تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

- قرنفله ربنا يثبت حملك و يتمم لك يا حبيبتي
- مصريه هو التحليلي بيكون من تاني يوم و تالت يوم للدوره و لحد رابع يوم كمان عادي جدا جدا جدا و ده رائي دكاتره كبار مش من عندي متخافيش :) و طالما طلع 59 يبقي فعلا زايد متخافيش حاجه بسيطه باذن الله اشربي بس بردقوش 3 مرات باليوم و هو هيتظبط بسرعه جدا
و تفائلي خير ربنا و يطعمك تؤام يارب

ازيكم اخباركم ايه
هى سارة جابت 3 ما شاء الله الف مبروك هو الاتنين التانين كانوا مستخبيين فين؟:)
و ياريت الى بيكلمها يبلغها سلامى

و ميكو اخبارك ايه انتى و مايا يارب تكونى بخير

وداع وحشتينى قوى انا حاسة انه الموضوع عندك بسيط قوى و محتاج بس شوية متابعه مع دكتور او دكتورة كويسين لانه تحاليلك كويسة يا دوعه
رورو ازيك ربنا يخليكى يا قمر و انتى الى طمنينى عليكى كله تمام

نادية اخبارك ايه يا قمر

و شيمو الف سلامة عليكى انا مش عارفه بس باين انك عملتى عمليه منظار و الا ايه؟

نيفو الف مبروك للبنات و انتى ابخارك ايه يارب تكونى بخير وحشتينى قوى

رمال اخبارك ايه انتى و القمر انوس سلمى لى عليه كثير

اشتقت اخبارك ايه عامله ايه و صحتك خذى بالك من نفسك

عزيزة ايه اخبارك طمنينى عليكى

اوكسى يارب تمونى بخير و يتم لك خطوات العمليه كلها تمام و تفرحينا

زينب شكلها مش باينه هى و ام انس يارب تكونوا بخير

باقى البنات سلامى ليكوا :26:

يارب تكون بسيطه
المركز فعلا كويس بس البنات اللي شغاله في الاستقبال ربنا يصلح حالهم بيجيلي ضيقه نفس لما بكلمهم
انا اللي قلقني اني سمعت ان التحليل دا عاوز راحه وانا كنت في اليوم دا مسافره ومرهقه جدا من السفر
انا عندي الهرمون دا كان طبيعي مش عارفه ايه اللي رفعه الضعف؟:44:
دعواتكم

علي فكره هرمون البرولاكتين بيتأثر جدا جدا بالنفسيه
خليكي كووووووووووووووول بلييييز وهتلاقيه ان شاء الله اتظبط وبقي زي الفل

مصرية .. اولا حمدالله على سلامتك وان شاء الله ربنا يكرمك فى العملية وتحملى يارب اللهم آمين
ثانيا ياحبيبتى هقوللك كلمة وياريت تسمعيها منى وتركزى فيها .. طالما روحتى لمركز آدم يبقى إن شاء الله موفقة ولازم تعرفى انك طالما روحتى مكان كويس يبقى لازم تبقى واثقه من كل خطواتك وتبقى مسلمة امورك كلها لله اولا ثم للى فى ايديهم الامور كلها .. يعنى لو قالوا لك تعملى اى حاجه تعمليها وانتى مغمضة
ثالثا ياحبيبتى ردا على مسألة الهرمونات طبعا وزى ما البنات قالوا لك ان الهرمونات دى بتتعمل فى اى وقت من اول يوم البيريود لحد رابع يوم مفيش اى مشاكل والنتيجة مش هتتغير من يوم ولا اتنين النتيجة واحده لو اتعملت فى اى يوم من البيريود .. يبقى كده النسبة اللى طلعت لك هتكون مظبوطة
وبالنسبة لمسألة هرمون اللبن وعلاقتة بالارهاق .. بصى لو فرضنا ان الكلام ده مظبوط وان الارهاق او الضغط النفسى بيغير من نتيجه الهرمون فا اعرفى كويس جدا ان التغيير ده هيكون طفيف جدا من واحد لاتنين من نسبه الهرمون يعنى لو عملتيه وطلع 59 وانتى مرهقه لو قولنا ان النتيجى متأثرة بالارهاق يبقى بالكتير هتكون اقل واحد من كده
وسواء كده ولا كده علاج الهرمونات مفيش اسهل منه خالص ولو المشكلة كلها فى الهرمونات وطلعت هى اللى مأخرة الحمل يبقى اعرفى ان مشكلتك بسيطة وهينه خالص
اولا هرمون اللبن مفيش منه مشاكل علاج شهر ولا اتنين وهتلاقى النسبه بقت طبيعية خال
ثانيا هرمونات تانى يوم البيريود لو فيها اى مشاكل هتحتاجى طبعا تاخدى سيدوفاج وتخسى يعنى الخطة المعروفة لينا كلنا هتطبقيها واكيد هيقولوا لك الكلام ده فى المركز يامصرية واخيرا ربنا يكرمك بالذرية الصالحة اللهم آمين