السلام عليكم ورحمة الله وبركاته
حيا الله البنات الحلوات والحريم المعرسات امس انا نزلت موضوع بعنوان ( مطبخي قبل وبعد) وجتني اسئله من وين
مطبخي وكم كلفني وايضا سألوني عن الشغاله اللي استأجرته وانا ودي ارد عليهم على الخاص بس لاني عضوه جديده
ومشاركاتي ماوصلت ل50 مشاركه احس اني ودي اصيح:06:من القهر بس وش اسوي قلت انزله بموضوع لحاله
1-بالنسبه للشغاله انا من القصيم استاجرتها ب130 من 9 الي 9 بالليل من وحده اسمها ام سالم من الرس معروفه لكن
الشهاده لله ان الفلوس حلال عليه تكرف كرف موطبيعي ماشاء الله ولاتعقبينها على الشغل .
2-بالنسبه للمطبخ اخذته من بريده من محلات با لسوق القديم يسمي (القبه) وكلفني 2000 ريال بس وفيه عندهم مطابخ اشكالهن خقق وتختلف الاسعار وان شاء الله بنزلكم صور بيتي الباقيه بس العمال يشتغلون فيه الحين ان شاء الله يخلصون
هاليومين ادعولي تكفون لاننا انواع الشحططه انا وبناتي والله مافيه زي الاستقرار.
اتمنى الافاده للجميع وسلامتكم :p
شاركي في النقاش
سجلي الدخول لإضافة تعليق.
التعليقات
19- الله يوفقك وييسر امرك
- طيب عيوني نزلي صور المطبخ من جميع الجهات
لانو بالموضوع مو واضح
وشكرا عيوني - الله يسر لك امرك وعقبال لنا بالبيت الملك يارب
- مشكورين حبايبي ع المرور وبالنسبه للصور ان شاء الله بانزلها بس اخلص من البيت
والله يجزاكم خير على الردود والدعوات الحلوه. - آه ...بس جيتي على الجرح .. نفس المعاناة أنا وأولادي ساكنين بالمجلس وباقي البيت العمال يسرحون ويمرحون فيه صار لنا شهرين ... تشطيب كامل لكن ابشرك بكرة الفرج مع بداية الصيف
:)الله يفرج لكم وتستقرون
مواضيع مشابهة
تابعي تجارب أخرى من هذا القسم.