انت وشغالتك بالسوق ....

السلام عليكم ورحمة الله وبركاته

صراحة أول مرة أكتب موضوع بالاجتماعية وهالموضوع بسبب موقف شفته ذات يوم.............

مرة كنت رايحة السوق أنا وعيالي والشغالة وتأخرنا قلت بما اننا الوقت متأخر خل نتعشى وفعلا طلبت لي عشاء لي ولعيالي والشغالة وأخذنا لنا طاولة وقعدنا نتعشى الا شغالتي تقول مدام شوفي هذا شغالة مسكين وألتفت الا أشوف امرأتين ومعهن عيالهن على طاولة كبيرة وأنواع الأكل وهن سواليف وضحك وعلى جنب شغالتين من نفس جنسية شغالتي (سريلانكيات)قاعدات على طاولة بجنبهن مامعهن شي ولا وماسكات العيال الصغيرين وشفايفهن ناشفة دليل انهن مكروفات صراحة رحمتهن ومرة بعد كنت رايحة أنا واختي للسوق ولا أذكر حنا طلبنا عشاء والا بس جلسنا وقمنا الا لفت انتباهي عائلة قاعدين يتعشون وكانت الجلسات عليها حواجز يعني اللي يكون داخل ماأحد يشوفه المهم الا موقفين شغالتهم بررة تقل حارس وهم سواليف وضحك ولا معها ولا عصير على الأقل؟؟؟؟؟
العبرة من سرد الموقفين اني حبيت أنبه بعض الأخوات الى ان الشغالة بشر مثلك تجوع وتعطش وتشتهي ليش ماتطلبين له مثل اللي تاكلين ولو مستخسرة تجيبين لها لاتآخذيينها معك تتفرج عليك وانت تاكلين ترى العين حق وش شعورها لما تشم روايح الأكل وانت قاعدة تاكلين وتشربين قدامها وخصوصا اذا كانت جوعانة أكيد بتكون نفسها بالأكل ويمكن يجيك شي انت والا عيالك وياأختي اعتبريها صدقة واحتسبي أجر ادخال الفرحة على قلب مسلم وسلامتكن :26: ....

45 تعليق 2,698 مشاهدة

شاركي في النقاش

سجلي الدخول لإضافة تعليق.

التعليقات

42
  1. @nkhh_hloh

    جزاك الله خير

    والله انك صادقه واتمنى من كل الحريم اللي عندهن شغالات ينتبهن لهالنقطه

    لان الاسلام بالتعامل..ولازم تعاملونهن زي الناس

    ممكن ماتكون مسلمه ومن تعاملك لها بالطيب تسلم وتاخذين اجرها بسبب بسيط مثل هذا


    الله يجزاك خير اختي ويبارك فيك
  2. @alryashh

    والله انك صادقه بس ياليت كان عملتي خير عشان تحرجين اللي كانو معاهم وترسلين مع شغالتك شي لو بسيط يمكن يحسو اللي مايخافون الله في تعاملهم ولو احرجوك قولي مالي شغل شغالتي شافتهم واعطتهم من عندها والله شي يقهر كان الوحده اذا جاتها شغاله استعبدتها ومشكور اختي الله يسعدك
  3. @aaobaaa

    اي والله انا نفس الموقف شفته

    ماتخيلت في ناس مافيهم احساس كذا

    والله يرحمنا برحمته وجزاك الله خير

تابعي تجارب أخرى من هذا القسم.