تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

ازيك يا ام مريم ... اخيرا كتبتى بالعربى ... ههههه ... يسمع منك ربنا يا ام مريم يارب وتنجح المرة دى

بصراحة دكتور هميسة ممتاز وانا مش حغير رأى فيه حتى لو العملية فشلت ... قال وشوفى البجاحة بقوله يا دكتور لو لا قدر الله محصلش حمل اعيدها امتى ..ز بصلى كده وقالى لازم تكونى متفائلة واستبشرى خير ... قلتله ونعم بالله بس بسأل ...
المرة دى العلاج مختلف باخد برشام هوستاكورتين 5 مجم .. 3 اقراص الصبح وسألته عليه قالى ده كورتيزون عشان لو فيه حاجة فى المناعة ممكن تمنع التصاق الاجنة
وباخد بيبى اسبرين وابر تثبيت ابرة فى اليوم ولبوس واحدة فى اليوم مساءا

ليه يابنتى بتقولى كده حد قاللك انه مش عايزك هنا ولا حد حسسك فى يوم انك ملكيش مكان وسطنا ؟؟؟

اسمحى لى يا مصرية اقوللك كلمتين تعليقا على مشاركتك دى لان كلامك بجد خلانى استغرب اوى ..
اولا احساسك بالغربة ده احساس جواكى انتى اللى خلقتيه بإيدك انتى عارفه ان انتى اول واحده تدخل الملف وتحس الاحساس الوحش ده ..
ثانيا .. المفروض الكلام ده ميطلعش منك علشان انتى بعد ما قضيتى معانا وقت طويل فجأه غبتى وانقطعتى عننا والمفروض اننا نلومك علشان كان اولى تبقى جمب اخواتك وتسألى عليهم وتواسيهم همه كمان مش دول اخواتك اللى بتطلبى منهم يسألوا عليكى يبقى انتى لازم تدى علشان تاخدى ولا ايه ..
لكن محدش هيلوم لان كل واحد فيه اللى مكفيه ولاننا هدفنا نجتمع على الحب دايما مش على اللوم ولا على العتاب اللى ملهوش لزوم وطالما رجعتى تانى يبقى اهلا وسهلا بيكى ونورتينا من جديد ولو تلاحظى انتى اول ماظهرتى فى الملف وكتبتى مشاركات رديت على كل مشاركه فيهم وما اهملتش حاجه خالص كتبتيها وده معناه اننا عايزينك تبقى معانا وان احساسك ده غلط مليون الميه ولو كنا فعلا حاسين انك غريبه وسطنا مكانش حد كلمك لما رجعتى ولا رد عليكى .. وياريت متقوليش اتكتب عليا الوحده لانك طول مانتى مقتنعه انك لوحدك مش هتحسى ابدا بالونس حتى لو كنتى واقفه فى ميدان العتبه :) ..
بصى فى الملف هنا ياحبيبتى اى حد يدخل بيعتبر نفسه فى بيته على طول والمفروض انه يعتبر نفسه بقه مسؤل عن اخواته ويهتم بيهم ويفهمهم ويراعيهم زى ما الباقى هيراعوة ..
وزى ما اوكسى قالت لك انتظمى معانا وتواصلى مع البنات اللى زى مانتى محتاجاهم همه كمان محتاجين لك حتى لو مش محتاجين معلوماتك فا همه محتاجين يشاركوا همومهم مع ناس عندها نفس الهم صح ولا ايه يامصرية
واخيرا بقه والمهم انك لو راجعتى الفترة اللى غبتى فيها هتلاقى ان لحد وقت قريب جدا البنات كانوا بيسألوا عليكى فا متقوليش ان محدش سأل عنك لما مشيتى ..