سؤال للإماراتيات؟

@uaebaby

السلام عليكم..

خواتي حبيت اسأل عن وحده مجربه دكتوره زينه ببلادنا لاني دخت من الدكاتره وياريت تكون دكتوره بدبي أو الشارقه ...

أنا متزوجه من سنتين واعاني من تكيس المبايض واحيانا يرتفع عندي هرمون الحليب حملت 3 مرات بس الجنين يموت وما يكبر وينزل بالشهر الثالث والحمدلله.

والدكاتره يقولون لي هالشي طبيعي وحد قال ممكن يكون بسبب التكيس وهذا اللي ذابحني ما شي تفسير للحاله ولا علاج!!

خذت كلوميد و دوستينكس للهرمون قبل الحمل و فوليك اسيد يوم حملت وجلوكوفاج قبل وبعد. .

بس ما شي نتيجه!!

ناس قالوا لي اسير للدكتوره زينب بدبي لانه وحده كانت نفس حالتي وسوت تحليل دم دقيق لها ولزوجها وطلع عندهم شي بالدم فتعالجت وحملت.

افكر اسوي عمليه ليزر وأشل التكيس بس يقولون لي انه حجمه بسيط ومافي داعي لعمليه...

فياريت لو وحده تخبرني عن اسم دكتوره ممتازه تعالج مثل هالحالات لاني سرت عند واااايد دكاتره بأبوظبي ودبي والشارقه بس ما اكمل علاجي لاني ما ارتاح لهم :( وكل مره حد يقول لي شي!

وجزاكم الله خيرا..

11 تعليق 1,039 مشاهدة

0 0

شاركي في النقاش

سجلي الدخول لإضافة تعليق.

التعليقات

11

  1. @myrh_alrmythy

    مرحبا الغاليه في دبي والشارجه ماعندي ما اعرف تبين الصدق بس جان تبين في بوظبي شي دكتوره ممتازه وبصراحه هي الوحيده الي ارتحت الها واحس انها فعلا دكتوره بمعنى الكلمه وخبره ماشاءالله عليها عالجت وايد حالات عقم ...جان تبين عنوانها بطرش لج ..

  3. @ty_alsnyyn

    السلام عليكم
    أختي أنا أعرف دكتوره ممتازه وانشاء الله بترتاحين معاها بس موجوده بأبوظبي
    اسمها الدكتوره راويه بالمركز الطبي التخصصي في الخالديه
    وعلى فكره الدكتوره ملتزمه وخلوقه جدا وتخاف الله وبتلاحظين فيها
    خذي رقم المركز من الاستعلامات واطلبي الدكتوره وخذي موعد واطلبي منها رقم الموبايل
    وسلامات انشاء الله

  4. @almtdynh

    السلام عليكم اختي انصحج تروحين عند الدكتوره اوراس عبدالرحيم في الشارجه او عند الدكتوره ناديه في مستشفى دار الشفاء في ابوظبي تراهن وايد شاطرات
    والله يعطج العافيه والذريه الصالح :27:

  5. @dubai_pride

    اختي نصيحة .. سيري مركز دبي للاخصاب عند الدكتورة حسنية قرقاش .. تراهم اخصائيين في حالات العقم ..

    وعليج بالاستخارة ..

تابعي تجارب أخرى من هذا القسم.