تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

ازيك يا رورو ازيك يا اول صديقه وأخت ليا في عالم حواء
انا بحبك اوي علي فكره والله
ربنا يخليكي ليا يارب

اما بالنسبة لقلقي عشان سفر زوجي بحاول والله محسسهوش
يلا اكل العيش مر :)

انا عايزاكو تدعولي اليومين دول اوييييييييييييي يكون فيهم البركه يمكن يمممممكن يعني يحصل حمل ولا حاجه :)
انا دورتي 27 يوم_ 28 يوم
وانهرده اليوم 10
وهو مسافر اليوم 12

صعبه مش كده ؟؟؟ :)

علي العموم انا كده كده رايحه اعمل سونار انهرده اشوف في تبويض من اساسه ولالا
عشان لو كده افوق من الحلم

مع ان مفيش حاجه صعبة علي ربنا

السلام عليكم ورحمة الله و بركاته....
رورو...
منورة يا سكر......
بعدين ده انت احلى و اجمد حبل غسيل كمان....

أوكسى....
أنتى اللى دايما منورة يا حبيبتى و يا رب نفرح بيكى قريب و تنوريلنا التجمع بخبر حملك فى القريب العاجل...
وبعدين واضح انك مأخدتيش بالك مشاركات امبارح ديه كانت الساعة كام.......يلا عدت على خير....ان شاء الله دايما نتجمع على خير و نشوفك و نشوف كل اخواتنا هنا اللى حبيناهم و بنحبهم لوجه الله...

توفى...
ربنا يجمعك بجوزك عن قريب ويفرح قلبكم بالذرية الصالحة...
زي ما قالت رورو....اعملى اللى هليكى بس..وسيبى النتيجة على ربنا وهووحده قادر يفرح قلبك.....

أودي...
بلاش الكلام العبيط ده..
بتعتذري على إيه بس يا بنتى..
احنا متفقين اننا اخوات و اننا لازم نعرف عن بعض الحلو و الوحش...علشان نفرح سوا...
ووقت الشدة كمان نعين بعض ولو بكلمة طيبة او دعوة صادقة بظهر الغيب....
سيبك من العبط ده و اجمل شئ انك فعلا بتنظري لنصف الكوب الممتلئ...
ربنا يديمها نعمة...ويلا قوليلنا الخطوات الجاية بسرعة...
هتنشطى تانى بعد أد إيه....وعملتى تحليل البرولاكتين ولا لا...وهتاخدي سيدوفاج ول ا ايه الاخبار....

أم التوأمان....
والا برافو عليكى انك بدأتى تمشى فى سكة صح..واللى بأمر الله يكون آخرتها خبر حملك بأحلى توأم...
بس ليا كام ملحوظة.....أولا..الوزن الزيادة فعلا عدور الخصوبة..ولو رجعتى لشرح أوكسى اللى فى اول صفحات ا لملف هتعرفى أد إيه الوزن ا لزيادة بيشتت الجسم و يلخبط الهرمونات...وكمان مش ظريف ان يحصل حمل مع الوزن الزائد ...
يبقى فعلا أول خطوة لازم نخس....وبالنسبة للسيدوفاج فهو تمام و ممتاز لظبط الهرمونات و خصوصا لو فيه تكيس....بس هو مش بيخسس مع كل الناس....هو ممكن يساعد على لخسسان...لكن انا واحدة من الناس اللى لما اخدته مساعدنيش فى نزول الوزن خالص..
وبالتالى لا غنى عن الدايت و الرياضة....ويلا شدي حيلك..
اما الدوا فأعراضه السخيفة هتختفى فى ظرف أسبوع أو اتنين...وزي ما قالت أوكسى لازم نستمر عليه مده كافية قبل التنشيط و نفضل مسمرين لحد ما يحصل حمل...وكمان لعد الحمل لحد ما نطمن على نبض البيبى...وبعدين نوقفه بالتدريج.....وهو فعلا آمن بأمر الله على الحمل ..بل انه كمان بيساعد على تقليل مخاطر الاجهاض..

ريمو..
ربنا يخليكى يا حبيبى و يجازيكى خير عن كل لحظة بتضيعيها من وقتك فى الملف هنا او ى مساعدة اي حد محتاج ليكى...
ربنا يبارك فيكى وي باركلك فى أنوسى و يهديه و يخاويه قريب بأمر الله....

ميزو...
منرة يا موزة....بجد نا مبسوطة اوي من تواجدك اليومى فى الملف هنا و كلامك الجميل اللى بيطلع من القلب و يوصل للقلب يا قمر...
وبعدين مش شرط انك تتواجدي فى السهرة لانك دايما فى قلبنا يا حبيبى..
سلميلى على مودي كتير و بوسيهولى....

بوبا...
ربنا يحفظك انتى و جوزك و يبعد عنكم كل شر...
واعملى زي ما قالوا البنات....شغلى قرآن و اقروا الاذكار دايما...
احنا الحمد لله مش من الناس اللى بترجع كل شئ للعين..لكن منقدرش ننكر انها مش موجودة....
وعايزة اقولك فعلا ان ممكن اللى يبصلك فى اي خير عندك يكون انسان عنده كل شئ و عنده كمان اكتر من اللى عندك بكتير...
هى مبتبقاش مسألة غنى و فقر ولا حد عنده و حد معندوش...اد ما بتكون نفوس مريضة ربنا يكفينا شرهم....

مها...
منورة يا حبى..
وربنا يجعل كل لحظة تعب مريتى بيها ى ميزان حسناتك...ويارب يعدي الاسبوعين الفاضلين على خير و تنشطى بقى ونفرح كلنا بكتاكيتك يا قمر...

شيمو....
كل البنات كفوا ووفوا...بس عايزة أقولك حاجة...اللى يلومك على حاجة كتبها ربنا علينا و مهياش يإيدينا..يبقى هو فعلا اللى يستحق الرثاء و هو اللى المفروض يصعب علينا.....وميتقالهمش الا كلمة واحدة (أتعيب على الصنعة أم على الصانع؟).....ربنا يهديهم و يتوبوا عنا للى بيعملوه ده قبل ما يقابلوا الحى الذي لا يموت....
وربنا يا حبيبتى يتمش فاكى على خير و تكون ديه اول خطوة فى الطريق اللى هينتهى بقرحتك بحملك.....