بسم الله الرحمن الرحيم ..
خواتي فيه سالفه دااااايم اتناقش فيها مع اهلي ..
انا معهاااا بقوووه واختي ضدهاا بقووووه ..
السالفه ومافيها وهي حقيقيه على فكره ..
رجال تزوج وحده يمووووت فيهاا ويحبهاا بجنون لكن الله كتب ان الزوجه تموت - الله يرحمهاا -.. بعد كم سنه تزوج الرجل من وحده حلوه وخلوقه وكل شي حلو فيها ماشاء الله ..
المهم ..
تزوجوا وعاشوا حياه حلوووه الا شيء واحد ينكد عليهم ..
ان الزوجه الجديده كانت عايشه في الظل .!!!
والزوج عايش على اطلال زوجته المتوفيه رحمة الله عليهاا ..
الزوج روميو كان محتفظ بأثاث غرفته القديمه ببيته ومقفل على الغرفه محد يدخلهاا وياااويل اللي يفكر يدخلها او يعرف وش داخلها محد له شغل ..
لكن هي حست بس تعوذت من الشيطان مو لهدرجه ..
اثاث البيت من الى جديد في جديد الا غرفة النوم القديمه مثل ماهي عليه ومقفله بالشمع الاحمر ..
اكتشفت انه يحتفظ بصورها عنده .. ومشتهاا ..
اكتشفت صوره لها - الزوجه المتوفيه - وهي صغيره ببوك الزوج ..!!!
الرجل مو مقصر مع زوجته الجديه بأي شي .. لكن مسألة انها تعيش بظل زوجته الاولى نكدت عليهاا ..
ومثل مانقول طفح الكيل ..
في يوم من الايام ..
قدرت تدخل الغرفه وانصدمت بغرفة النوم القديمه .. وكان شكل الغرفه وكأنه اخر يوم بحياة الزوجه المتوفيه وكل شي على حطته ماتغير فهمتوا علي ..
جن جنونها وعلى طوووووول حرقت الغرفه بكبرها كل شي احترق ..
ومن زود السنع اتصلت على الدفاع المدني .!!!
وراحت لبيت اهلها ..
:
:
وش رايكم بموقفها وتصرفهاا .!؟
هل اللي سوته صح او غلط ..؟!
هل الزوج معذور وماينلام بحبه لزوجته المتوفيه ..!؟ او انه ظلم زوجته الجديده وما عطاها فرصه وعاش ع الاطلال .!؟
لو كنتي مكانها كيف بتتصرفين .!؟
"
"
رأيي ما الومها لو حرقته بعد ..
الحي أبقى من الميت .. محد يلومه بحبه لزوجته المتوفيه .. وبينهم عشره وعيش وملح على قولتهم وايام حلوه وذكريات جميله ..
لكن السؤال وفائه لزوجته بهالطريقه صحيح .!!
طبعا لا وألف لا .. زوجته الحين بالقبر .. والقبر اول منازل الاخره .. محتاجه دعائه لهاا .. محتاجه يسوي لها شي ينفعهاا بآخرتهاا .. يتصدق عنها يسوي لها اي شي من شأنه يزيد من حسناتهاا ..
مو يحتفظ بغرفتهم وصورهم ..!؟ وش بتستفيد ..!؟
والله محد استفاد لاهي ولا هو ..
وفتح باب على حياته الجديده مع زوجته المفروض مايفتحه ..
هذا والله اعلم ..
اخيرا اترك لكن المجال بإثراء الموضوع
:)
شاركي في النقاش
سجلي الدخول لإضافة تعليق.
التعليقات
230- يمكن ماقدر ينساها
- مايحق لها تحرق الغرفه مهما بلغ ماعليه تحاول معه الى ماينسى اما انها تحرق الغرفه حركة قوية صراحة وكيف جاتها الجرئه تصلح كذا
ماخافت ... - شوفي هيا ماتنلام
بس انا مع الزوج صعب الواحد يحب من قلبو وبكل سهوللللله ينسى - اللي سوته غلط وش قلة العقل هذي
تنتقم من وحده ميته
بعدين يمكن تسبب كره زوجها لها اذا كان مقفي عنها
الحين بتخليه يكرهها اكثر ويتعلق بالمرحومه زوود
تصرف غبي بصراحه عذرا ما الومها بس ردة الفعل سخيييفه وبايخه
تقدر تقربه منها بأكثر من طريقه وبقربها منه وحبها له اظن النساء لهم كيد ولهم طرق
ما جات على حرق الغرفه !!!! بدون اي تفكير للسلبيات اللي تخلفهاا
لو ممكن تعطينا ردة فعل الزوج عشان توضح الصوره؟؟ - هالسالفة صج وإلا من محض الخيال
بس لو صج ......ياااااااااااااااااااااااااااااااااااااااااااالله على هيك زج وفي يحبها
وهمين ما تنلام زوجته الثانيه يعني لي متى الوقوف على الأطلال
مواضيع مشابهة
تابعي تجارب أخرى من هذا القسم.