى صار لوحه بيضا
فاكثر من البودرة الروز
احلى ما فيه انه ثابت وياى ساعات طويله
اساس نمره 3
كلارينس
وبعد اويل فرى مبين على طبيعى حتى لو كثرت منه واللى اقصدة المعصار الابيض الصغيرونو
خليته للدوام
اساس نمره 4
استى لودر العاكس للضوء
هذا ياليتنى ما شريته عكس التجاعيد مهوب بالضوء:icon33:


ترا مليت من الكتابه

اذا تبونى اكمل اشوف ردودكم بالاول
بانتظاركم