إلحقو على اختي المسكينه وزوجها اللي انهبل بآخر عمره

السلام عليكم يابنات

بدخل بالموضوع على طول يعلم الله قد أيش أختي محتاجتكم ولو بدعوه بظهر الغيب,

ماراح أطول عليكم يابنات ,هذي أختي مسكينه دايم هي وزوجها( اللي عمره طق الاربعين) :arb:مشاكل الله يهديه يارب ,مره نفسيتها تعبانه

منه ,هو إنسان خلوق وطيب معاها وكريم لأبعد حد ,بس عيبه انه كثير السفر :09:وطبعا أختي ماكانت تمانع

لانه مابيدها شي ,يقولها أنا مو مقصر معك بأي شي حتى السفر أسفرك ومن حقي أستمتع بحياتي ,واستسلمت المسكينه

لرغباته:angry: المهم ! المشكله مو هنا ! المشكله انها صادت عليه بعض الاشياء كذا مره وكلها بسبب السفر لهذي البلد

وكانت تواجهه ويتهاوشون ويرجع ويغلطها ويبرىء نفسه (مثل عادت كل الرجال )

ويتهاوشون فتره وبعدها ترجع المياه لمجاريها :icon28:, وآخر مره المسكينه اكتشفت أن له علاقه مع وحده ××××××

بالرسايل بس :42:,وهو هنا بالرياض (كيف تعرف عليها ؟من وين جاب رقمها ؟ ومتى بالضبط ؟الله اعلم)

وراحت أختي واجهته بكل الرسايل وسوت له سالفه وطردته من البيت , والحمد لله بعد جهد وعناء اعتذر منها

وقالها اللي تبينه بيصير وسفر لهالبلد مره ثانيه مافيه إلا وانتي معي ,والحمد لله تصافو ومشي حالهم ,

ومر على ها الكلام قرابة 5شهور ,وخلال هذي الفتره كانت اختي تقوله : وش رايك يابو فلان نروح أنا وياك بروحنا

أي مكان عشان نغير جو (يعني من غير الاولاد ,لان اغلب سفراتهم مع أولادهم ) تبي تحط عيالها عند أمي وتروق معاه,

ورددت هذا الطلب عليه اكثر من عشرين مره وهو مطنش يقولها طيب ويطنش:44:, وفجأه قالها : ودي أروح ××××××

بلحالي خمس أيام عشان عندي دوره ( طبعا كذاب) وبعدين تعالي أنتي على ×××× عشان نطلع مع بعض لبنان ونقعد فيها 5 أيام!!

وقالت له وين وعودك لي قبل ؟وين اللي مابيروح مكان الا معاي ؟ مافيه
1
1ورجلي على رجلك !!

قالها لا ! لأني بكون مره مشغول وبتملين هناك (يبغى يطفشها ) قالت له لا عادي بروح معك!! قالها طيب اللي تبغينه بيصير

المهم يابنات وبعد هاللفه هذي كلها

لقت في البوك حقه , رقم حجز له إلى ××××× لمدة 10 أيام ! (يعني طلع يكذب عليها ومخطط من وراها وحاجز وخالص)

بس يبي يسكتها ووالمسكينه ناااااااااااااار بقلبها قطعت قلبي من كثر البكى ماتدري كيف تتصرف وش تقوله

والمسكينه ماوجهته بالورقه اللي فيها رقم الحجز لانه بيقول ليش تفتشين, بس لمحت له أنها داريه وقالت قدامه

(يالله ماادري متى يجي هاليوم اللي وعدتني نروح فيه لبنان والله مره مستعجله عليه) ورد عليها بأنه اذا راح

ل×××××× او لبنان راح تكون معاه , طيب وشلون تكون معاه وهو حاجز لنفسه وخالص ؟؟؟؟؟؟

بنات وش تتوقعون !! بيكنسل حجزه وبياخذ أختي معاه مثل ماقال ؟

واللي عندها حل تكفون تدلني عليه ,ماادري وش اقول لاختي المسكينه ماعندي حل لها :44:

قلت بشوف ردودكم وآرائكم الحكيمه لعل وعسى ألقى عندكم حل يريح أختي المسكينه من همها اللي ملازمها سنين

الله يعافيكم بنات أبيكم تعتبرون أختي مثل أختكم أمانه بنات ,أبي رد حكيم ويحل الازمه ومابي وحده تقول خليها

تادبه وتروح بيت أهلي , ترى نعرف هالحل ومانبيه نبي حل بعقل وحكمه وأكون شاكره لكم

والله يوفقكم دنيا وآخره:26::26::26: