شوفو قله الادب الين وصلت

السلام عليكم
بنات والله اني مرررررررررررررررررررره متضايقه لدرجه اني اتمنى الموت
امس زوجي قال بطلع اهلي وانتي تجهزي انا قعدت البس بنتي وماقلت شي زوجي طل مع الدريشه وقال لخواته واخوانه لانهم كانو فارشين بالحوش يلا تجهزو بنروح المنتزه الفلاني
اخواته يبون منتزه ثاني غير الليقاله قامت نطت اخته الكبيره المتزوجه قالت ليه عشان زوجتك ماتبي المكان الي نبيه تبي تمشينا على كيفها انا انجنيت وشوله تظلمني انا ماقلت لزوجي شي وسكت هو نزل قال حرمتي ماقالت شي وش عندك انتي عليها
انا انقهرت وقلت له خذ بنتك انا ماني طالعه ولاني اصلا من اول كنت تعبانه شوي
اخذ البنت وطلعو من المغرب لماجات الساعه 11 انا زاد الالم معي ودقيت عليه يوديني المستشفى لاني والله كنت مره تعبانه
وهم بالمنتزه اخته ترسل لي كلام بذي ماينقال وانا مارديت عليها لين جات الطامه ارسلت لي الله لايسلم فيك مغز ابره ياكذابه بس تبين تخربين علينا الطلعه وتراك طحتي من عين امي وابوي واخواني الشباب ورجاء لاتردين الحين اذرجعنا انزلي لي واوريك
المهم انا لمارجعو رحت المستشفى واعطوني مغذي وقالو الضغط عندي مرتفع
رجعت شقتي وانا ساكته بس اخوها فتح جوالي وشاف الرسايل انا احسبه بيكلم اخته توقف:mad:
تدرون وش سوى قال احسن محد قال لك ماتطلعين معنا تراهم امي واخواتي طول الطريق يحرضوني عليك لو انك طالعه ماكان اعطيتيهم فرصه
انا بلعت العافيه وسكتت لاني قريب بطلع شقه لحالي ومابي اخرب على نفسي
المفاجاه اني لما صحيت العصر لقيتها مرسله لي انتي وحده حقيره ومغيره اخوي علينا والله لا اخليه يطلقك وانتي كذابه مو تعبانه
ارسلت لها رساله الله يجزاك خير ولا تتشمتين عسى اللي جاني امس يجيك ربعه
دقت علي وقالت انتي جبانه كانك بنت رجال انزلي لي وواجهيني <<< والفاظ سوقيه ماتنقال
انانزلت طلعت عمتي عازمه حريم جو بالصاله رحت للمجلس وجواني اخوات زوجي المتزوجات منهم زوجه اخوي والوقحه اخته ام الرسايل واللي باقي ماتزوجو
قلت لها تعالي وش عندك مع هالرسايل وقله الحياء وانا بنت رجال غصبنا عنك هي قامت تسب بصوت علي وتتكلم وانا ارد تقول انتي كرهتي ا خونا فينا وانتي ساحره ومدري ايه وقالت احنا زوجناك اخوي وانتي معفنه وتلبسن الخلا قين ومالقيتي العز والدلع الاعندنا قلت لها انا من يومي بنت عز وانتي تعرفين من ابوي تكلمي عن نفسك
والله ترفع صوتها كنها رجال تقول ابوي واصل خشمه منك كل شهرعند اهلك(والله اني ماروح لهلي الابعد خمس شهور وهي ساكنه بمكه وكل شهرين ناطه عند اهلها وانا اهلي بالدمام يعني اقرب للرياض)
انا قلت انتي واختك (حرمه اخوي ) اخر ثنتين تتكلمون انا ماروح لهلي الاكل 5 شهور واقعد اسبوع بس واختك بالرياض كل اربعاء وخميس وجمعه تبات عند اهلك وماتروح لهلي اذ سافرلهم اخوي تجي عند اهلك ماكلفت عمرها تدق على امي لما مرضت وتنومت وسوت عمليتها وانتي الحين جايه تعلميني الاصول والله اني واناعند اهلي اكلم عمتي واتطمن عليها وانتم تجون عند اهلكم بالشهر والشهرين وتزعلون اذ رحت لي اسبوع مممممممممممممممممممممممالكم دخل بحياتي وانتي وحده مشكلجيه حتى ام زوجك واهله وحريم عماني ماخليتي ولا وحده الحين مالقيتي احد تفرغين فيه طاقتك الا انا
المهم مسكتني بقميصي ودفتني وجت بتضربني فرعو بينا خواتها والله قلت لها تعالي اضربيني والله مايردني الاقبرك وش هالحركات طالت وشمخت والله اخوتها يقولون لي خلاص اطلعي فوق انا طلعت فوق وحلفت معد انزل والله انها طردتني من بيت ابوها ودزتني كني بزر انا علمت زوجي قال ماعليك منها المشكله ان عمتي تقول لزوجي اضرب حرمتك لاانها اخطت على اختك
الله الشاهد اني مظلومه كلهم ضدي لدرجه اني دعيت عليهم اخر ساعه بالجمعه بالسرطااااااان القهر والله شين شين وانا وحيده كلهم معها ماكفاهم سالفه الصور واللي سووه فيني لكن والله اني ادعي عليهم
عمتي تبي تخرب بيتي هي وبناتهاوانا خايفه زوجي يصدقهم لانه سلبي والله اني مصفيه نيتي تجاههم واسامحهم بس مافيه فايده
والله جابولي القالون والضغط والضيقه والحزن وانا ماكان فيني شي ابد
اسالكم بالله تدعون لي بحسن التصرف وتوجهوني هل معي حق اولا والله اعتبركم خواتي اللي ماجبتهم امي





