تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

متابعة النقاش، صفحة 298

شاركي في النقاش

سجلي الدخول لإضافة تعليق.

التعليقات

2,155

  1. @dodaaa_1

    متفائلة جدا 1985
    دودوووووووو فينك يا وحشه استنيتك انبارح مش جيتي..ليييهه؟ انا تمام مع اني قلقانه حبتين بكره رايحه لحماتي ان شاء الله ومش عارفه حاسه اني هتلخبط لما اشوف اخت جوزي عايزة ابقي كول مش عارفه اعمل ايه
    توفي
    مانا قلتلك الفجر حيازن واستازنتك؟
    آسفة والله
    عاوزاكي تكبري بجد في مشوار بكرة كل الحكاية اننا محتاجين نثق بنفسنا زيادة وان الحكاية دي مش عيب فينا
    ومتحوليش تساليها عن اي حاجة تخصها سلامات وحب وكفاية
    وربنا يربط علي قلبك ان شاء الله

  2. @mtfayl_gda_1985

    تخيلي انهرده طلبت مني اجبلها معايا كتاب الحمل
    كنت مشترياه لما حملت كتاب غالي بس حلو جدددددددددا
    قلتلها خلاص حاضر

    وانا بطلعه من الدولاب عشان اجيبهولها بكره ان شاء الله فضلت اعيططططططططططططططط

    ربنا يستر بكره
    ادعيلي
    الا انا بيبان عليا بسرعه

  3. @dodaaa_1

    متفائلة جدا 1985
    تخيلي انهرده طلبت مني اجبلها معايا كتاب الحمل كنت مشترياه لما حملت كتاب غالي بس حلو جدددددددددا قلتلها خلاص حاضر وانا بطلعه من الدولاب عشان اجيبهولها بكره ان شاء الله فضلت اعيططططططططططططططط ربنا يستر بكره ادعيلي الا انا بيبان عليا ب…
    معلهش ياتوفي
    ان شاء الله حتيجي مبسوطة من نفسك وحتشوفي

  4. @rmal_8

    د.وداع
    معلهش ياتوفي ان شاء الله حتيجي مبسوطة من نفسك وحتشوفي
    مساء الخيرات يابناتيت عاملين ايه ياسهيرة الملف ..
    وداع ..
    عياط ايه اللى بتقولى عليه .. مش احنا اتفقنا ولا كان كلام عيال .. لا ياحبيبتى اجمدى كده انتى كل يوم بيعدى عليكى وانتى بتاخدى علاجك بتقصرى فيه المسافات وبيبقى اليوم اللى هتحملى فيه بيقرب اكتر واكتر صح ولا ايه لا نفضى كل همومك وشيلى الوساوس من نفوخك شوية وسلى نفسك بالانترنت واشغلى روحك بأى هواية بتحبيها ممكن تشغلى نفسك بإنك تقرأى كتير على الانترنت قصص أوخواطر أو أى حاجه بتحبيها وحاولى كمان تقرأى ازاى تتعاملى مع الاطفال وكمان اقرأى فى الحمل كتير علشان لما هتحملى مش هتعرفى تقرى حاجه ولما تولدى بأمر الله ولا هتلاقى وقت يعنى فرصتك دلوقتى .. وخلاص ده رمضان فاضل عليه اقل من شهرين وانتى كده كده هتنشغلى فى رمضان بالصوم والعبادة ومش هتفضى وبعده ياحلو هيبقى الكلام الجد بقه ومش هيبقى فى وقت نضيعه وهتقولى ولا يوم من ايام الهدنة افضل ..
    توفى ..
    بصى ياحبيبتى انتى ليه مش واثقه من نفسك .. انتى حاسه بالنقص ليه .. هل كان فى حاجه فى ايدك وقصرتى فيها .. هل انتى فيكى حاجه غلط .. رجل مسلوخة مثلا ولا مناخيرك ليها تلات فتحات .. ايه يابنتى متكبريش الموضوع كده ايه يعنى الدنيا على ده الحال كل واحد بيجي له دوره وسبحان الله هو أعلم بالخير فين .. افردى نفسك وطولك كده وانتى داخله عليهم وحطى فى عقلك انك مش ناقصه حاجه ولا فيكى عيب ده انتى ربنا ميزك عن غيرك بإبتلاء صعب .. يعنى تباركى عادى جدا وتظهرى فرحتك مش انتى فرحانه برده يبقى ده يظهر ويبان بدون تصنع ولا تكلف فى الطبيعى وكلمتين مباركه وخلاص هى يعنى اللى حملت دى كانت عملت لنفسها الحمل ولا ربنا هو اللى رزقها وقادر يرزقك انتى كمان .. اوعى تطاطى ولا تتكسفى ولا تحسى ان فى شئ غلط وياريت متطوليش فى الكلام عن الموضوع ده يعنى كلمتين وبس لان الموقف لا يحتمل اكثر من كلمتين مبروك وخلصنا مش هنفضل نقرأ فيها طول اليوم وبعد كده هتلاقى روحك فكيتى وخلاص مفيش حاجه ..

  5. @rmal_8

    ماما1983
    لا يا ريمو مش تقلقي عليا خالص انا بالعكس مطمنه ومبسوطه قوي حتى لو النتيجه مفيش كله بامر ربنا وبعدين انا خلاص حبدء اشتغل تاني وفرحانه قوي بالشغلانه الجديده ربنا يبارك لي فيها
    الف الف مبروك يامامتى على الشغلانة الجديدة ربنا يرزقك خيرها ويكفيكى شرها .. والله فرحتينى ياحبيبتى ربنا يبارك لك فيها يارب ويرزقك بخيرى الدنيا والاخرة
    صحيح كنت عايزة اقوللك سلميلى على سارة اوى وابقى طمنينا على اخبارها من وقت للتانى يامامتى

تابعي تجارب أخرى من هذا القسم.