شاركي في النقاش

سجلي الدخول لإضافة تعليق.

التعليقات

117
  1. صاحبة الموضوع
    ضحى الإسلام
    ياالله يرحيم ارحمنا وارحم موتى المسلمين... والله تأثرت كثيييييييييير بالحادثه ...وجعلها اخر الاحزان.. عزيزتي دانه...الحمدلله اللي سخر امك الله يعظم اجرها ويجزاها الجنه من اوسع ابوابها لعيال اخوك..احس اني تعاطفت معهم حييييييييييل لان فقدا…

    للغاليه أمة الله
    ولمن سألني عن عابره وكيف كانت
    فوالله منذ عرفتها
    ماعمري قابلتها الا مبتسمه
    ابتسامه طاهره
    يضحك قلبها قبل عينيها وعينيها قبل شفتيها
    هاديه جدا..متأنيه
    لاتكثر حديث
    ترد عليك بكلمه او بإبتسامه
    هذا حدودي وصفي لها
    ولكني سألت احد ممن يلازمها
    فقالت .. محبوبه من الجميع
    ومثل ماذكرت
    ... أعلى منازل الجنه الاخلاق الحسنه ...
    اللهم اجعلنا ممن يكونون على خلق عظيم
    مقتدين بالرسول صلوات الله عليه وسلم
    ....
    كنت في مكه أنا وزوجي سنمكث فيها الا ان ينتهي من عمله ونعود جده
    .. خرج من عندي ليحظر العشاء
    أخذت غفوه الا ان يعود

    جوالي في شنطتي لم اخرجه
    التلفون يدق
    هلا مين
    انا اختك
    هلا هلا ...
    وينك ماتردين على الجوال ..
    والله كنت نايمه ... شوي...أمري
    أممممممم ( بصوت حزين )لا لا بس بغيت خلطه جديده من حواء لوجهي
    طيب انا ادرولك ...لكن تعالي وشفيه صوتك
    لا ولا شيء بس شكلي نعسانه
    اكيد
    ايه
    طيب في امان الله
    وسكرت السماعه
    وليتني ما سكرتها ...اولاً لحالي بالبيت وش كبره
    ثانيا .. قررت اني اشوف جوالي مين دق غير اختي وانا نايمه

    بسم الله 9 اتصالات
    اختي الكبيره هذي الي تو كلمتني
    اختي المتخرجه من الثانويه زي عابره
    اخواني
    ياساتر

    رسالتين ... مسج من اختي
    كيفك طمنينا عنك
    ليه ماتردين

    ورساله من أخويه كانت رساله تحوليه
    غريبه الله يهديه مدري يحسبني حجر يوم يدفشها في وجهي

    كانت الرساله
    " علي وعمر أولا عبدالغني توفوا في حادث "
    تخيلوا أنا فتحتها من هنا
    وابتسمت
    والله جلست اضغط تحت
    يارب يكتب صادوه
    يارب مقلب
    يارب سترك

    اتأملها وانا يدي ترتجف
    اهتز والله بدني
    وانا ماادري عن نفسي اثر يدي تضرب على الارض
    وبصوت مرعوب مكتوم
    لاحول ولاقوة الا بالله
    لاحول ولاقوة الا بالله
    خالتي ... يارب... العريس .... ال ... ال ....
    صرت اولول
    بعدين جلست اسمي على نفسي
    .... والقلب متقطع قسم بالله
    محروووووووق
    ورفعت السماعه لأخوي عبادي

    "عبادي ... صحيح الخبر؟؟
    "يا حبيبتي اهدئي
    تعوذي من الشيطان "
    عبادي حكيني
    " قولي الله يرحمهم والله حالنا حال الله يتغمد الاربعه برحمته ... الي طاح والي عطوه مهديء
    امي تعبت كثير لحد اللحين تبكي ... حتى ابوي ماتحمل ولا اخواني
    خلاص لاتزودينا الله يرحم والديك "
    وهنا صيحت من قلبي ...
    " عابره وعنود ماتووووووووووووو .... ياربي ... يالله "
    تخيلوا مصدومه يومه علي وعمر ويوم قلي بالبنات تعبت
    مره اشوف عابره تضحك لي
    وشوي اشوف عنود تلتفت لي
    قفلت من هنا
    ودقيت على اختي
    " ليه .. ليه ماقلتيلي
    والله ارحم من اسلوب اخوي
    يالله ماني مصدقه ... خالتي الله يجبر مصيبتها وش حالها ... وصرت اثرثر وكلام والله ماني فاكرته
    الي فاكرته ان اختي انعقد لسانها وصارت الدموع مراسيلنا ما نتكلم
    نبكي وبس "

    سمعت باب بيتي ينفتح
    زوجي بالعشاء داخل علي الصاله
    اشوف ظله من وراي وهو يقرب

    يسمع شهيقي وبكاي وانا اكلم

    وهو داخل يقول " لاحول ولاقوة الا بالله "
    ياساتر استر يارب
    وهو لسى ماسك العشاء يوم اقوله في وجهه
    عن الخبر
    جلس واقف مصدوم والعشاء باقي في يده
    انا لله وانا اليه راجعون

    جلس يهدي
    ونسي شغله الي يبي يسويه

    وجلسنا في حالة ذهول حوالي ساعه كامله كأن على رؤسنا الطير
    رجعت جده ...
    في نفس معرفتي بالخبر عرف اخي بنفس الطريقه
    والله يحلف لي ... انه وقف ونزل من سيارته مايدري عن نفسه عند اقرب بقاله
    شراله علبه مويه بارده

    صار يرش على راسه ... ووجهه ويسمي ... والكل يناظر ومستغرب
    يعني لو احكي لكم شعور كل واحد ماكفتني الصفحات
    الخلاصه ان الفراق أليم
    وجارح
    خصوصا اذا كان بغته وجماعي بهذا الشكل
    الله لايوريني ولا يوريكم لا سوء ولا مكروه ويجعل العاقبه زينه

    في الجزئيه القادمه
    عند الصلاة عليهم في المسجد النبوي كانت احداث مؤلمه جداً خصوصاً
    أمر واحد عجيب أثر في نفسي وفي جميع من المهم الخبر

    تابعوا الاحزان ... قريباً
  2. @bshr_alkhyr

    رحم الله ميتكم
    وجبر مصابكم
    والله لقد ابكيتني أختي
    إنا لله وإنا إليه راجعوووووووون

    منتظرينك حبيبتي
  3. اختي ارواء العليل عظم الله اجركم وجعلها خاتمة احزانكم والله اني اقرا القصه ودموعي غرقت الكيبورد ....يارب لاتورينا في غالي مكروه خمناب.

تابعي تجارب أخرى من هذا القسم.