^
يكفي انك رديتي .. ياجعلك بالجنه يارب
والله يرزقك بالوظيفه اللي احسن من التدريس يارب
معلمه نظام مقررات .. ادخلي ساعديني
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
12- السلام عليكم انا معلمة بديلة بنظام المقررات وماسكة هالترم بس حسيت انه حلو وسهل اسلوب التحضير اسبوعي يكون بصفحة وحدة بس عنوان الدرس والوسائل وكم هدف الاختبارات قصيرة ومتعددة وكمان المواد العلمية فيها اختبار عملي وبعض المواد تقويم مستمر ما أدري عن ايش تسألين بالضبط بس انا جاهزه لأي سؤال ..
ادعيلي بالتثبيت - اهلين ياالغالية ما فيها تعب ولا شي بس انا خبرتي بسيطة من نصف الترم الثاني المهم أنا أشوفه حلو ومافيه هذيك الصعوبة وعلى فكرة انا ادرس احياء بس اعرف مدرسات دين واكثر شي يكون عندك باليوم 4 حصص يعني على حسب المواد اللي نزلت للطالبات بالترم يعني ممكن تمسكين 5 او 10 او15 او20 يعني الفصل اللي تدرسينه تدخلين عليهم كل يوم احس حلو تكونين متابعتهم على طول والقران يحفظون بالترم 4 سور حسب ما سمعت طبعا تقويم يعني في مدرستنا الفصل ياخذ بالترم مثلا توحيد او قران او قران وحديث او فقه يعني الدين مو اكثر من مادتين بالترم طبعا كل المواد الدرجة من ميه واذا فيه اختبار نهائي تكون درجته لمواد الدين خمسين اذا ماني غلطانه انا اشوفه احلى من النظام العادي بالنسبة للسهوله بس احس ان طالبات النظام العادي تكون معلوماتهم وثقافتهم اعلى بس المعلمات حسب ماسمعت ان الصعوبه بها المنهج ان اختباراته الشهريه متعددة يعني اكثر من اختبار بعدين تسوين لها متوسط او تاخذين الافضل ..وكمان اوراق عمل واستخدام العروض والوسائل الحديثة مع اني اشوف هالنقطة مشتركة بين النظام العادي والمقررات وكمان انه فيه مشاريع لكل مادة وهوبحث بالنسبة للدين او عمل او نموذج مع ان المشروع يعني ان الطالبة تبحث عن اكتشاف او افكار جديدة تضيفها للمادة اللي درستها وبصراحة انا ماسمعت عن ان المعلمة تحذف من المنهج بس هذا اللي اتذكره الحين واي سؤال اسألي واذا ما عرفت اسأل اللي معاية بالمدرسة بس احب اوضح لك اني ما اقدر ارد عالخاص لان مشاركاتي قليلة والله يحييك يالغالية
- الله يعينك يا حبيبتي لو اقدر اساعدك انا معلمة الفني والصراحه تخصصي مرررره حلو وسهل وابدع فيه كل سنه بافكار جديدة
- رفع
مواضيع مشابهة
تابعي تجارب أخرى من هذا القسم.