316 تعليق 28,045 مشاهدة

شاركي في النقاش

سجلي الدخول لإضافة تعليق.

التعليقات

300
  1. شوفي ياااقلبي **** يعينيك انا حاااسة فيك بس تبين نصيحتي اكسبي زوجك طنشيها واذا تكلمت عليك طنشي وقولي لها انا ماراح ارد عليك كلة علشان زوجي وحتى لما يكون زوجك موجود عيديها كذا صدقيني في صالحك حتى تكبري في عيون زوجك ويدافع عنك ولو تطلعي من عندهم احسن لك
  2. @mno_shhany

    الله يعينك مدام زوجك طيب معاكي ماعليكي في احد وحاولي تتجاهيهم عشان تعيشي حياة سعيدة اذا هم حقين مشاكل واصبري جاكي الفرج انك راح تنقلي من عندهم الله يسخر لك زوجك ويسعدك
  3. @aazty_mn_smo_thaty

    شوفي اصلا انتي غلطانه يوم تردين انهم رواعي مشال ليه نازله يمهم لاعاد تنزلين ابد عندهم ولاعليك لامن امه ولامن خواته لهم من صلت الارحام ولاشي شوفي ترى كثرت المشاكل تخلي رجال يمل ويطفش انتي ماعليك منهم طالما بتنزلين وبسون مشاكل لاتنزلين
    قعدي في شقتك لين الله يفرجها عليك وطلعين
    وكل يم استغفري الله ان يسخر لك زوجك ويحننن قلبه عليك وعلى بنتك



    اللهم ارزقني حملا سليما معافى من كل عاهه وبلاء اللهم امين
    اللهم ارزقني ولدا تقيا ذكسا ليس في خلقة زيادة اونقصان عاجلا غير اجل اللهم امبن اللهم استجب اللهم استجب اللهم استجب اللهم استجب
    وجميع المسلمين
    وصل اللهم على محمد وال محمد
    رب اني لما انزلت الي من خير فقير
  4. @smod_alhgr

    الله يكون بعونك صراحة فظيعين بس اتوقع النوعيات هذه ما يمشي معاها الا التنطنيش وبس لاتردي على رسايلهم وكان من الاصل ما طلعتي لها اذا تبغى شكل هي الي تنزل تبغاك تطلعي عشان وسط اهلها واخواتها اعطيها الاذن الصنجة مرة لا تردي على كلامها ما يمشي معاهم غير الحقران
    واذا ما تكلمتي ما يمسكوا عليك شي قالت وقالت فهمتيني
  5. @ghram_atfal_7

    ماأقول الاحسبي الله والنعم الوكيل ,,الله يصبرك ياعمري والله ماادري وش أقولك عندك وعندنا الخير >>مو متزوجه بس اهل أبويه
    ماادري وش فيهم الناس انهبلوا يااختي اذا لهدرجه تحبون أخوكم ليش تزوجونه وتبلشون بنت الناس معكم ......

    يا ودوديا ودود، ياذا العرش المجيد، يا مبدئ يا معيد، يا فعالاً لما
    يريد، أسألك بنوروجهك الذي ملأ أركان عرشك، وأسألك بقدرتك التي قدرت
    بها على جميع خلقك، وأسألكبرحمتك التي وسعت كل شيء، لا إله إلا أنت،
    يا مغيث أغثني، ثلاث مرات.


    من صلى اربع ركعات ودعاء بهذا الدعاء الااجاب الله له ....

    الله يسهل نقلك حبيبتي ....

تابعي تجارب أخرى من هذا القسم.