تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 152
شاركي في النقاش
سجلي الدخول لإضافة تعليق.
التعليقات
2,155- اقول ايه بس يا ريموا بجد نعم الاخوات ربنا يخليكوا ليا
- ايوه يا ريموا انا معاكي اني مهزوزه لسه ايمانياتي مش كويسه مع ان اموري ماشيه كويس الحمد لله بس النفس طماعه والشيطان بيلعب عليا بسهوله وانا لسه في الايمان بيبي بجد انا لسه بدري عليا انا برضوا كنت فاكره نفسي قويه بس للاسف انا لسه محتاجه كثير مش عارفه اعمل ايه بس اكثر حاجه مقلقاني ان ربنا يكون مش راضي عني اعمل ايه انا حاسه اني مقصره قوي مع ربنا ومحبطه
ماما1983 اقول ايه بس يا ريموا بجد نعم الاخوات ربنا يخليكوا ليا
ربنا يكرمك الشهر ده يارب يا ماما ويكون فيه الخيرفاطمة الزهراء912 لا حول ولا قوة الا بالله لله ما اعطى و لله ما اخذ انا حاسة بيكى اوى لانى عشت الاحساس دا وعارفة الالم اللى انت فيه ربنا يعينك و يصبرك يا رب يا رحيم صبر اختى ام اياد وثبتها و عوضها خيرفى القريب العاجل يا رب0
متشكرة اوي يا طماطم على احساسك بيا
هو عموما الاجهاض شيء صعب اوي ربنا ميكتبه على حد
بس اللي اهم من الالم هو الامل
لازم دايما يكون في امل فحياتنا عشان بالامل الحياة حتستمر
انا الحمد لله حاليا بقيت عندي رضا كبيييير قوي باللي ربنا قسمهمولى
بس حستمر برده في خطة العلاج زي ما هى وححاول ادور على الاسباب اللي خلت حملى مكملش
وعايزاكى انتى كمان يا طماطم تبطلى استسلام ويأس
وكفاية الوقت اللي ضاع مننا
لازم تروحى وتكشفي وتابعي حالتك وان شاء الله ربنا حيعوض صبرك خير
والله انا بقولك الكلام ده عن تجربة
انا دخلت الملف ده وانا كلى استسلام وياس واحباط
وحاليا الحمد لله بقي كلى امل وتفاؤل وثقة بالله وثقة بالنفس
وده طبعا انتو ليكو فضل كبيير فيهماما1983 سبحان الله ربنا عاوز يسمعني الكلام ده منك يا شوشو بجد انا مش عارفه مالي انا تعبانه قوي انا حاسه ان انا انسانه مش راضيه ومش متفائله وخايفه من الفشل قبل حتى ما اجرب نفسيتي وحشه قوي اليومين دول مع اني بقاوم جامد لكن بجد حاسه ان ثقتي بالله مهز…
متزعليش نفسك يا ماما والله كل اللي انتى فيه ده كلنا مرنا بيه
اما بنقعد نبص للحوالينا ونلاقيهم معاهم اطفال واحنا لا بنزعل اووي على نفسنا والشيطان يقعد يلعب في دماغنا
بس يمكن احنا لو دخلنا جوة الناس ديه ممكن نلاقيهم بيحسدونا على النعم الكتير اللي عندنا
واكيد برده هما ربنا مبتليهم بحاجات معكننه عليهم عيشتهم
بس احنا بس اللي بنبص دايما للحاجة اللي نقصانا
عشان كدة لازم يا ماما ترضي بنصيبك وباللي ربنا قسمهولك
احنا مقدرين موقفك وكل مشاعرك ديه طبيعي تحس بها بعد التجربة القاسية اللي انتى مريتى بيها
بس مش عايزينك تطولى في حالتك النفسيه ديه
عايزين ترجعلنا ماما اللي كلها ايمان وثقة بالله
والله العظيم انا اما بلاقي اليأس حيدخل قلبي بحطك انتى واوكسي وتوتا قدام عنيا لان انتو التلاته مثلى الاعلى فحسن اظن بالله
عايزاكى تشيلي كل الافكارالوحشة من دماغك
وتبتدي تحددي خطواتك الجاية
بس اهم حاجة الاستخارة قبل كل خطوة
وكمان قيام الليل والدعاااااااااااااء
مواضيع مشابهة
تابعي تجارب أخرى من هذا القسم.