أريد الحل المثالي لزوجة أخوي !!!

قلبي ادري انك شرهااانه عليها لأنك وفيه ومخلصه وتفأجأتي فيها
لاتقولين لاخوك ولاشي
في نفس اللحظه اللي ارسلت فيها لاخواتك كان انتي ارسلتي لها مسج حلو عشان تدري انك شرهانه عليها وبتفهم على طول
بس الحين خلاص الموقف راح
انتي قولي لها اني شرهانه عليك مستخسره فيني مسج تجبرين فيه بخاطري ان كانها حست ولا طنشيها
مصيرها يوم تفقد مشاعرك معها

الموقف صعب عالاقل عشان شكلها قدام اخواتها
اتوقع هيا ماتبغى تحترمك عشان ماتبين انك متفضله عليها بشي لانك خطبتيها
يعني ترا انتي ماسويتي شي ولا لكي شي عندي وماكانك موجوده اصلا
وماتدري يمكن اخوكي مزعلها وحطت حرها فيكي على اساس انك السبب بس برضو هذا تفكير اهبل
اخوكي ماله دخل لاتدخليه بالمشكله
بس اخواتك لو جمعتهم مره وماقالتلك خليهم يطنشوها يقولوا صراحه قعدتنا ماتحلا بدون اوكوشيه واذا ماجات مانبغى نجي
وكل ماتعزمهم يقولوا لا معليش رايحين عند امي نقابل اوكوشيه وخليهم يطنشوها عشان تتفشل وتحس انه محد معطيها وجه الين ماتتعلم تحترمك
واذا قالتلك تعالي بعد مارفضوا ارفضي قوليلها معليش بلغتيني متاخر ارتبطت بمواعيد رايحه اقابل اخواتي عند امي
او بس اعتذري وروحوا اتجمعوا عند امك عشان تعرف انكم طنشتوها ورحتوا اتجمعتوا

او ارسليلها وقت ماترسل لاخواتك من الرسايل اللي تجي زي النكت ان يابخيل ارسل ومني عارفه ايه في رسايل زي كده مزح بس فيها دق انك مابترد ولا بترسل

بسم الله الرحمن الرحيم

و السلام عليكم و رحمة الله وبركاته
.
.
أنا حقيقة ً ما أدري الناس اللي ترد ، تقرأ هالآية الكريمة اللي موجودة قدامها وهي تكتب :
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
كبرتوا السالفة و طلعتوا بنت الناس خبيثة و منافقة و تبغى تفرق بين الخوات ،
و اللي تقول خلي امك تكلمها و حاااااااااااله !!
سلامت ؟
ليش هالحقد الغريب اللي مالي قلوبكم ؟
.
.
و انتي يا أوكوشية ... خبري فيك بنت عاقلة و قلبك أبيض ...
أعتقد إن البنت متعودة عليك و تمونين عليها ، عكس خواتك ... يمكن لأنها ما تعرفهم زي ما تعرفك
فهي تراسلهم تبي تكسب قلوبهم مو أكثر ولا أقل !!
و إذا تبغين رأيي ،
سوي اللي بقول لك عليه و ردي لنا خبر :
سووا إنتي وخواتك عزيمة في بيت أهلك و اعزموها ، و لما تجتمعوا مع بعض قولي لها بعتب و رقة :
و الله يا فلانه إني أمدحك عند خواتي وأقول لهم ما شاء الله عليها مرت أخونا .. بنت ناس و أصل واخلاق وحنا محظوظين فيها ،
و حتى خواتي قالوا انك ما تقصرين ودايم ترسلي لهم ... و أنا بصراحة غرت منهم ...
وش معنى هم ترسلين لهم وانا ما تونسيني بمسج حلو منك ؟
.
.
وشوفي وش ترد عليك .
.
.
طبعا ً إياك تقولين لأخوك ، وإياك تسوين نفسك صغيرة عشان سوء فهم بسيط إنتي اكبر منه واحسن .


امنياتي لك بالسعادة
:26: