الموضوع مغلق
موقف !! وللاسف يصدر من كثير من المتزوجات الله يسامحكم ..يهمني رأيكم بالحق
السلام ع احلا حوائيات بالكون
ياحبي لكم :)
بعرض عليكم موقف ورأيكم باحترام لو سمحتوا
وبكل حق قولوه والحق ماينزعل منه أبد
يمكن البعض منكم يقول سخيف وممكن البعض منكم مر فيه
ولكن عني انا ماعجبني لاني انا تعرضت له شخصيا
الموقف :
مرة كنت طفشانة مرة وكنت محتاجة تغيير جو بس ماحولي احد المهم وسبحان الله قالت امي يلا نروح هايبر بنده ماصدقت خبر
قلت اطلع لو للسوبرماركت ورحنا مع ان هاذي اول مرة اروح
عاد المهم وحنا نتقضى ونشتري عبينا هالسلة وتبهذلت والله
امي كبيرة بالسن وانا ما اغير افرفر بهالسلة اللي ثقلت ووالله تفشلت
:44: اللي يشوفني يضحك صراحة ما قدرت عليها وبدون مبالغة والله
المهم يوم خلصنا من عند الفواكه قلت يمه وقفي شوي بعدل نقابي
والله العالم بالنية اقصد الطرحة اللي فوقه ووقفت الا اشوف
هاذي المرأة اللي قاعدة تخزني طالعت وانا مستغربة وش فيها هاذي
وبيني وبينها مسافة لا هي قصيرة ولا بعيدة وكان قدامي رجل معطيني ظهره
جنبها والله ما ابعدت عيونها بس قاعدة تخز انا انقهرت خير *****الله :(
بعدين فهمت قاعدة تطالع لزوجها وتطالع فيني مع ان الرجل وظليمته شينة
معطيني ظهره وقطعت المسافة وهي تخز لحد مالفيت بصراحة
مسكت نفسي وخزيتها
طيب يحق لك تخافين ع زوجك من البنات ما احد يلومك والله لكن
شوفي اللي قدامك اول انا لابسة عبايتي ومتسترة وما انتبهت لزوجها الا يوم
قعدت تخز فيني استغربت وانتبهت لها وله يعني خلاص
صاير الخوف ع هالزوج من الجميع صحيح ما انكر ان فيه بنات قليلات ادب
ويقهرون بتصرفاتهم لكن هالشيء مايعطيك حق قاعدة تخزين بالعالم
يعني لو خزتني مرة او مرتين مو مشكله لكن من وقفت الى ماقطعت
لا وين قاعدين حنا خاصة وانا طفشانة بعد تطلع لي هاذي الله يهديها
وهي اللي لابسة عباية ع الكتف مو انا
بتقولون لي احسني النية بقول مو مشكلة لكن توقف لك وحدة وتناظر فيك من فوق لتحت ولا تبعد عيونها وش تسمونه هذا ؟؟
وهالموقف يصدر من الكثير
انا اذكر اختي كانت تقول لي نفس النوعية قاعدة وتخز بالناس وكم وحدة بعد
قالت لي نفس الشيء طيب
خافي عليه لكن لا تظلمين الناس بالنوايا
يحق لك تغيرين وتخافين لكن بالمعقول يعني لو شافت مني شيء لو نظرة لزوجها
ع الاقل اقول والله استاهل بس انا مادريت عنه الا يوم قعدت
تناظر فيني الله يسامحها بس ..
عاد ياحوائيات قلت لكم وحبيت اعرف رأيكم خاصة ان فيه
متزوجات وعازبات هنا
انتو يامتزوجات حطوا انفسكم مكان اللي تخزونها ترضون ؟؟
والله يوفقكم ويسعدكم ويهنيكم يارب
ويزوج كل انسانة تتمنى الستر والعفاف ووالله دعيت لكم
اليوم بالجمعة عسى ربي يتقبل واسمع خبر الافراح منكم يارب :icon28:
اجمل التحايا