تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

بجد ياشيمو يعنى انتى حاسة انى موجودة اكتر من الاول
يابنتى انا لازقة هنا على طول بس انتى اللى بقيتى تدخلى اليومين دول وتتكلمى كمان معانا وده مفرحنى قوى

هاه يلا انى ماقولتيش رحتى فين فى مصر ولا ناوية هتروحى فين والمفروض ترجعى الامارات امتى

رمال حبيبتي
انا هعمل اللي قلتي عليه
بس والله الحمدلله انا ما حاسه بنقص ولا حاجه
المشكله في الي حوالينا
خايفه اي حد يفاجئني بكلام يلخبطني او يدايقني وانا لوحدي من غير زوجي
لكن والله انا كللي رضا
الحمدلله
وان شاء الله هقابلهم وانا كللي ثقه ..من الاخر كده ان شاء الله هعجبك

سؤال بئه لاهل الخبره
بنات حد عمل حجامه هنا في اسكندريه؟؟؟
اصلي خلاص نويت اعملها بس عايزة اعملها في اسكندريه
ونفسي حد يعرفلي حد موثوق فيه جدا..وجربه.. وحس بتحسن

ياريييت ...يارييت ...يارييت يا بنات
اعرفولي وقولولي

ماشاء الله عليها ياماما فعلا
كل كلمة بتقولها فيها حكمة وفعلا الناس بتهرب من مشاكلها انها تفكر فى مشاكل الناس
وتنغص عليهم حياتهم والله ياماما انا اعرف ناس سبحان الله متعة عندهم واكتر من متعة كمان انهم يتجسسوا على اخبار الناس عشان ينقلوها لناس تانيين زى مابيكونو مايعرفوش الا انهم يتكلموا فى سيرة الناس ولو ماعملوش كده يموتوا من الغيظ وياسلام لو لقوا واحدة متحفظة شوية ومبتحبش حد يتناقل اخبارها يقولوا عليها سوسة ورخمة وووو سبحان الله وهم هيدخلوا الناربسبب لسانهم والنميمة والغيبة والله يعينهم لما نشوفهم فى النار ونعرف ان ربنا صدق وعده فيهم بس ان شاء الله مش هنشمت فيهم برضه

ازيك يا بوبا عامله ايه؟؟

ماما
فعلا انا كنت محتاجه اللي انتي بعتيه اويييييييييييييي
كلام جميل وجامد اخر حاجه مشاء الله