أمس انفصلت عن خطيبي

السلام عليكم


بعد خطوبة دامت لمدة 6 أشهر ....امس فاتحت خطيبي بقرار الانفصال!

قرار كان جداً صعب خلاني أعيش بمتاهه و حالة بكاء يرثى لها



عشان أكون حقانيه خطيبي انسان ملتزم و يحبني بس كل شخص فينا بديره

هو بأمريكا و أنا هنا بالسعوديه

تمت الخطبه من 6 أشهر على أساس ان بعد رمضان يتم الزواج و أروح أكمل وياه دراسه بأمريكا

ظلينا نتواصل بشكل شبه يومي طوال الفتره اللي فاتت....حبيته!.... و حبني!


اعترف لي بشغله قبل لا تتم الملكه!.... و هي انه كان متزوج أجنبيه مسيار من قبل بس ما اتفقوا و تطلقوا و ما عنده عيال منها...شغله تقبلتها ...قلت مدام حلال مالي حق اعترض دام الرجال أخلاق و دين!



لكن ليش قررت هالقرار؟

لسببين

الأول لاحظت ان في اختلاف كبير في التفكير بيني و بينه...أحيان كثيره كننا نختلف بالآراء

أما السبب الثاني: كثرة مزحه في انه رح يتزوج علي مسيار أو دائم بأمريكا....كان يمزح بهالشي كثير! لدرجة ان في مره زعلت عليه و قلت له هالمزح انا ما أتقبله....و اعتذر و وعدني انه ما عاد يمزحه!......التزم بالوعد فتره ...بعدين لا رد يمزح نفس المزح..... وصلت لمرحلة ( عدم الثقه! ).....صرت كله أشك انه ممكن يسويها الحين أو بالمستقبل!

عشت لحظات مريره من الشك!......ما قدرت أحس بالراحه رغم أني أحبه و أموت فيه!


استشرت أمي و أبوي....قالوا لي يا بنتي انتي من بداية هالزواج و انتي عايشه بهالدوامة و عطيتي نفسك فرصة ....لكن مدام طول هالأشهر ما قدرتي ترتاحي و توثقي ...فثقي انك ما رح توثقي فيه بقية حياتك و ان هالزواج مارح يكون ناجح


فكان لي شهر كامل أفكر كيف أقول له؟ كيف أواجهه؟ .... و هو كل يوم يقول لي انه يتمنى ان يجي اليوم اللي يرد فيه البلد بالسلامه و يجتمع فيني....أسمع كلامه أحس بضيقة!.....هو يقول لي هالكلام و أنا أفكر بالانفصال...



لكن اللي حصل أمس!


أرسلت له رساله....كتبت فيها كل اللي بخاطري باسلوب لبق....


شاف الرساله!


اتصل فيني...



و تفهم أسبابي....





بنات أحس بضيقة كبيره بصدري! من أمس ما نمت و لا قدرت أوقف بكي!! :44:

58 تعليق 15,689 مشاهدة

شاركي في النقاش

سجلي الدخول لإضافة تعليق.

التعليقات

56
  1. @bnt_byot_alaaz

    ياقلبي الله يكتب لك الخير وين ماكنتي المفروض انك استخرتي ترا بعض الرجال وحطيها حلق بادنك يختبرون الحرمه بطرق ماتجي ببالك يمكن بكيتي لانك حبيتيه شي طبيعي عموما الله ييسرلك امورك
  2. @missdndn_1

    صاحبة الموضوع
    أنا أستخرت كثير

    عقلي يقول لي اني مارح أعيش سعيده وياه

    لأن مو قادره أوثق بس قلبي يقول لي أستمر لأني أحبه ....

    حاولت اني أعطيه الثقه لكن ما قدرت ...بكيت كثير لأن أبي أحس بالثقه و الاطمئنان بس ما قدرت


    6 أشهر كانت مليئه باللحظات السعيده و الحزينه
  3. @monya21

    طيب انتى حسيتي من اتصاله اللي بعد رسالتك انه ندمان او شي من هذا القبيل

    ولا تقبل رايك وخلاص


    شوفي معلومه اعطيكي هيا اغلب المبتعثين من المسليمن لازم يتزوجوا بره حتى اللي يدرسوا في مصر كلهم كدا


    المهم انتى استخيري وربنا يسهلك

تابعي تجارب أخرى من هذا القسم.