تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

مها...
إيه الكلام ده يا بنتى....
يا حبيبتى كل واحدة هنا ليها فايدة و فايدة كبيرة كمان....
ولو كل واحدة فكرت انها متتكلمش علشان ممكن كلامها ميفيدش....يبقى التجمع ده هتلاقيه قفل فى ظرف يومين....
احنا الحمد لله ربنا رزقا هنا بأخوات على قدر عالى من الأخلاق و الثقافة و الذوق...وكمان رقى الاحساس....
يعنى اللى مش عندها معلومة طبية...بيبقى عندها معلومة دينيه او تفيدنا فى الحياة...او حتى دعوة خالصة و صادقة.....او كلمة حنينه تطبطب بيها على حد فى أمس الاحتياج ليها....وكمان كفاية يا مها تجربتك...أللى ممكن يكون فيها فايدة كبيرة لحد تانى....او تشجع حد على خطوة كان عايز يعملها او تفديه غلط كان هيقع فيه....

مش عايزة بجد حد يفكر كده...واي حد يخطر على باله كلمة او معلومة او اي حاجة مفيدة لازم يقولها...حتى لو حاسس انها بسيطة او ان الكل عارفها......محدش عارف يمكن الكلمة اللى بتخرج من حد فينا من غير ما يحس...يكون ليها أكبر الأثر فى حد تانى......

ويلا يا مها...عايزاكى انتى بالذات ترجعى تتنططى فى الملف و تمليه كلام جميل و مشاعر رقيقة...وهافضل وراكى لحد ما تطلعى الى جواكى...لأانك برده لسه مش عاجبنى يا ريس

توفى...
تعاليلى يا بطة...
الحمد لله إنك عدتى إلى ردك...وان المشاعر ديه مطولتش معاكى....
حبيبتى...وارد انك تزعلى شوية..لأكن فعلا اجمل حاجة انك مخليتيش الشيطان يغلبك....
بصى يا توفى....والله و هاقولهالك عن تجربة..ربنا مبيعملش حاجة وحشه....واختياره لينا هو الأفضل.....
وان سعادتنا فى الاختيار ده....لان لو سعادتنا فى غيره...كان ربنا اختارهولنا.....

هاقولك حكاية غريبة شوية علشان أؤكدلك ان تأخيرنا ساعات بيكون فيه كل الخير واحنا مش عارفين..تعرفى...كان ليا واحدة المفروض انها صاحبتى (انا قطعت علاقتى بيها خلاص لانى اتأكدت من سوء نيتها و كرهها الخير لغيرها)....بس بادعيلها دلوقتى ربنا يصلح أحوالها...
البنت ديه كانت متجوزة معايا بس حصل تاخر فى الحمل حوالى سنه معاها....وبعد ما ربنا رزقها بطفل...مامتها بدأت تزن عليها تسيب المانع...فكانت بتزن عليا و مش عايزة تخوض التجربة ديه الا بعد مانا كمان انوي زيها....المهم حصل اننا تركنا المانع سوا...وكانت بتتابعنى بشكل غريب...لدرجة انى مرة قلتلها ان البريود متأخرة...وانى مش هاعمل تحليل الا لما يعدي أسبوع....فوجئت بيها اتجننت...وقالتلى طبيعى انك اول ما تنوي تحملى يحصل على طول...لكن انا اتأخرت فى الاول و طبيعى انى اتأخر دلوقتى تانى و كلام غريب ملوش لازمة....المهم قلتلها مش شرط ووارد ان العكس هو اللى يحصل....
وفعلا البريود جتلى و مطلعتش حامل...وهى اللى حملت فى الشهر ده...وباركتلها و قلتلها شفتى علشان تحسنى الظن بالله....
بس طول فترة حملها كانت بتحاول تغيظنى بأي شكل......وكأنها تفوقت عليا فى شئ...أو كأنه سباق ....انا مكنتش باتضايق من ده ..بس فعلا اللى ضايقنى ن واحدة المفروض تكون صديقة تشك ان انا عندي جرح و بدل ما تتفاداه تحاول تضغط عليه بكل قوتها.....

تعالى بقى أقولك الحكاية انتهت ازاي....ووالله انا بادعيلها بالخير ....بس فعلا باحب أشوف حكمة ربنا فى خلقه....صاحبتى ديه ولدت...ويشاء ربنا انها تنفصل عن جوزها بشكل غير رسمى ...وده لظروف طرأت على جوزها خلته لا طايقها و لا طايق ولاده....وبعد شهورومحاولات صلح....حصل الطلاق....وانفصلوا بشكل رسمى و نهائى.....لدرجة انها كانت بتقول لجوزها...لما انت مش عايز تشيل مسئولية طفال مكنتش سبتنى أخلف طفل تانى!!!!!!!!

وعايزة أقولك ان انا تأخر حملى بعدها سنه و نصف كاملين...بس بعد ما ربنا أكرمنى ....كنت بافكر ان مكنش فيه وقت أنسب من ده لقدوم طفلى الثانى على خير أمر الله....وان تجربة تأخر الحمل ديه فعلا أفادتنى كتير..وادتنى دروس مكنتش هاتعلمها لو مكنتش مريت بالتجربة ديه....بل انها حسنت علاقتى بربنا و حسستنى بنعمه عليا و خلت علاقتى بجوزي و بابنى اجمل كتير و افضل كتييييييييييير من الأول.....ربنا يحفظهم و يديمها نعمة

ممكن يكون يا توفى اللى انتى بتبكى عليه النهاردة...هو كل الخير ليكى و مش هتعرفى ده الا لما يعدي الوقت و تبصى على حياتك بعدها و ساعتها هتتأكدي ان اختيار ربنا ليكى كان هو الأفضل ....

يااااااااااااااااااه يا شوشو
كلامك قد ايه حلو وزي البلسم

ربنا يباركلك يارب وميحرمناش منك
عارفه اول ما سمعت الخبر كنت عايزه اوصلك باي طريقه لاني حاسيت اني مخنوقه وقلت يارب لما اكتب المشاركه شوشو تكون معايا وتهديني
والحمد لله ده اللي حصل

الحمدلله
فعلا كلامك صح
ولعله خير

يا سلام يا توفى....
انتى بس قولى جزر يا عسل...
هتلاقينى جايالك جري :7_5_131:(طبعا جري ديه مجازا....لكن الواقع ..هتلاقينى باتدئلج و جايالك):08:..:hahaha:...

يا رب يا حبى يبعد عنك كل شر و يفرح قلبك و يقر عينك فى القريب العاجل بالذرية الصالحة.....
وهاقولك على كام مقولة انا دايما باحطهم قدامى....ومن ساعة ما عرفت معناهم و حسيته بقلبى و أدركته بعقلى و فعلا الحمد لله ربنا بيقدرنى أهزم الشيطان و ارضى...

(لو علمتم الغيب لاخترتم الواقع)
(ما أصابك لم يكن ليخطئك و ما أخطأك لم يكن ليصيبك)

فكري فيها كل ما تضيع منك حاجة انتى كنتى عايزاها....او كل ما تحسى انك متضايقة...او كل ما تلاقى نفسك هتقولى (لو).....
وانتى هتبقى اقوي و هترتاحى أكتر...وربنا يريح قلبك كمان و كمان....