الموضوع مغلق

تعالوا شوفوا الدكتور حواري وش قالي والله انه بكاني

كيفكم بنات
امس رحت الرياض من اول الصبح عشان الدكتور حواري وكنت متوتره جدددددددددا وبعد ماكشف علي في الانف قالي طبعا ان في اخطاء من العمليه الاولى وقالي مو كلشي يقدر يصلحه يعني الي عند قاعدة الانف مايقدر يصلحها لان لو حاول رح تبين الجروح اكثر لان الجروح واضحه من العمليه وبكذا مارح تختفي رح توضح اكثر انا رحت من كثر ماالبنات مدحوا فيه وفي نتايج عملياته لكني رجعت وانا ابكي بصراحه سبب لي احباط لاني حسيته مو مهتم كثير واغلب الوقت يكلم جوال كل شوي يرن جواله ويستأذن منا ويكلم وبعدين يحب ان يتكلم اكثر من انه يسمعني انا دخلت وانا مررررره متوتره وخايفه لاني تعبت وانا ادور على دكتور عمليتي الفاشله مسبب لي تعب نفسي لمتى وانا ادور دكتور :icon33: وهذا حطيت كل املي فيه بسبب الشهره الي اسمعها من البنات لكني تفاجأت باسلوبه اقوله اني خااايفه من النتيجه لاني مابيها تفشل مثل اول مررره ولا ابي بعد ادخل غرفة عمليات :( والله اني لما افكر في التعب الي تعبته من عمليتي مانام من الخوف والتفكير قالي انا مابقولك ان مرررررررررره رح تطلع النتيجه رائعه ؟؟ والي انا استغربت منه ان الدكتور الشاطر مايصعب عليه شي والدكتور حواري يقول مايقدر يصلح الشد الي في قاعدة الانف والي زاعجني مرره شكلي ماكان كذا غضاريف الانف الي على الجانب مشدوده لاسفل من العمليه والجروح مبينه وارتفاع في المسافه بين الشفه وقاعدة الانف شكلي ماكان كذا :( قالي ان مايقدر يصلح ؟؟؟ انا مالقيت دكتور ثاني هذا اشهر دكتور في الرياض ولا احد مسوي عمليه تصليح او تجميل رح يعترف طيب كيف اعرف الدكتور الممتاز وشنو الي يضمن لي ان النتيجه رح تكون ممتازه ولا بتشوه اكثر من الي تشوهت فيه من تقدر تساعدني والله اني رح ادعي لها طول حياتي والله اني اكتب لكم وعيوني تدمع البارحه مارجعت الا متاخر لاني من الشرقيه وتعبت زوجي وفي النهايه رجعت محبطه حتى زوجي مارتاح له واحنا بالموت حصلنا على موعد ماصدقت ادخل ؟؟
ملاحظه : الي بتعلق وهي مهي عارفه وضعي السابق او ماعندها غير التجريح والفلسفه ياااريت انا تعمل نفسها ولا كانها قرت موضوعي مو ناقصه بعد
وياااريت المسؤلات عن المنتدى مايحذفمن مواضيعي مثل ماحذفوا سؤال جريء لاني بامس الحاجه للبحث عن دكتور

57 تعليق 106,262 مشاهدة

شاركي في النقاش

سجلي الدخول لإضافة تعليق.

