تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

ماما...
إيه يا حبيبتى الكلاما للى انتى كاتباه ده....
متسيئيش لنفسك للدرجة دي...وإوعى سمعك تقولى الكلام ده على نفسك تانى...
واوعى تحسى الاحساس ده و لا بالنقص اللى بتقولى عليه ده.......ده احتياج طبيعى لاجمل احساس فى الدنيا و مفهوش إساءة لحد......
وأكبر دليل انك انسانة صالحة و زي الفل...هو انك بتحاولى دايما تكونى أحسن و أحسن...
وده طبع مبيبقاش غير فى الانسان المتواضع واللى بيحاول يرضى ربنا بكل السبل...وعلشان كده كل ما يعمل حاجة بيبقى نفسه يعمل الاحسن منها و يتقرب إلى الله أكثر و أكثر....
وبعدين الإنسان وارد انه فى لحظة من اللحظات يضعف......لكن ده مش معناه انه وحش من جواه و لا انه ضعيف او شرير...
لا بالعكس هو ده حال البشر...الشيطان متسلط علينا فى كل لحظة و بيحاول يدخلنا وخصوصا فى لحظات الحزن الشديد او الفرح الشديد.....
وانتى يا حبيبتى ربنا يقويكى مريتى بابتلاءات كتير و صبرتى عليها و هتفضلى صابرة لحد ما تشوفى تعويض ربنا و تفرحى و نفرح بيكى كلنا....
ووارد انك فى وسط مشوارك تضعفى زي ما كلنا بنضعف...وربنا سبحانه و تعالى عارف ان الصبر صعب...وان الصبر على الابتلاء و خصوصا على الحرمان من نعمة هى من زينة الحياة الدنيا...ده أمر صعب جدا....وعلشان جده جعل للصبر هذا الأجر الكبير.....

يا ماما انتى إنسانة جميلة و أجمل ما فيكى قلبك الطيب..وتفاؤلك و حسن ظنك بالله و مثابرتك...
يبقى لما تضعفى شويه.....متقسيش على نفسك بالشكل ده.....
هونى على نفسك....ده ربنا سبحانه و تعالى عالم ان الابتلاءات صعبة....وعالم بالمجاهدة اللى بتجاهديها .....وعالم كمان بقلبك الطيب و نفسك النقية....
بالراحة على نفسك....وبأمر الله ربنا هيفرح قلبك فى القريب العاجل....والله يا ماما هتفرحى و تفرحينا قريب...بس يلا شدي حيلك و اخرجى من الحالة ديه و استعيذي بالله من الشيطان اللى مشعايزك تشوفى كل الحاجات الحلوة اللى فيكى......

حبيبتى ام اياد ... اللهم قوى ايمانك ويأجرك فى مصيبتك ويخلفك خيرا منها
حبيبتى ... بعد كل الكلام اللى قالوه البنات ... ما فيش حاجة ممكن اذودها
غير انى اأكد على مشاركة حبيبتى شوشو وهو انك تسألى دكتور عادل اذا كنتى تاخدى سيتوفاج لتجنب الاجهاض
وتسأليه كمان عن التحاليل اللى ممكن تعمليها
يا ترى بعتيله ميل بالتطورات اللى حصلت ؟؟ ياريت تبعتيله ميل
وكويس انك قدرتى تبصى لنصف الكوب الملئ مما حدث
وهو انه فيه أمل لحمل طبيعى بإذن الله
ياريت ما تقدميش على الخطوة التالية بدون خطوة فحوصات الاجهاض وسؤال دكتور عادل عن السيتوفاج

ماما ... ياريت ما تسلميش ودنك للشيطان ابدا ابدا
يا حبيبتى عمر ما كان رزق ربنا بالبنين والبنات دليل على رضاه عن عباده ... لو الكلام ده صحيح مكنش رزق الكفره والملاحده والمشركين بالبنين وبالأموال
الدنيا كلها بما فيها لو تساوى عند ربنا جناح بعوضة مكنش رزق الكافر فيها بشربة ماء
عوزاكى تعرفى ان الاولاد قبل ما يكونوا نعمة فهم أمانه وربنا حيحاسب اللى حيضيعها حساب عسير
بصى للى حواليكى دول اللى مخلفين وشوفى هل هما ادوا الامانه ولا فرطوا
للأسف الشديد اقلية هم الذين يعلمون ذلك
احنا محتاجين نتربى الاول علشان نعرف نربى اولادنا بعد كده
حبيبتى الحاجة اللى بتيجى بصعوبة الانسان بيعرف اد ايه هيا غالية وبيخطط ازاى يحافظ عليها
عايزة اقولك احنا ربنا خصنا بنعمة مش موجودة عند ناس كتير .. بس اللى يحس ويقرا الرسائل اللى من عند الخالق