تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

ضحكتينى يا احلى بوبه .... انتى عارفة المربى الفيتراك مثلا ... بتتحط فى حاجة زجاج بغطاء معدنى
ناس يقولوا برطمان - ناس يقولوا بطرمان - شوفى انتى بتقولى عليها ايه

المهم تخدى حبة حبوب قمح وتحطيها فى الاناء الزجاجى ده وتغطيها بالمية وتقفليه بحتته شاشة وتحكميها بأستك من بتاع الفلوس
حلو كده ... الكلام ده يبقى الساعة 6 صباحا ... علشان وقت البكور بيبقى فيه بركه والدكتور جميل عمل تجارب ونبت القمح فى اوقات مختلفة كانت افضل نتيجة لما بدأ الساعة 6

وتمشى الخطوات زى ما كتبتهالك من الموقع قبل كده
واى سؤال انا تحت امرك يا ام اوراور

ام اياد انتى فين طمنينى عليكى

طمطم بقالك كتير غايبة تعالى بقى وحشتينا

ام انس وشك ولا لاقمر فينك يابنتى صباحك زى الورد

على فكرة يابنات الهدى والنور غايبة بقالها كتير ياترى حد يعرف ايه اخبارها

ومشمشة كمان وحشتنى قوى يارب بقى نرجع نشارك كلنا زى الاول

صباح الخير يا ام انس ... طال غيابك ليه ليه ليه يا حبيبى

طب معلش يا اوكسي
متعرفيش دورتها كانت 28 ولا 27 ولا ايه

ههههههههههههههه
صحيح العلم نورون
يعنى طلعت فى الاخر برطمان او بطرمان يعنى ماكان من الاول كنا فهمنا بدل الفضايح دى ههههههههههه
طب معلش يا اوكسى نكمل مشوار الذكاء قصدى ...
هى حبة القمح دى اللى هى الفريك ولا البرغل ولا خى حاجة تانية اصلا \

وبصى ماتضحكيش عليا اصل انا كنت بنت مالهاش فى اى حاجة من حاجة البيت ولا بعرف افرق بين الحاجة وبعضها والبلاوى دى كلها ظهرت بعد ما اتجوزت عاوزة اقولك ماما اغلابت ياعينى معايا عشان تعرفنى الفرق بين شكل البقدونس والكسبرة والسبانخ والسلق ولغاية دلوقتى وحياتك فى بهدلة الغربة اللى احنا فيها دى
كل حاجة هنا بتتباع مكتوب عليها اسمها الا الخضرة
وجوزى ماشاء الله عليه هو اللى بيعرف يفرق بين الكسبرة والبقدونس اما السبانخ بقى فدايما بتخم فيها