هذي قصتي وطالبة مشورتكم الله يسعدكم

بسم الله الرحمن الرحيم

السلام عليكم ورحمة الله وبركاته

كيفكم بنات وحريم عالم حواء

أخواتي جئت إليكم لطلب المشورة والنصح

أنا لي ولله الحمد 30 سنة متزوجة ولدي من الاولاد والبنات في جميع مراحلهم الدراسية الله يوفقهم ويحفظهم يارب

كنت أعيش حياة هادئة مع أسرتي وكان منزلنا كما في كل بيت يمر عليه أيام حلوة وأيام مرة ومثل مانسمي المشاكل ملح الحياة

ولكن فجاءة وبعد صبر 30 سنة قام زوجي يخلق مشاكل بالبيت من غير أي سبب مثل يحط بالاكل سبب اني سرت ماأضبطه واني مااتجمل له رغم انه مايجيني إلا وأنا على سنجة عشرة عمري ماأتصلحت له بالفراش
والمشلكلة لازعل كل منا مايتنازل يصالح الثاني كل مين يقول انا ماغلطت بحقه
ومعلومة انا وهو كل مين ينام بغرفة لوحده من 15 سنة كنت احاول انه ينام عندي لكن يتعذر انه بغرفة النوم مايصحى بدري للدوام تروح عليه نومة ويتكاسل


ويستمر زعلنا حوال من 20 الى 30 يوم
والله تو خرجنا من مشكلة قبل شهرين والان رجع لحاله وطلعي بشغلة جديدة انه عاف طبخي وعافني ماعاد يبغاني زوجة قال لي تبغي تجلسي عند عيالك اجلسي وانا ماعاد لي خاطر فيكي
والله صدمني يوم قالها بعد هالعشرة والصبر على أشياء كثيرة بحياتنا الله العالم فيها وحدة تهون عليه ويقولها بأبرد ماعنده
وانا اليوم جيتكم ابي طلب المشورة منكم هل أجلس عند عيالي وببيتي رغم إنني أحس أنني جالسة فيه مهانة من غير كرامة لأن بيت أهلي يشيلني بس والله شايلة هم فراق عيالي اللي ماأستغنى عن شوفتهم وحتى مايهتم فيهم ولاشي مابينو وبينهم غير السلام
وش قلتوا عسى اللي ترد ربي يحرم وجهها من النار
أطلب الطلاق وأرحل أم أبقى كأنني ...........؟

رجاء ساعدوني بنصايحكم ولا تبخلوا علية فيها
انتظر مشورتكم يالغوالي
دعاوتكم لي إن ربي يفرج همي وهم كل مسلم ومسلمة
أختكم أم نايف

178 تعليق 10,984 مشاهدة

شاركي في النقاش

سجلي الدخول لإضافة تعليق.

التعليقات

171
  1. @ngdyh6

    اقعدي في بيتك وعند عيالك معززه مكرمه واطبخي وتزيني مثل عادتك واتركيه لاتضغطين عليه يمكن نفسيته تعبانه من شي

    اصبري عليه فتره يمكن تزين نفسيته لازم تتحملينه ترا الرجال كل ماكبر صار مثل الطفل يبي له تدليل ورعايه

    والله يسخره لك
  2. @am_aghly_shy_aayaly

    الله يكون بعونك لا والله بعد هالعمر اجلسي بيتك
    يمكن الرجال ناوي على نيه يعني يبي يتزوج
    بيتك وعيالك اهم من اي شي ثاني بكره الايام ترجعه
  3. الله يعينك

    بس شكله شايف له شوفة ثانية ويبي يطفشك من البيت عشان يخلى له الجو(يتزوج عليك يعني)

    الله يصبرك على ما ابتلاك
  4. المشاركة المقتبسة غير متاحة.

    اصبري وصابري وتغاضي وحاولي تصلحين من حالك وعليك بالدعاء بان ربي يلين قلوبكم لبعض ويلين قلوب عيالكم لكم ويلين قلوبكم على عيالكم عيالك بحاجه لك

تابعي تجارب أخرى من هذا القسم.