بنات الامارات..خبروني من وين اشتريتو غرف نومكم ..

@am_algoahr

هلا

حابه اغير غرفة النوم..

و محتاره وايد

فحبيتكم تخبروني من وين اشتريو غرف نومكم :27:

11 تعليق 1,100 مشاهدة

0 0

شاركي في النقاش

سجلي الدخول لإضافة تعليق.

التعليقات

11

  1. @hnayn81

    السلام عليكم و رحمة الله و بركاته:

    ذكريتيني بالمعاناة اللي عانيتها لين ما حصلت على غرفة نوم :(
    انا الغالية خذت من حول الامارات بعد جهد جهيد........ بس اذا ذوقج صعب ممكن تفصلين
    عندج في دبي
    مارلين
    هوم سنتر
    حول الامارات

  2. @dan_albhor

    أنا خذتها من حول الإمارات بس أخواني خذو من هوم سنتر
    والصراحه كلهن روعه وانصحج بمفروشات الحذيفه.........

  3. @bnot_7

    نصيحة لا تاخذين من حول الامارات ...الا اذا بتاخذين الشي الغالي من عندهم لان الرخيص من تجربتي لغرفتين نوم وكراسي ومكتبة الله لا يراويج كلهم اختربوا بعد فتره بسيطه.....

    وخذت غرفة نوم ومكتبة من عند جيماكو أبوظبي مادري اذا لهم فرع في دبي روعه وما يختربن.....ومبروك مقدما...

  4. @tok_albnfsg

    اذا خذتها من ايكيا قبل 4 سنوات....وللحين خادمه معاي....بس حسب الستايل اللي تحبينه....أنا كنت حابة نفس غرف الأجانب :27:

  5. @am_algoahr

    صاحبة الموضوع
    مشكورين على ردودكم

    الصراحة بالنسبة لحول الامارات..خذنا من عندهم غرفة النوم للعرس

    الله لا يراويكم

    السدات الجانبية تكسرت

    و هلكنا و نحن نعدلهم ..ابدا بدون فايده

    و الكبت نفس الشئ ..

    و لا عت جبدي منه


    و الخشب طبعا مضغوط..بس مول مب شئ

تابعي تجارب أخرى من هذا القسم.