السلااااااااااااااااااااااااام عليكم ورحمة الله وبركاته
كيفكن اخواتي
عساكن بخير :(
انا والله ماكتبت الموضوع الا عشان تدعون لان الدعاء في ظهر الغيب لاخيك المسلم مستجاب
وعشان تنتبهون لعيالكم
وتعلمونهم بالي صار في مدرسة اخوي
اخوي الله يسلمكم يدرس بمدرسة اهليه في في المتوسطة
في غرب الرياض
وامس الظهر الاحد الموافق 24\6\
1431 هـ
هذا اذا ماكنت غلطانة بالتاريخ
لفظ طالب بالصف الثالث متوسط
انفاسه نتيجه ماس كهربائي
الله يرحمه ويغفر له ويصبر اهله ويخلف عليهم يارب العالمين
يقووول اخوي لما جاء من المدرسة وقال لنا السالفة
قال انه رقى فوق يجيب كورة كانت متسطحة وكان بنتظاره الماس الكهربائي
فقد وطأت قدماه سلك كهربائي لمكيف صحراوي خط 220 وصعقه حتى الموت
ويقول اخوي جا الهلال الاحمر
ونقلوا الولد
يقول باقل من ساعة توفى الولد
الله يرحمه ويصبره
يقول اخوي جا الاستاذ لنا ع الساعة 12 ونص وقال لهم ان زميلكم توفاه الله
الله يرحمه ويغفر له
ويقول اخوي خوياه مو مصدقين والطلاب اغلبهم يكذبون الاستاذ
قال لهم الموت مافي لعب
وخيم الهدوء ع الاجواء
وجانا اخوي وجهه اسود
وامي مو مصدقته لما جا اخوي الكبير وقال الخبر اكيد
وانا هنا استلمته قلت شفت ياخوي الموت مايعرف لاصغير ولاكبير
الصلاة الصلاة
طبعا اخوي يصلي بس بعض الاحيان يؤخرها
قال لي اخوي : انا قاعد افكر في امه الي قاعده تستناه ع الغداء الله يربط ع قلبها يارب
وربي يابنات انا هنا بغيت ابكي قدامه بس مسكت نفسي
وربي فاجعة واكبر فاجعه
لما ترسلين عيالك للمدرسة يتعلمون
وانتي تستنيهم ع الغدا ويجيك خبر وفاته من المدرسة بسبب ماس كهربائي
يارب رحمتك
الله يربط على قلوب اهله ويخلف عليهم
ويرحم ميتهم وجميع موتى المسلمين
الله يعينهم يارب
ندري قضاء وقدر
والحمد لله ع كل حال
بس ياليت يابنات تنبهون ع عيالكم ينتبهون ع انفسهم ولا عاد ينطون فوق السطح او فوق المكيفات عشان يجيب كرة
يابنااات لاتنسون تدعون لهم
الله يصبرهم يارب
الله يرحمك ياسلطان ويجعل قبرك روضة من رياض الجنة
ويخلف ع اميمتك وابيك ويلهمهم الصبر والسلوان
××××××lممنوع وضع روابط منتديات
سبحان الله يابنات محد يدري باي ارض يموت :26:
والسلام عليكم
الموضوع مغلق