تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

شيمو: سلامتك يا قمر و ان شاء الله تبقي احسن و الالم يروح.
ام اياد: قدر الله و ما شاء فعل و علي كرة فيه واحدة زملتي من شغلي القديم حملت و اجهضت و بعدها علي طول حملت لدرجة اننا كنا خايفين عليها لانها ماريحتش بس الحمد لله ربنا اكرمها بيوسف.

اشتقت
ربنا يكرمك على كلامك الطيب ده
والله انك حسستيني اني ممكن افيد حد هنا مش بس مستفيدة
يا رب فعلا يكون كلامي له تاثير مريح لام اياد
ان شاء الله ربنا يشد من عزمها ويثبتها وتطلع من الاختبار ده على خير يا رب
ويرزقها من حيث لا تحتسب

ماما
معليش انا مش عندي هنا صيدلة العزبي عشان كدة مش عرفت اتصلك بيهم
ربنا يجزي البنات خيرا
ان شاء الله يكونو ريحوكي وقالولك اللي انتي بتسالي عليه

سمية
انا بيتهيألي ان المنظار ملوش غرز تتفك
ياريت تتاكديلي من المعلومة دي

اشوفكم دائما في سعادة وراحة بال ان شاء الله
سلام عليكم

سارة: الف الف مبروك يا قمر.

ماما: ان شاء الله يبقي فيه بويضات حلوة و ربنا يباركلك فيها.
اوكسي: اظيك يا قمراية. عاملة ايه؟ الف مبروك يا قمر التنشيط.
ماتزعلوش مني اني مقصرة معاكم بس معايا مجنناني وبنام و اصحي معاها و غير شغل البيت و جوزي شايل ايده حتي طبقه بيسيبه و انا بوديه المطبخ و البقيه تاتي. الحمد لله. فماتزعلوش مني. مايا بتسلم علي خالتها.