تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 141
شاركي في النقاش
سجلي الدخول لإضافة تعليق.
التعليقات
2,155- ام اياد: احنا اخوات و لازم نقدر بعض.
- ميكو ربنا يقويكى على مايا وباباها
بجد انتى انسانة جميلة اوي بالرغم من المسؤليات الكتير اللى عليكي
برده بتدخلى وتشاركينا افراحنا واحزانا
ربنا يخليلك مايا وتطلع بنوته رقيقة زي مامتها - ام اياد: ربنا يخليكي يا قمر و يفرح قلبك ببيبي حلو زيها و كل البنات كمان.
بس واللهي غصب عني اني مقصرة بس للاسف جوزي مش مساعدني في اي حاجة فاول مابلاقيها نامت يا اما اعمل شغل البيت يا اما انام. عقبال ما اشفكم كده سهرانين احلي سهر زيي كده :-) - ام اياد: انا فرحت اوي بكلامك وايوة كده خليكي قويه وان شاء الله نسمع خبر حملك عن قريببب يارب
اقولكم علي حاجه حلوة كنت خايفه منها بس حصلت..سبحان الله ..
كنت قلتلكم قبل كده ان اخت جوزي فرحها الشهر اللي فات وانا خايفه اوي انها تحمل قبلي _استغفر الله العظيم_ انا عارفه ان ربنا كاتب رزقنا من قبل ما نتولد
وانها مش شطاره مننا ده رزق ومكتوب
لسه عارفه انهرده خبر حملها
مشاء الله لا قوة الا بالله
انا اي نعم عيطت ونفسيتي تعبت بس رجعت وفوقت وحمدت ربنا وان شاء الله ربنا يرزقني ويرزقكم عن قريب ويكملها ويكمل علي كل حامل حملها علي خير
ادعولي - السلام عليكم و رحمة الله و بركاته.....
أودي...
الحمد لله إنك متماسكة...ربنا يقويكى و يصبرك و يعوضك كل خير فى القريب العاجل...
أيوه كده يا حبيبتى ...بصى لقدام....ومتبصيش وراكى أبدا...علشان مترجعيش لورا...
وكمان طول الوقت احمدي ربنا علشان الشيطان ميلاقيش منفذ يدخلك منه....
نيجى للمهم....حاولى يا أودي تسألى دكتور عن ايه الأسباب اللى سببت الاجهاض ده....
وفيه فى دماغى كام نقطة كنت عايزة أنبهك ليهم....محدش عارف ممكن يساعدونا نتفادي أي مشاكل...
الاول...انتى كنتى قلتى ان فيه نسبة تكيس بسيطة بس مبتاخديش سيدوفاج...حاولى تسالى الدكتور هل تاخدي سيدوفاج من باب الاحتياط ...ولا ايه العمل..
تانى حاجة...اول حاجة تعمليها دلوقتى..هى انك تستنى كام يوم لحد ما تهدي...وتعملى تحليل البرولاكتين....لانه بيعلى مع الحمل....ووارد انه يفضل عالى شوية بسبب الحالة النفسية....واحنا يهمنا انه يفضل تحت السيطرة...علشان ميأثرش على التبويض الفترة الجاية....
وبرده فكري و لما تزوري الدكتور او الدكتورة اللى هتروحيلهم ناقشيهم فى الكلام ده..واي فكرة ممكن تيجى على بالنا او حد من البنات ينبهنا ليها....
وربنا يفرحنا بيكى عن قريب يا أودي.....والله فرجه قريب
مواضيع مشابهة
تابعي تجارب أخرى من هذا القسم.