تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

ماما لو انتى هنا عايزة اعرف ايه معنى الدم اللى نازل عليا بعد اسبوعين من الدورة بقاله يومين مش كميه كبيره بس مش نقط بردو
وغير كده اخر بريود كانت قليله اوى نقط

انا دكتورتى فى الكويت مفكريتش تعمل المنظار غير لما العلميه فشلت لثالت مره بس قلت اعمله فى مصر احسن..بس انا استغربت هى ليه معملتوش الاول علشان تتطمن..يلا الحمد لله على كل حال



لازم تتصلي على المركز تتاكدي ان دكتور حسام موجود وتحجزي لانهم حيقولولك الحجز بعد اسبوعين وتروحي المركزقبل الدوره بايام قليله عشان العمليه بتبدء من 3 يوم دوره


ان شاء الله الاسبوع ده اخلى اختى تحجزى بس ربنا يسهل والدوره تجيلى وانا فى مصر علشان الحق ابتدى علاج من 3 يوم

ربنا يكرمك يا أكسي يا رب
أسأل الله العظيم رب العرش العظيم أن يصب علينا الرزق صبا
يا رب يسر أحوالها وأعطها من فضلك العظيم
يا أكرم الأكرمين

اهلا يا دوددة شرفتينا
احكيلنا الحكاية يلا

ماما ربنا يجزيكي خير
اكيد كلمتي سارة
طمنيني

متفائلة
بطلي هرية
اللي انتي بتعمليه ده مش هيديكي اللي انتي عايزاه
ياريت لو تشغلي نفسك باي حاجة بعيدة عن موضوع الحمل
لانه لا بايدك ولا بايد اي حد
ده بامر من الله
وهو وحده اللي قادر يدينا او ياجلها
فلازم ترضي
وتحبي اختيار ربنا ليكي
وتاملي باللي نفسك فيه
وتاكدي ان ربنا حنين اوي علينا
ودايما بيجعل لنا نصيب من دعائنا

بندقة
ربنا يوفقك ويعينك على الاختيار
ويسهلك كل الامور يا رب

ام مريم
ازيك عاملة ايه
هتنزلي مصر امتى