توني عرفت هالمعلومة !!! عن استخدام اي منتج !! وابا افيدكم

السلام عليكم يا بنات حواء :) بصراحة انا مش من كثر مواضيعي يمكن هذا الثاني .. بس لأني ما احب ادخل الا بالمفيد ..ولأني استفدت واااايد من هذا المنتدى الرااائع ..حبيت افيدكم بمعلومة صغيره يديده توني عرفتها :icon28:

ويمكن انتوا تعرفونها من قبلي ..بس انا توني اكتشفت هالشي !!!!

اللي عرفته واكتشفته ياخواتي أن أي منتج ( كريم ) ما تستخدمينه أكثر من شهرين !!!

ليييييش ؟؟

لأن كثرة الاستخدام والمواظبة تخلي عند البشرة مناعة من هالكريم فما تستفيد بعد مرور الشهرين ...بتقولون كيف عرفتي ؟؟

عرفت عن طريق دكتور الجلدية ...لما سألته عن احسن كريم واقي عن الشمس !!! رد عليه وقال : أي كريم تستخدمينه ...سوى كان كريم واقي ..أو كريم تفتيح ..أو كريم ليل ..سيروم ..كريمات لعلاج البشره ...لا تطولين في استخدامه اكثر من شهرين ..استخدمي نوع ..لمده لاتزيد عن الشهرين ورجعي غيري النوع ...وعادي عقب ترجعين للأول عقب ماتخلصين الثاني يعني بالتناوب ...حتى الشامبو يابنات ..

ومن خلال تجربتي : مره كنت اسوي تنظيف عند عيادة كايا ...وبعد ماخلصت ..عرضت علي الاخصائية كريمات واحد لليل والثاني للنهار ومدحته قالت يعطي نظارة للبشرة ويفتح .. فتشجعت واشتريتهن ...المهم استخدمتهن ومع المواظبة حسيت بشرتية صايرة واايد حلوة وفتحت ...فعجبني واستمريت علية وبشرتية تحلو زيادة يوم ورى يوم ..لمده اكثر من شهرين ...لكن بعد ماخطفت الاربعة ! حسيت انه صار عادي كأنه قال استوب !!!
فالحين بعد مااكتشفت السبب رحت واشتريت كريمات لليل وانهار من ماركة ثانية بعد يمدحونها وبستخدمها شهرين وعقب برجع للكريم القبلي ...وباتبع الطريقة نفسها مع كل المنتجات ...ان شاء الله

اتمنى أني اكون افدتكم بهذه المعلومة الصغيره . ..بس ان شاء الله فايدتها كبيره :26: