شاركي في النقاش

سجلي الدخول لإضافة تعليق.

التعليقات

2,006
  1. ضحكتي وااااااااااايد متفائله لج ان شاءالله تحللين اليوم وتبشرينا وياااااارب لين وسندس ودوري وكلكم ورا بعض ونسكر الملف ونسوي ملف احلى :)
  2. @dhkt_bnty

    واااااااااااااااااااااو
    انا اليوم 11 يوم لي بنطر اشوي صح اني مب قادرة بس انطر واكتشف احسن من اسوي اسرع وانصدم

    وآآآآآآآآآآآآآآآآآآآآآمين اني احمل وكل بنات التجمع
  3. حمدا لله على سلامة زوجك بنت الظهران وعقبال ما بتشرينا وتحملين يا رب
  4. ضحكت بنتي
    واااااااااااااااااااااو انا اليوم 11 يوم لي بنطر اشوي صح اني مب قادرة بس انطر واكتشف احسن من اسوي اسرع وانصدم وآآآآآآآآآآآآآآآآآآآآآمين اني احمل وكل بنات التجمع
    الف مبروك ...:icon28: يا الله هذي خطوة على الاقل عرفتي احسن من الحيرة .. اذا تبين نصيحتي لا تضيعين وقت اتجهي للانابيب .. خاصة ان تبويضج زين الحمد لله و زوجج ما عنده مشكلة .. و صار لج فترة ما حملتي خلصي عمرج و اتجهي للانابيب العمر يعدي لا تسوين مثلي و الله عن تجربة..:) الله يفرح قلبج و قلوبنا كلنا يا رب.

    امين يارب




    نطري بعد يومين و حللي ان شاء الله يارب حامل :)


    ----------------------------------
    بنات انا امس رحت عن مريم سلمان لاني حسيت ان في شي غلط اول شي قالت ما في شي بعدين قالت غررررررريبة قلت خير قالت رحمج متحرك راجع على ورا و انتي في التقارير اللي قبل رحمج مايل على جدام. قالت يمكن علشان جذي ما قدروا يوصلون عدل وقت الارجاع:09:
    قلتلها يحتاج اسوي شي اراجع قالت لا حالة عادية و اتركيه .. المهم رجعت البيت و سويت بحث في صديقي جوجل و لقيت وايد مواقع اجنبية بس مالقيت بالعربي الا شويه اشياء المهم في المواقع الاجنبية ان هذي حالة عادية و في حريم يولدون فيها حوالي ٢٠٪ و ان ممكن تصير بعد الحمل لان ثقل الرحم وقلة هرمون الاستروجين ترخي اربطة الرحم و ترجعه . و بعدفي اسباب مثل الالياف و التهابات الحوض.. ما احس ان عندي التهاب و الالياف اتوقع لو كان فيه تبين في التصوير .
    عادي زوجي يقول اتركي الموضوع و لا تلعبين في نفسج وايد بس انا وسوست قريت ان ممكن الدكتور يرجعه بيده في الحالات الخفيفة او في قطعة بلاستيك يحطونها او في رياضة ان الوحدة تجيب رجلها جهة الصدر و ترجعها بس هذي قالوا عنها مؤقته .
    المهم انا فكرت في المساد الشهر الجاي ان شاء الله مع الدورة الجاية و الله يسير .الحمد لله اني ما مسدت هالشهر ورتني مبايضي كل مبيض اشكبره و متروس اكياس للحين ما رجع طبيعي كانهم ما سحبوا منه اي شي متهيجة على الاخر .. لكن طمنتني ان ما عندي سوائل الحمد لله

    الحمد لله مكتوب لي اجرب كل الحالات الغريبة خخخخ الحمد لله على كل حال اول يوم كنت شوي متضايقة بس اليوم عندي احساس بالرضا اكثر و بديت اتقبل المسألة.. خاطري اجرب الدكتور عمر ابوزينب بس زوجي مب متقبل اروح لدكتور ريال في هالمسالة لانها شوي حساسة :09:

    وحدة مرة ارسلتلي على الخاص قالت انا سويت بحث في مواضيعج لقيتج عيادة عقم ما شاء الله قلتلها من اللي اشوفه و امر فيه ١٠ سنوات زواج جربت كل شي تقريبا لكن الحمد لله الشي اللي علاج احسن من الشي اللي ما له علاج ..اللهم لك الحمد :)
    و بس هذي قصتي في حد سمع عن هالشي Retroverted Uterus .

تابعي تجارب أخرى من هذا القسم.