تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

مميزات ازيك ياقمر لسه ماوزنتش نفسي انا بقالى كده اسبوع في الريجيم وان شاء الله هروح النهارده او بكره للدكتور
انا بروح لدكتور عدلى صبور في العماره بتاع بلانتينيوم مول

ميزو لسة والله شايفة رسالتك انا الحمد لله
لا مش هروح بكرة انا لسة ميعادى يوم 14
لانى لما تعبت رحت للدكتور الاسبوع اللى فات وقالى الحمد لله مش خارج الرحم ولا حاجة
بس مش عارفة ليه ادانى ميعاد بعيد كده هو شاف الكيس بس كان لسة مش بان الجنين لانى فى الاسبوع الخامس
وقالى الميعاد الجاى يوم 14/6

نيفو وام انس انتو فين؟؟؟

باقى البنات مختفيات ليه لعل المانع خير


شيمو تعالى طمنينى عليكى دلوقتى ياقمر

يا حبيبتى يا شيمو ... ربنا معاكى ... وبإذن الله الوضع ده مش حيستمر كتير ...وربنا حيديكى اكثر مما تتمنى
وحيطرح البركة فى خلفتك ويخليها نافعة للمسلمين يارب ... والله انا لسة عند كلامى الناس دى تستحق الرثاء لأنهم مستدركون ... مش معنى ان ربنا ادانى نعمة يبقى كده راضى عنى ومش معنى انه اخر عنى نعمة يبقى كده هو غضبان عليا ...
ربنا قال فى كتابه الكريم ... (المال والبنون زينة الحياة الدنيا والباقيات الصالحات خير عند ربك ثوابا وخير املا )
وقال كمان ( يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوّاً لَّكُمْ فَاحْذَرُوهُمْ )

بمعنى ان الاولاد مش شرط يبقم خير والدليل على كده الولد الصغير اللى قتله الخضر
ربنا اذا احب عبد ابتلاه
ربما منعك ليعطيك
كن حسن الظن بالله
لاحيلة فى رزق ولا شفاعة فى موت
انا عارفة يا شيمو ان الكلام ده كله تعرفيه كويس ... لكن ذكر فإن الذكرى تنفع المؤمنين .... كونى على يقين ان ربنا رايد ليكى الخير وانه حيعطيكى ويقر عينك واحنا معاكى كمان ....
ابتسمى بقى وارمى ورا ظهرك

حبيبتى ميكو .... الف سلامة على مايا ... ياريت تديها لبوس جلسرين بتاع الاطفال .... وتعمليلها مساج خفيف على بطنها بزيت الزيتون ... مساج على شكل دائرة حول السرة