عندي اسئله بخصوص تنظيف الاذن... ساعدوني الله يسعدكم؟؟

السلام عليكم ورحمة الله وبركاته

حيا الله الجميع
كل عام وانتم بخير والشهر مبارك ..
الله يجعلنا واياكم من صوامه وقوامه...

بنات الله يجزاكم خير هذا اول موضوع لي في هذا الركن
اسال الله ان يلبس الجميع نعمة الصحه والعافيه

اشكي ياخواتي الم باذني من فتره ..
هو مو الم الم لكن يضايقني مره ...

احس ان اذني مسدوده ولا اسمع زين ..
واحس ان براسي صوت تلفزيون يوشوش .. ..شششششششششششششششش
وعند الاكل او الشرب اتضايق مره ...
سالت قالوا عندك شمع زايد باذنك ...يعني يبغى لها تنظيف..
والتنظيف محد نصحني فيه...
يقلون ان الام بيرجع وبيكون اشد من الاول ...

نصحوني بزيت الزيتون لكن الى الان ماشفت نتيجه...

الله يجزاكم الجنه والديكم اللي عندها حل او تعرف احد يشكي مثل حالتي
رجااااااااااااااااااء تعلمني..

الله يسعدكم دنيا واخره ويحقق لكم امانيكم

انتظرككككككككككككككم

4 تعليق 10,908 مشاهدة

شاركي في النقاش

سجلي الدخول لإضافة تعليق.

التعليقات

4
  1. @shokokar

    وعليكم السلام ورحمة الله وبركاته
    وكل عام وانت بخير وصحه وعافيه
    اختي عائشه هالمشكله قبل كم يوم كانت عندي
    أنسداد في الأذن بواسطه تراكم الماده الشمعيه
    وما اسمع زين وحاولت بكل الطرق اني اعالجها في البيت حطيت زيت زيتون وغلسرين وما في اي فائده وبدأت احس بألم خفيف في اذني
    لكن بصراحه انا الي لعبت بأذني كنت أحاول أنظفها وبدال ما يطلع الشمع دخل وصار صعب أخراجه عشان كذا لا تحاولي تنظيفها بقطن تنظيف الأذن
    وبعد اسبوع من المعاناة
    رحت لطبيب الأذن وقال لي في تراكم للماده الشمعيه وعملي تنظيف وهو سهل جدا وخلال دقائق طلع الشمع وصرت اسمع احسن من أول وراني الشمع الي طلع والله ما صدقت ان كل هذا طلع منها مع اني انظفها بأستمرار
    روحي للطبيب وماراح ياخذ منك وقت بس دقائق وألحقي نفسك قبل ما يجيك ألتهاب بالأذن
    وطمنينا عليك
    وألف سلامه
  2. @aaayshh_2

    صاحبة الموضوع
    هلا ومرحبا بشوكوكار

    الله يسعدك دنيا واخره ...
    فرحتيني والله بردك..



    انا خايفه يزيد الالم بعد ماروح للطبيب ...
    لان كثير قالوا لي ان اذا نظفتيها مره لازم تستمرين تنظفينها على طول..
    و كثرة التنظيف تاثر على السمع
    ومحتاره انظف والا لا ؟؟؟


    على العموم ماقصرتي الله يجزاك الجنه والديك
    والله يسلمك من كل شر
  3. @shokokar

    هذا واجبي اختي عائشة
    لكن لا تترددي روحي للطبيب ولا تخافي لأن المشكلة بالطريقة هذي مراح تنحل
    والطبيب لما عمل لي عملية تنظيف اعطاني قطره اذن لوحصل ألتهاب والحمد لله ماحصل شي
    توكلي على الله وروحي لأن الألتهاب مراح يجي إلا من الأهمال ولا تحاولي تخلي اذنك حقل تجارب مثلي بعد ما لعبت فيها لعب وبحثت في جميع الطرق لفتحها ما لقيت حل إلا الطبيب مع العلم اني عملت عملية تنظيف قبل كذا لكن قبل خمس سنوات يعني مده طويله والحين ما جاني انسداد إلا مني انا لاني حاولت انظفها وأندفع الشمع لورا وصار صعب اخراجه
    ما أطول عليك وألف سلامه وبشرينا عنك وجزاك الله خير على هذي الدعوات الحلوه
  4. @aaayshh_2

    صاحبة الموضوع
    شوكوكار

    الله يجزاك الجنه والديك والله يسعدك دنيا واخره
    عز الله ماقصرتي
    الله يسخر لك جند الارض وملائكة السماء
    والله يلبسك الصحه والعافيه

تابعي تجارب أخرى من هذا القسم.