تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

ميرسى قوى ياقمر على الترحيب الحلو ده ... وشكرا على المعلومات بجد افدتينى ..طيب بالنسبه للمراكز انهى تنصحونى بيه جنين وله ادم؟؟

بالنسبه بقا لبطاقة التعريف خدى عندك cv الجامده



الاسم الحركى: سمسمه

السن 28
متجوزة من كام سنة :سنتين
سبب تأخر الحمل : فلةفى الحيوانات المنويه وتشوه وانا عندى انبوب مسدود
حصل حمل قبل كدة و لا لأ : لا ولا مره
بدأتي تهتمي بموضوع الحمل بعد كام سنة جواز : بعد سنه
روحتي لكام دكتور :حوالى 3 بس متباعتيش غير عند 1
الدكتور اللي متابعة معاه دلوقتي: حاليا مفيش
متابعة معاه من اد ايه :دكتورتى تباعت معاها حوالى8 شهور
التحاليل الطبية اللي عملتيها :
نسبة ال FSH :مش فاكره النسبه
نسبة ال LH :مش فاكره بس كان مظبوط
نسبة ال Prolactine :اكان عالى شويه واخدت دواء شهر وبعدين اتظبطت النسبه
نسبة الProgesteron : عملته مره واحده وكان كويس بس مش فاكره النسبه
اي نسب تانية زي الغدة الدرقية او هورمون الذكورة مثلا :الغده طلعت فيها خمول واخدتلها دواء
ايه الادوية اللي بتاخديها :فوليك اسيد واسبرين
استمريتي عليها اد ايه :بقالى 8 شهوؤ
هل كان ليها اعراض معينة مميزة او لا :لا
عملتي تلقيح او حقن مجهري قبل كدة :حقن مجهرى
كام مرة :3مرات مرتين فريش ومره مجمد
في اي مركز : فى الكويت
مين الدكتور اللي تابع العملية :ــــــ
رأيك في المركز :اــــــــــــــــــ

ريمو سلامة بنت أختك ألف سلام يارب
شفاها الله وعافاها وربنا يحفظهالهم ويشفيها شفائا لايغادر سقما يارب
المهم طيب طمنينا إنت وأنوس أخباركم إيه؟

شوشو عامله إيه وإزي عريس بنتي كويس ولا لألألألألألأ
وبكبوك أخباره إيه الولد الشقي ده شكله طالع لأخوه
ربنا يحفظهملك يارب

أوكسي متقلقيش من كل اللاخابيط ده بإذن الله كمان ثلاث أيم التبويض هيتحسن
وبإذن الله ربنا هيكرمك المره ده يارب وتكون أخر مره تعيديها بإذن الله

بوبا إيه ده يا ماما الحمد لله إنكم بخير إنت لازم تخرجي صدقه بجد والله
وياريت يا بوبا كل يوم تستودعي نفسك إنت وزوجك وأموالكم وعربيتكم وطبعا البيبي قبل كل شيء
يانهاااااااااار ربنا يحفظكم من كل سوء يارب
شغلي كل يوم سورة البقره صحيح يا بوبا
وربنا معاكم يارب

بندقه وقرنفله أهلا بيكم معانا
وغن شاء الله تتبسطو معانا بإذن الله

بندقه رمال طبعا ردت عليكي وأنا نفس رأيها بالظبط أحسن مركزين في مصر هما جنين وآدم
بس من خبرة البنات إن آدم أحسن للي عندهم مشاكل في الزوج
وطبعا الإثنين ممكن تنزلي تعمليها في أي واحد فيهم وتنزلي إنت الأول ولما تقربي توصلي لمرحلة سحب الأجنه زوجك ينزل هو كمان
وممكن ينزل معاكي من البدايه ولو جه معاد سفره ولسه شويه على العمليه يجمد عينه للسائل المنوي ويسافر وهيه ده اللي يتعمل بيها العمليه
عموما مركز آدم غنت ممكن تراسليه من على النت وتسأليهم على كل اللي إنت عايزاه وهما هردو عليكي
أما جنين هما ممتازين ماشاء الله وأنا عن نفسي ربنا أكرمني معاهم بس للأسف مينفعش تراسليهم من على النت
وعموما لو عندك أي سؤال أنا تحت أمرك وربنا معاكي يارب

والله يا ريمو...انا معرفش اي حاجة عن المناظير ولا شكلها و لا جروحها....بس لما شيمو كتبت عن الوجع من الجرح انا حسيت انه مش هيكون اصعب ولا اكبر من جرح القيصرية....علشان كده بس حبيت اطمنها انا لجرح الاكبر بيلم فى مده معقولة ...وبالتلى بامر الله جرحها هيلم بسرعة....

وربنا يا حبيبى يزيح عن الجميع و يجعل كل الم مرت بيه اي واححدة فينا فى ميزان حسناتها

سوميه وعزيزه أنا مش عارفه إنتو ليه شاغلين نفسكم وبتركزو في موضوع الحراره ده
أنا عمري ما ركزت فيه ولا في أعراض التبويض علشان نفسيتي متتعبش والله الحاجات ده بتأثر
وبعدين إنتو من كتر متابعة التبويض هتعرفو الأيام بتاعت الهوم وورك وهيه ده اللي تسهرو فيها وتقومو بالواجب
وبعد كده سيبوها لله
ولو زانقه معاكم قوي في إختبار منزلي بيتعمل زي إختبار الحمل بالظبط إستمه إختبار الإباضه بيعرفك يوم التبويض بالظبط هو بيتباع في مصر تقريبا ب مية جنيه وموجود فيه كل التعليمات بالتفصيل
بس حتى ده أنا مبحبزوش
إنتو بس إعرفو الأيام المهمه وركزوا فيها أما موضوع الأعراض ده والله متعب متعب متعب
ربنا يكرمكم يااااااااااااااااارب ومن غير أعراض لا سخونيه ولاغيره ياااااااااااااااارب

دوعه ها يا قمر أخبارتك غيه ونويتي على إيه طمنينا

نوفا الوحيده أين أنت رحتي فين إرجعي بسرعه طمنينيا عليكي

ميكو وأوشي عاملين إيه يا قماممير وإيه أخبار اليوميات بتاعتكم دلوقتي
جربتو السهر واللف طول الليل ولا لسه
ربنا يعينكم يارب ويجعله في ميزان حسانتكم بإذن الله