تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

متابعة النقاش، صفحة 287

شاركي في النقاش

سجلي الدخول لإضافة تعليق.

التعليقات

2,155

  1. @rmal_8

    رمـــــال
    قولى بس يارب ده اللى عليكى تعملية
    شيمو ياحبيبتى ..
    ازيك يا قمر عاملة ايه منورانا وانتى فى مصر .. مش بتحكى لنا ليه اخبار خروجاتك اوعى تكونى مقضياها فى البيت لا اخرجى واتبسطى ياحبيبتى .. وربنا يكتب لك الخير بعد المنظار ده وبأمر الله بأمر الله ربنا هيكرمك اخر كرم ياقلبى
    ميكو ..
    ايه ياموكا عاملة ايه ومايا كويسة دلوقتى .. يارب يبارك لك فيها ياقلبى
    ماما ..
    وحشانى يامامتى تعالى قولى لى عاملة ايه واخر اخبارك ايه دلوقتى
    كوكر ..
    مش عارفه انتى فين بقالك مده يارب تكونى بخير ياحبيبتى ياريت تطمنينا عليكى ياقمر
    ميزو ..
    معلش يا حبيبتى لابد من اكرام الضيف ربنا يقويكى يارب سلمى على مودى
    بوبا ..
    ايه يا عم عامل ايه وأراور اخباره ايه يارب تكونوا بخييييييييير ..
    باقى البنات سلامى ليكم جميعا واشوفكم على الف خير

  3. @shymolata

    صباح الخير عليككم معلش لو لغبطت فى الكتابة لانى عاملة كشف قاع عين امبارح وانتو عارفين انه بتككون الرؤية مش واضحه شوية بس قلت بردو ادخل اطمن عليكم لانكم بتوحشونى جدا
    انا رحت امبارح لدكتور الرمد علشان عملية عينى انتو عارفين طبعا بس هقول علشان اللى مايعرفنيش من زمان
    الحمد لله انا عندى مية بيضا فى قاع عينى الشمال اتولدت بيها كده سبحان الله وهى زادت جدا وأثرت على الرؤية وان شاء الله هعمل عملية يشفطو فيها المية دى ويشيلو عدسة العين ويركبو عدسة جديدة
    انا المفروض انى كنت اعملها الصيف اللى فات بس عاندت بسبب حماتى ودلوقتى ندمت لان الدكتور امبارح قالى ان الوضع بقى اسوأ وده هيخليه ممكن يضطر يعمل عملية جراحية بدل مايعملها بالموجات
    بس كان عندى ده غصب عنى والله بس انا دلوقت اتعلمت انى ماعاندش على حساب نفسى تانى انتو عارفين الصيف اللى فات ان حماتى ربنا يسهلها قالت ان اهلى ضخكوا عليهم واتغشو فى الجوازة لانهم ماقالوش ان عندى عين تعبانه مع ان والله العظيم عيونى الاتنين شكلهم طبيعى جدا وملوين كمان المشكلة بس فى قاع العين نبقى كده غشناهم فى الجوازة وضحكنا عليهم انا طبعا جوزى قالى لأ ماتزعليش من كلامها بس انا غصب عنى السنة اللى فاتت عاندت ورفضت اعمل العملية واهو جه على دماعى السنة دى الدكتور قال ان الوضع بقى اسوأ وربنا يستر
    ان شاء الله انهارده هروع اعمل اشعه تاخد مقاس عدسة العين علشان اللى هيركبوهالى بس عندى اصرار ان حماتى ماتعرفش انا كده غلطانه؟
    بالنسبة لجرح المنظار الحمد لله احسن من الاول والسبرتو الابيض فعلا ممتاز بينشف الجرح بسرعه وان شاء الله ميعادى عند دكتور عادل الدورة الجاية علشان اخد حقن لعلاج التهبيطى
    ربنا يكرم اوكسى ان شاء الله انا مش عايزة اكلمها الا اما تستريحلها شوية كده
    النسبة للسيفيهات الجديدة هنبعتها عالخاص ولا عالعام ؟ انا معرفش بس عالعموم انا هعمل بتاعتى واسيبها عالعام ان شاء الله

  4. @mama1983_1

    احلام بسيطه
    ماما لو انتى هنا عايزة اعرف ايه معنى الدم اللى نازل عليا بعد اسبوعين من الدورة بقاله يومين مش كميه كبيره بس مش نقط بردو وغير كده اخر بريود كانت قليله اوى نقط

    انا قبل كده حصلت معايا نفس الحكايه والدكتوره قالت لي لخبطه هرمونات انتي متابعه مع مين انا لو مكانك اروح اعمل سونار اطمن

  5. @mama1983_1

    رمـــــال
    شيمو ياحبيبتى .. ازيك يا قمر عاملة ايه منورانا وانتى فى مصر .. مش بتحكى لنا ليه اخبار خروجاتك اوعى تكونى مقضياها فى البيت لا اخرجى واتبسطى ياحبيبتى .. وربنا يكتب لك الخير بعد المنظار ده وبأمر الله بأمر الله ربنا هيكرمك اخر كرم ياقلبى ميكو …

    الحمد لله يا ريموا انا كويسه
    الايام ده منتظره النتيجه يارب احمل طبيعي وما احتجش اي عمليات اختك متفائله قوي المفروض الدوره الخميس بس لو اتاخرت انا مش ححلل الا يوم الاربعاء الي بعده ودم على طول على فكره انا باخد تحاميل دفستون الدكتور قالي خديها احسن لان البرجسترون بتاعي واطي زي ما انتي عارفه فغالبا حتاخر الدوره
    الحاجه الثانيه بابا ربنا يكرمه اشترالي الادويه تخيلي دفعلي المبلغ الخرافي ده طبعا كده حيفضلي انا وجوزو نحوش للعمليه ربنا ما يحوجنا ليها واتبرع بالادويه دعوتك معايا انا واوكسيتي نحمل في الشهر ده تخيلي حتبقى حاجه حلوة قد ايه     [/SIZE    ]

تابعي تجارب أخرى من هذا القسم.