عاااااااااااااااااجل مطلوبه اراء الجميع

السلام عليكم ...............
غيوض ,أميرة الورد ,موضة ,عود مبخر,انا الهتان انا
ام الحلوه ,آلاء وغيداء ,سيف الجهاد ,Sandybelle
كورن فليكس ,فله ووناسه ,

جزاكم الله كل خير وجعله في موازين حسناتكم وخلا لكم أهاليكم وعيالكم وازواجكم وشفا مرضاكم .................
يا بنات كل كلامكم صحيح وانا طرحت هالتساؤلات لكن المشكله مافيه ضمانات بعد الزواج ان الاجابات اللي حصلتها تكون صحيحه قناعتي الاخيره بالزواج انه موضوع مخاطره بالاساس يعني الوحده تطب وهي مغمضه يا تصيب يا تخيب !! ليه انا اقول هالكلام ؟؟!!
من اللي قاعده اشوفه من حالات الزواج وااطلاق الاكثر منها !!
وبالذات المطلقات والارامل لازم يطبقون هالنظريه وللي عايشين بالسعوديه بالاخص وانتم عارفين يا بنات الوضع عندنا انه مافيه امكانيه اكبر تعرفين الرجال قبل الزواج ....!!
انا خايفه تكون فرصتي اللي ما تتكرر وتروح علي بايدي !! لما افكر انه سبحان الله يمكن الله راده كل هالسنين عشاني ويعوضني عن كل اللي مضى !! والخطوبه وفسخها مو دليل وهذا نصيب ما يدلل على انه الانسان سيء او من احسن الناس !! العمر اعتقد كثير من الرجال يكذبون بالعمر والحريم اكثر عشان يمشون حياتهم مع انه مبدأ الكذب مرفوض !!

(((( السكن لحاله ))) حنا بالسعوديه ما حنا بامريكا والحاره اللي عايش فيها كلها ناس محترمين وعوايل يعني تتوقعون راح يتركونه لو لاحظوا حركه غريبه في البيت مع اني مثلكم محتاره ليه ساكن بلحاله ؟؟!!
والخطوبه فكره مقبوله لكن ما ادري الوالد يرضى او لا هي السبيل الوحيد لايجاد الاجابات
والحكم اكثر على الرجال وخاصة الصلاة و البخل وماني عارفه كيف اختبره ب هالنقطه واللي عندها فكره كيف تقولي !!
امس سمعت قصة وحده في مصر صغيره بالعمر وتزوجت من سنين من واحد اكبر منها بكثير
من بناته تعتبر وهو غني جدآ الان طلع يشتمها وبخيل وما ينام معاها يداعبها بإيديه
يعني عنده عجز جنسي !! طبعا هذي القصه مخيفه محبطه لكن ارجع واقول مو دليل لانه فيه شباب بخلى وعندهم عجز جنسي وعقولهم صغيره وما يصلون أو يصلي ويضرب وهكذا
يعني ارجع واقول مافيه ضمانات والله اني محتاره وحيرتكم معاي !!

((((((((((((((((((((((((((((((الغريب )))))))))))))))))اني مرتاحه يا بنات كل يوم اصلي استخاره وانام وادعي كل وقت واليوم بعد ما صحيت مرتاحه للموضوع فعلا غريب !!
شرايكم بالكلام يهمني تناقشوني وتردوا علي

اهم شى اختى ركزى على الصلاه
اذا مايصلى نصيحه
لاتوافقى

من جاءكم من ترضون دينه وخلقه فزوجوه

شوفي اختي .. ابتكلم على استعجال ..



بالنسبه للعمر لا يهم .. وليس هناك فارق كبير جدا لو نظرنا الى وضعك و اولادك وكذلك وضعه بان ليس له اولاد وليس معه زوجه ثانيه ..


اذا يكون هناك تساوي في مشكله العمر كلا على وضعه ويعتبر مقبول ..

لكن ما يهمني هو امر ( الصلاة ) وهي اهم شيء صراحه ولا يجب التساهل فيها اطلاقا .. ويمكن ان تسألوا جيرانه : هل اذا كان في البيت وسيارته عند الباب تشوفونه بالمسجد ؟؟؟

لكن اذا سيارته ليست عند الباب فمن الاولى ان يكون في مسجد اخر او لا يصلي - الله اعلم ! !

طيب .. صلاة الفجر لازم يكون في البيت وسيارته عند الباب .. اذا لازم يشاهد في المسجد ..

هذه نقطه ..


النقطه الثانيه اقاربه يذموه ... طيب ليه يذموه ؟؟؟ و ش شايفين عليه ؟؟ مثل ماذا ؟؟

النقطه الثالثه .. كما قالوا الاخوات اسألوا طليقته .. فلربما تعرفون عن اشياء تخفاكم وخاصه امر الصلاه لانها لن تكذب في امر الصلاه .. لكن اشير انه لا يؤخذ كل كلام طليقته عنه فلربما لا تريد له الخير او الزواج ! ! ! ! ! لكن يمكن يستفاد من طليقته في امر اخرى خاصه جدا ! ! !

النقطة الرابعه .. يمكن تستفسروا عن بعض من خطبهم ورفضوا اعطائه بناتهم - اذا قدرتوا تاصلون لارقامهم - وتعرفوا ليه ما وافقوا عليه ؟؟ ! ! !

عموما .. اختي لا يمكنك المغامرة بهذا الزواج والقبول به هروبا من الجلوس بالمنزل وخوفا من استفحال الامر .. نحن لا نريد ان يتكرر الفشل الاول مرة اخرى فتتعقدي نفسيا من اي زوج اخر ..


اسألوا .. اسألوا اسألوا حتى لا تندموا مستقبلا ..


والله يكتب اللي فيه الخير ..