|| ... تـجـمـعـنـا السهرنــات... أمـهـات الـتوائـم الـرضـع و الخـدج ... ||

لي ساعه اكتب وانمسح الرد ياشين هالحركه

شكرا يابنات على دعواتكم وردودكم اللي تجبر الخاطر


حنونه
ماعرف والله الوزن الطبيعي بعمر شهرين ونص لكن انا الدكتور هو اللي علمني
بس فيه بالنت جدول للاوزان حسب العمر ابحثي عنه


سفينه

عذرا بس انشغلت شوي
شوفي اذا الصور عند بالجهاز
روحي افتحي موقع لرفع الصور انا احب موقع العملاق سهل وواضح
استعراض واختاري الصوره ورفع
بعدين خوذي الرابط الاول اللي طلع لك انسخيه وتعالي اسدحيه هنا...وبس
ان ماظهرت الصوره اوكي
عندك بصفحة الرد مع الادوات مربع اصفر فيه جبل وقمر او انها شمس الموهم اسمه(ادراج صوره)حطي الرابط فيها

*****
وان كانت الصوره كبيره مررره يعني حاست الصفحه.. وحجمها كبير ممكن تصغرينها قبل الرفع
روحي للصوره وكلك يمين واختاري فتح باستخدام مايكروسوفت اوفيس بكتشر مانيجر
اختاري قائمه صوره
بعدين تغيير الحجم
شوفي يسار عند ك مستطيلين جنب بعض واحد العرض وواحد الارتفاع اختاري رقم حسب الحجم المطلوب بعدين موافق واحفظي الصوره بالحجم الجديد
بعدين روحي ارفعيها

واتبعي الخطوات اللي فوق

بنات بنتى عندها فتق سرى وامبارح شفت انتفاخ اعلى الفخد وممكن يكون عندها كمان فتق اربى يارب يبعده عنها ادعولها وقولولوى حد مر عليها حالة زى كده ؟
انا بجد اعصابى تعبانة ومنهارة ولا عايزة اكل ولا اشرب من خوفى عليها حد يطمنى بالله عليكم

اهلين بنات انا هنا وشكرا للي سئل عني

بس الموضوع ومافيه ماعندي شغاله شغالتي خليتها فبيت اهلي على الله تتادب وتتربي

كل يوم مسويه لي مشكله مع شغاله خالتي وانا جبتها سيرلنكيه مسيحيه واسلمت لها 3 اسابيع
سبحان الله قبل تسلم كانت ماتكذب ونفسيتها احسن
ومن اسلمت تغيرت مدري ليه لاكلمتها او سالتها متى رضعوا الحليب تنافخ علي وصايره تكذب عيني عينك وانا تاركتها عشان عيالي

وهي ماعليها من شغل البيت الشغل تسويه شغاله خالتي لاني ساكنه فوقعهم هي بس تساعدني على عبودي وجمان واحيانا جوان لانها غالبا مع خالتي

الفتره اللي فاتت كان عبودي تعبان وبس يصيح ومقلقني ومتعبني نفسيا وابو الشباب اغلب وقته برا البيت والشغاله مزودتها بطولة لسانها
قلت يمكن ملت من عيالي المهم جلست يومين اخذهم منها ماخليها تشوفهم ابدا اغير لهم وارضعهم مت من التعب بس قلت يالله

وهي تنام من 11 بالليل وااذ طلعت 9 الصبح لقيتها نيمه حتى ماتقول اقوم اشوف شغل البيت او اغراض البزران وقلت بكيفها اخليها ترتاح على الاخر عشان يتجدد نشاطها يوم رحت الخميس بيت اهلي وانااكلمها وهي تنافخ علي وتصارخ لاااااااااااااااااااااااا كملت

وانا كنت متضايقه من عبودي عشان من دخلت بيت اهلي وهو يصيح صراحه انهرت تماما طردتها عن وجهي وقعدت اصيح بشكل هستيري
ودقيت على زوجي ورحت بيتي وتركتها ببيت اهلي

احس مو ناقصتها وناقصه قلة ادبها الواحد يلقاها منين ولا منين لها فتره تنافخ وتحملتها عشان عيالي لكن اكثر من كذا خلاص
انسانه بجيحه الله لايحللها ان دللناهن مشكله توطن على روسنا وان حقرناهن مشكله نخاف على عيالنا وش الحل؟؟

وانا سمعت ان استقدام الاندونيسيات بيتوقف لانهم طالبين رواتب الف ريال بعد بعد 800 ماهضمناها ليتهن يجن للشغل كان نقول معليش
يجن لخراب بيوتنا وياخذن قروش بعد

الله يعينك الشغالات ماتثقين فيهن ابدا
انا بنتي قبل كم يوم وانااتعشى سمعتها تبكي بقوه المهم يوم رحت اشوف الا جبهتها حمراء شيء ضاربها
قلت ليه البنت وش فيها قالت المشاايه ضربتها ثلت ليه مابعدتيها عنها الا صرخت بوجهي قالت وشوولن ابعدها وهي بوسط المشايه قلت هي راكبه وسطها قالت ايه قلت اجل وشلون ضربتها قالت هي تهز براسها وضربتها

قال وش دراك انها كذبه قال من كبرها
رغم ان الماشيه انا شايله الالعاب اللي فيها مافيها شيء يضرب ويسوي حد بالجبهه بهالشكل

المهم شلت بنتي ودهنت جبهتها بفكس طبعا شغاله خالتي كانت موجوده جايه تاخذ جوان عشان بتنام عند خالتي
يوم صار من بكرا قالت ابقولك شيء يامدام ترى شغالتك امس كذبت عليك

تقول انا يوم دخلت كانت البنت تلعب بادراج الدولاب وقلت لها ابعدي البنت لايضربها الدرج وانها مطنشه تقول انا شلت جوان ابنزل الا واسمع جمان تصيح ضاربها الدرج مع جبتها قلت ليه ماتكلمتي بوقتها وقدامها قالت لا انا مبي مشكله معها

واللي قاهرني انها ترفع صوتها علي وتصارخ وهي الغلطانه
ويوم ادخل عليها كانت واقفه عند الدولاب

لكن ماقول الا الله يعطينا من خيرهن ويكفينا شرهن ويكشفنا لنا كذبهن حسبي الله عليهن ونعم الوكيل