تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 147
شاركي في النقاش
سجلي الدخول لإضافة تعليق.
التعليقات
2,155- صباح الخير يا ميكو
- صباح الخير يا مها....... ازيك يا قمر.
- السلام عليكم ورحمة الله وبركاته...
ميزو و مها ....
صباح الورد وا لفل و الياسمين عليكم يا قمرات.....
ميكو...
صباح الفل يا قمر...وحشتينا كتير.....ومتقلقيش إحنا عاذرينك و عارفين ان مايا أولى بوقتك كله دلوقتى.....ربنا يباركلك فيها...بوسيهالنا بوسة كبيييرة...
بوبا...
غطسانه فين...
مونى ساسا...
منورانا يا قمر....
مونى1..
حمد الله على سلامتك يا قمر....يا رب تكونى استمتعتى بالاجازة عند ماما....بجد كلامك الجميل الرقيق بقى بيوحشنا كتير....
أودي....
الحمد لله....ربنا يقويكى يا قلبى ...وميحرمناش منك ولا من الصحبة الحلوة ديه....ويسمعنا عنك كل خير فى القريب العاجل...
قطوس...
ازيك يا جميل....مقلتيلناش...قررتى إيه.... - وداع...
ازيك يا قمر.....عايزين نعرف هتبدأي تنشيط امتى يا جميل.....وربنا يوفقك فى كل خطوة بتعمليها...
سمية...
ازيك يا سمسم.....ربنا يجازيكى خير على القصة ديه.....
انتى بقالك فترة كل المعلومات و القصص اللى بنتكتبيها فى الجون...حاولى تحتفظى بالحاجات ديه فى ملف وورد علشان تبعتيها للى هتفتح التجمع الجديد.......
وربنا يخليكى و ميحرمنيش من ذوقك يا حبيبتى...انا و لله الحمد بقيت أحسن كتير.....
وعلى فكرة...نسيت أقولك انى زي حالاتك...بس على أسوأ شوية....يعنى عمري ما حسيت بألم و لا نغزات التبويض و لا المواويل ديه....حتى وقت التنشيط لما ساعات كنت باحس بنغزات....كانت بتطلع فى اوقات غلط و بعيدة تماما عن وقت التبويض الفعلى....وده مش معناه ضعف تبويض....لانى لما حملت فى انس كنت كده....وكمان لما كنت باتابع التبويض كان بيبقى فيه تبويض بس من غير أعراض.....ولما عملت البروجسترون فى شهر و طلع كويس برده مكنتش حسيت بأي ألم أو وجع....فواضح ان فيه أجسام بتبقى ديه طبيعتها....
وحتى الإبرة التفجيرية اول مرتين كده كنت باحس بالوجع البشع بتاعها....وبعد كده ولا الهوا....طبعا الرأي المنطقى بيقول ان الشهر اللى محسش فيه بالوجع بتاعهابيبقى معناه ان البويضات مخرجتش...لكنها كانت بتخرج.....يعنى متقلقيش خااااااالص.....وربنا يوفقك فى خطواتك الجاية يا حبيبتى...
شوشو طمنتيني والله انا كنت فكره ان فى مشكله فى التبويض عندى
ادعيلى اوى يا شوشو بجد نفسيتى تعبانه جداااا بس بحاول اطنش واعمل نفسي مش وخده بالى
نفسي ربنا يرزقنى واروح اعمل عمره عيزه احس انى اتغسلت من الداخل حسه ان فى كراكيب كتير جوايه بجد تجربه الحقن المجهرى ديه مؤلمه جدا ربنا ما يكتبها على حد ويرزقنا كلنا من غير ما نتحوج ليها
مواضيع مشابهة
تابعي تجارب أخرى من هذا القسم.