ام زوجي .....؟؟

انا متزوجه وعندي بنت وولد ...
من اول ماتزوجت وام زوجي دايما تسوي لي مشاكل ومايعجبها اللي اسويه ابد ...
كم مره صارت مشكله ... وطلبت اني اسكن في بيت لحالي بس المشكله ان زوجي معارض للفكره هذي ..
ويقول انسي ان حنا نسكن في بيت لحالنا واخلي امي لحالها ...
والمشكله انه يقول اذا تبين الطلاق تنازلي عن العيال وانا مستعد ...
والحين انا في البيت ساكنه مع ام زوجي ... بس ودي احس في يوم ان بيتي لحالي
البس اللي ابي واخذ راحتي في بيتي
مليت وتعبت من هالعيشه احب اروح عند اهلي كثير لاني احس مو ماخذه راحتي ابد ..
وش اسوي .؟؟؟:44:

72 تعليق 7,348 مشاهدة

شاركي في النقاش

سجلي الدخول لإضافة تعليق.

التعليقات

66
  1. @pink_fo0ofo0o

    ياقلبي فهمت من كلامك انه وحيد امه يعني والله صعبة يتركها ويطلع حطي نفسك مكانها وانتي ام وادرى

    وكثر ألأحتكاك اكيد بيسبب مشاكل حتى لو خالتك عسل يعني لابد منه لكن ليه ماتقترحين على زوجك جناح خاص لك تاخذين راحتك فيه

    يعني خليه يقتطع جزء من البيت ويخليه لك جناح فيه غرفتك وصالون صغير وحمام وبوفيه صغير للكوفي والعصيرات

    انتي جيبيها بسياسة وانك تحبي يكون لكم جوكم الخاص الزوجي ومن الحكي

    لكن بطريقتك بيفكر انك كارهه امه

    وهو يستخدم الاطفال وسيلة ظغط مبين انه يبيك ويبي امه يعني حطيتيه بين نارين وشي اكيد ماراح يخلي امه دوري حلول ترضي الطرفين حتى لو تاخذي كل اسبوع يوم تنامو فيه برى بشقة ولا شاليه ولا فندق كنوع من التغيير

    الله يوفقك
  2. صاحبة الموضوع
    تسلمون حبايبي على ردودكم .. بس يااختي هو مو وحيد امه بالعكس هو الاوسط ...
    بس هو يقول ماابي امي تنتقل من بيت لبيت خلاص انا من وانا صغير وانا مقرر اني اسكن امي معاي اذا تزوجت ...
    هو متعلق بامه كثير ويقول ان كل اخوانه واخواته مايفهمون لامه يقول انه هو اللي فاهمها ويعرفها زين ...
    وهي نفس الشي ماتبي تسكن الا عنده اذا راحت لبيت عيالها تروح لهم زياره بس وترجع ...
    وانا لي جناح خاص في البيت بس المطبخ تحت مشترك والدرج بالصاله يعني لو اطلع من جناحي لازم البس لبس محتشم احتراما لها ..
    والله اني انقهر اذا سمعت ان فلانه سوت جو حلو في بيتها او فاجئت زوجها ..
    تخيلو من كثر ماهي شديده ماتخلي احد يجينا ابد حتى اهلي مايجون يعني ابوي اخواني امي تلاشيا للمشاكل ...
    والله حالتي حاله من اول ماتزوجت حتى طلعاتنا تطلع معانا يعني اذا رحنا للسوق او اتقضى للبيت مع انه ماعندها شي بس كذا تروح ..

تابعي تجارب أخرى من هذا القسم.