التعليقات

56
  1. @hms_ghram

    صاحبة الموضوع
    ؟؟؟؟ وينكم بنات شنو تعليقكم على هالدكتور اذا كنتوا تعرفونه يعني هل هو صحيح شغله ممتاز لكن اسلوبه كذا او انه في عمليات فاشله ؟؟احيانا اقول يمكن لو اعمل عنده العمليه يمكن تكون ناجحه لكن اسلوبه ماعجبني والله اني في حيره والي تقدر تنصحني بدكتور عن تجربه تخبرني والله رح ادعي لها طول حياتي
  2. السلام عليكم
    انتي تقولين ان الدكتور صارحك بحالتك وانه ما يقدر يصلح بعض أخطاء عمليتك السابقة صح؟
    لو كان يقدر مثلا هل بيرفض انه يسويها؟
    ليه يرفض انه يصلح وضعك اذا كان فعلا يقدر؟
    تتوقعين الزحمة والمواعيد الكثيرة هي سبب رده لكي بهالطريقة؟
    هل هو حاول يصرفك بالكلام هذا؟
    أو حسيتي انه فعلا صادق بكلامه؟
    وانه مارح يقدر يعطيك نتيجة رائعة زي ما انتي متخليه..


    مرات لما نأخذ فكرة مره رهيبة عن شخص ( سواء دكتور او غيره)
    تجينا خيبة أمل كبيرة لما ننصدم فيه..
    والدكتور حتى لو شاطر يظل بشر وله قدرات مهو سوبر مان..
    وكونه صارحك هذا أكبر دليل انه انسان ما يفكر بالربح والمادة
    والله يوفقك حبيبتي ويسهل أمرك
    وتنحل مشكلتك باذن الله
    وعليك بالدعاء والصدقة.
  3. @am_rody

    انا اعتقد ان الدكتور فاهم وشاطر
    بدليل انه كان صريح معك وماحاول يعيشك بالوهم
    او يعطيك أمل كاذب
    فلو كان طبيب ثاني لأجرى لك عملية ورى عملية
    على الأقل علشان يكسب
    ولأفهمك أنه في حل ونتيجة ايجابية
    لكن هذا الطبيب حسب دراسته وخبرته رأى
    هذا الرأي الذي لم ترتاحي إليه
    فلاتجزعي..
    كل مافي الامر إنه كان عندك بصيص من الامل
    قضى عليه هذا الطبيب بصراحته المتناهية
  4. حبيبتي م

    والله اني حاسة فيك ومتالمة لالمك .. لكن الي أحب اني أقوله لك :

    احمدي الله واشكريه وبوسي ايدك وجه وظهر على انه اعتذر وما قالك انه بيسوي العملية لك!!!!!!!

    أكيد منبهرة ومتعجبة وتقولين : طيب ليه؟؟

    الجواب ان اختك ابداع خسرت 10 آلاف ريال على عملية أنف عنده من غير أي فايدة .. رحت له بدلة .. وتعالي شوفي الكلام الي ما يخلص والآمال الي يصورها للمراجع ..

    أنا ما كذبت خبر وجزمت على العملية من كلامه .. ولما شفت روحي تيتي تيتي زي ما رحتي زي ما جيتي !! راجعت أستفسر :وين التغيير؟؟ وش سويت بالعملية؟؟

    طبعا بعد شهور لما راحت آثار الكدمات والوان الطيف الي بوجهي!!!

    قالي : شكلك تحتاجين عملية ثانية !! والهبلة صدقت ولدغت من نفس الجحر مرتين !! وافقت وسويت العملية بخمسة آلاف ..

    وما شفت نتيجة!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!1

    على مين تشتكين؟؟ ولمين تتظلمين؟؟؟؟؟

    ما عندك أحد .. ويا ليل ما اطولك!!!

    هذي قصتي مع بسام الحواري .. احمدي ربك انك ما تخسرتي عنده على الفاضي..
  5. @am_alhloh_1

    اسمعي خلي عنك الحواري نصاب وما عنده الا الفلسفه والسواليف
    روحي بمركز النخبه برفسور متخصص بجراحه الانف والتجميل اسمه\سمير بافقيه
    روحي استشاره وشوفي وش يقولك والله بتدعيلي لانه انسان تحسي كلامه مطمن وفيه دين
    مو مثل الحواري متخصص بالتشوهات والحروق ماله دخل بالخشوم

تابعي تجارب أخرى من هذا القسم.