الله يسعد اللي بيساعدني ~

السلام عليكم ورحمة الله
مساكم الله بالخير والصحة والعافية ..
اليوم جايتكم وكلي أمل أن فيه ناس راح تتفاعل معي وتقدم لي المشورة
والنصيحة
والله ثم والله ما دخلت هنا الا متأكده وواثقه اني بإذن الله راح ألاقي من يساعدني و
يرسي بي ببر الأمان ..

أنا مالي الا الله ثم أنتم أنصحوا لي وما راح يجيكم الا الدعاء
سلمكم الله أنا خاطبني واحد من جماعتنا وهو لسى طالب بكليه الطبـ
وراح يسكني عند أهله وما راح أكون عندهم الا الخميس والجمعه وأيام العطل
لأنه الله يسلمه ساكن بمكان الدراسه ( الكليه مو بديرتنا وهو ما يتردد )
وأبوي يقول نعم الرجل واذا جاءكم من ترضون دينه ...... الخ ومن هذا الكلام
فما أدري
هل أقبل فيه وأرضى أكون عندهم يومين بالاسبوع ؟؟
او ارفض وأضيع الفرصه ؟؟
مدري يمكن يطول بالدراسه (( مع العلم اني ما ادري كم عدد سنوات دراسه الطب ياليت تفيدوني ))
انصحوووووووني والله اني محتاره مالي احد يشير علي ,, أمي متوفيه الله يرحمها
وخوالي وعمامي لو تقطعوني ما شكيت لأحد منهم ما ابي احسس أحد اني بحاجة أحد ...

الله يفرج لكم من كل كرب وضيقه وييسر أموركم ساعدوني ولا تبخلو علي
بالمشوره ..

وما راح أنسا لكم جميلكم ’’
أختكم المحتارة ,,:44:

11 تعليق 816 مشاهدة

شاركي في النقاش

سجلي الدخول لإضافة تعليق.

التعليقات

11
  1. استخيري وانتي اعرف بظروفك اذا هو شاب كويس وفرصه ماتتكرر وافقي والله يوفقك
    وطيب ليه ماتسافرين معه لنفس الديره اللي يدرس فيها
    وبعدين الطب تقريبا 6سنوات اذا تخصص
  2. @lamrylam

    شوفي اول شي استخيري الله
    واذا ارتحتى اشرطى ان يكون لك بيت مستقل بعد الدراسه لايتعود عند اهله تجلسون
    وانتى بعد جمعى لك كم قرش مو كل ما جا تجلسين عندهم غيرو خليها بعض الاحيان في فندق وبعضها عند اهل زوجك
    ولله العيشه في بيت واحد مع اهل الزوج ما يجيب غير المشاكل
    والله يوفقك ويكتب لك الزوج الصالح
  3. @lmo0o

    وافقي بس لازززم تشرطين عليه بيت لـحالك

    بعدين لا سمح الله وماعجبك الوضع و الله ييسر لك
  4. استخيري ياقلبي اول واذا ارتحتي خلاص وافقي عليه والسكنه عند اهل زوجك اذا على يومين في الاسبوع وعطل مافيها مشكله بس على طول لا من جد السكنه عند اهل الزوج ماتجيب غير المشاكل وربي يوفقك وييسر لك امرك
  5. عليكم السلام ورحمة الله وبركاته

    ياأختي إذا الرجال تمام وماعليه خلاف وافقي والحمدلله .. مصير الأيام بتجمعكم ببيت مستقل ..
    ومافيها شي أنه يدرس وتجين يومين خوذي الامور ببساطه والحمدلله

تابعي تجارب أخرى من هذا القسم.