شغالتي تستغفلني

السلام عليكم ورحمة الله وبركاته


يابنات فيني حره :icon33:بدخل في الموضوع على طول مافيني اقول مقدمات اليوم الوالده الله يحفظها دقت علي وقالت لي تعالي لنا اليوم اخواتك مجتمعين قلت ان شاء الله ورحت المهم بنتي الكبيره تقول يوم رحتي ابوي :arb:عصب على الشغاله لانها مسويه شئ في المطبخ ولا اعجبه المهم هاوشها وقالت له ان ماما هي الي قالت لي سوي كذا وانا ماقلت لها بس تلزق فيني بلاويها علشاني مو موجوده المهم بنتي ماسكتت وردت عليها وقالت امي ماقالت كذا انا فيه وكتمت الشغاله وناظرت بنتي بحقد وبعدين انتهت السالفه دخل زوجي غرفة نومه شوي بعدين طلع وقال للشغاله سوي شاهي ودخل غرفة النوم الشغاله سوت الشاهي وبنتي سوت نفسها لاهيه بالنت وحطت السماعات باذانها وتناظر شاشة الاب توب
الا الشغاله رايحه بدرعم على زوجي بالغرفه وتناديها بنتي وتاخذ الشاهي منها وتدخله على ابوها المهم الحين مشكلتي ان الشغاله معلمتها ماتدخل غرفة النوم وزوجي فيها ابد والمشكله اني اطلع من البيت وانام عند اهلي واخليها بالبيت واذا رجعت لقيت زوجي قالب علي 180 درجه واذا سالته وش فيك مافيني شئ ابد وانا دايما اهوجس غريبه ليه ضايق صدره شكله مايبيني اروح لااهلي ويوسوس لي ابليس يبيني انحبس في البيت :44:عاد اليوم يوم علمتني بنتي بالسالفه قلت عسى ماتكون هي الي تقلبه علي وتكذب علي ويصدقها ويشيل بقلبه وعسى مو تستغفلني اذا رحت دخلت عليه بالغرفه عاد تكفون الحين ابي حل حكيم منكم لاتقولون سفريها او استغني عنها انا حرمه تعبانه مره ظروفي الصحيه ماتسمح لي اشتغل:angry: وش رايكم اقول لزوجي واساله اذا كانت تدخل الغرفه والا واقول لها ليش تقولين لبابا وتكذبين :42:والا اسكت تكفون ابي حل سريع وعاجل

ملاحظه للبنات الي يقولون خذيها معك
انا مشكلتي شغالتي بطيئه وتخلي البيت وسخ اذا طلعنا نظفته واذا رحت عند اختي وقلت باخذها معي قالي زوجي البيت وسخ وانا ابي قهوه وشاهي وعشاء وانتي ماعندك بزران تاخذينها معك واذا قلت لها نظفي بسرعه بنطلع قالت ايس اسوي انا كدا يعني وش اسوي انا كذا
هي خبيثه ولا ارتحت لها ابد بس اخذها معي بعد مشكله يقعد يقول خليها تنظف وتصلح الشاهي والقهوه وعارفه اني انا غلطانه اني اخليها وصعبه اسحبها معي وبيتي وسخ وهو مو راضي اخليها والبيت وسخ

لا اخواتي الي يقولون اذا طلعتي خذيها معك طيب هو متقاعد والصباح عيالي بالمدارس وهو وهي مرتزين مع بعض
وانا اصير سهرانه او تعبانه ونايمه اقعد اراقبهم والله تعب والحين جاني ارق والله ما انوم الا الظهر اذا رجعو ا عيالي من المدرسه وهو مره منجن ليش تسهرين نومي مهمله بيتك ماتنومين مثل الناس وتقومين مثل الناس وانا اشوف الناس يسهرون واحيانا ادخل غرفتي واسوي نفسي نايمه واقوم على غفله والقاه هو عند التلفزيون وهي تنظف المجلس بس دايم اقوله لاتطلبها شئ انا اطلبني والله مايعبر كلامي وكل شوي يناديها باسمها قسم بالله يقول اسمها ويردده اكثر من اسمي وش اكثر والله انا مايذكر اسمي ابد كن مالي اسم واذا قلت اطلبني اطلب بناتك كبار كني اكلم جدار مايطلب الا هي بس ولا عنده فيني

175 تعليق 18,457 مشاهدة

شاركي في النقاش

سجلي الدخول لإضافة تعليق.

التعليقات

169
  1. @aayon_alfhd_1

    لا تكلميها ولاتكلمي زوجك

    لاتطلعي من البيت كثير الا لو متاكده ان زوجك مافي

    ولو كنتي طالعه وبتطولي خذيها معاكي مافيها شي

    وبنتك خليها تنتبه من الشغاله لاتحط على قلبها قولي لها لو في شي مره تانيه قولي لابوكي لما تروح الشغاله

    انتبهي لاتخرجي والشغاله في البيت وتكون الفتره طويله او تباتي وكدا لما تخرجي خلي بنتك تجلس مع ابوها ولاتخلي الشغاله تنفرد بيه
  2. @mdam_albasha

    الله يهديك ،،

    هذي مو امينه هذي كذااااااااااااااااااابه ،،

    اذا تقدرين غيريها وانت ساكته ،،

    والمفروض ما تروحين بيت اهلك الا ورجلها قبل رجلك ،،

    ياقلبي ما خلى رجل بإمرأة الا كان الشيطان ثالثهما ،،

    انتبهي لبيتك ،،
  3. @am_alhloh_1

    انتي غلطاااااااااااااااااااااااااااااانه تطلعين تنامين برى البيت والشغاله مهي معك

تابعي تجارب أخرى من هذا القسم.