الكون كله يتسنع الا انا ..ابغا حل جذري :(

طيب انا اساااعدك..

اول شيء لازم تحافظين على صلاتك اهم شيء وهي الاساس// ولاتنسين الاستغفاار..
بعدين اقراائي على نفسك وبيتك يمكن فيكم عين وخاصة انتي..// بعدين واهم شيء نظمي نووووومك وخوفي لاقدر الله يكون فيك الغدة لانها تجيب الكسل والنووم شيكي على حالك...

الحين نكمل يجي دور زوجك وحقه عليك..
ياقلبي حااولي ماترفعين صوتك عليه حاولي تهداااااااين وتتناقشين بعدين بعد ماتهدااء النفووووس...
وطول الوقت تعوذي من الشيطان وامسكي لساانك وحاسبي على كل كلمة تطلع من لسانك..
زوجك يحبك والدليل يستلف قروض عشان يسفرك ماشااء الله.. وفوق هذا مقدرك ومايبي اهله يجون ويشوفون يمكن حووستك
ويحطون فيك كلام لاقدر الله//

حبيبتي كل شيء بالتعود بيصيررررررر ان شاء الله..

اهتمي بزوجك دلعيه وش يضرك لاقام على وجه بشوش ونام على بوسة راااس!! شوفي ماااسهلهاا
استقبلبه لارجع من دوامه وقتي المنبه قبل يجي بساعة وتشيكي وتضبطي واستقبلبه بكاس ماي او عصير..
خذي شنطته وغترته او فصخي جزمته شراابه<<<يحبك مووووت صدقيني...

بعدين نيجي للبيت..
قلبي لاتتعبين نفسك وترتبين كل شيء بيوم بتكرهين نفسك لاكن وش الحل!!
اهم شيء نظفي مواعينك طوااالي بعد كل وجبه واطبخي وجبه وحده باليوم اللي هي غداء بعد مايجي زوجك من الدوام لانه بيكون محتاج اكل// وبالليل لاجعتوا وجبة خفيفة جداا سندوتشات تونه نوااشف اي شيء ودايم جهزي سلة الفواكة بالمطبخ اللي يبي ياكل...

رتبي المطبخ// واهم غرفة غرفة النووووووووووم غيري المفرش كل اسبوع مره ورتبي الارض والسرير وامسحي الغبرة <<سهلة جدااا
الصالة حقت الجلوس يومياا تترتب ترتيب سريع وكل 3 ايام ترتيب قووي اذا انتوا نظيفين ماتوسخون كثير...

اما بالنسبة للغسيل جيبيلك سلال كبار وفرقي الملابس فيهااا وغسلي شوي شووي
اذا يتعبك الغسيل الله يخلي الغسالات الاوتوماتك مع نشاافة اللي عليك تكوينها بس....

بالنسبة للكوي سهل جدااا..

الطبخ اذا تبين تتعلمين اكلات عندك كتااب رووعة انا شخصياا مجربته وسهل مووووت
اللي هوو// اطباق النخبة..


حبيبتي املكي قلب زوجك وعقله وتفكيره وادعي ربك ان الله يسخره لك..
وبعدين لاتنسين امه وابوه واهله احترميهم وقدريهم
واهم شيء الصحبة الطيبة كل ماكان عندك جارات وصديقات نظيفات محترمات طيبات مهتمين باازواجهم بتكونين زيهم وبتنافسينهم
والله الله بالناس الطيبة..


اخر شيء ادعيلي وادعولي يابنات انجح هالسنة بكل الموااد //
وربي يسخر لي زوجي ويبعد عني وعنه كل شر ويرزقنا الذرية الصالحة العاجلة...

طيب نظفي بيتك
ترى بيصير فيه صراصير ونمل وتدخل في اذنك وانفك وتطلع عالجيران وتصير فضيحتك بجلاجل

اذا مرررره ما تقدرين جيبي خدامه موقته بالأسبوع وتنظف وراكم
بالتوفيق

تبين تنظفين وتكون عندك عزيمه ؟

تخيلي بس ان زوجك اتزوج وحده سسنعه

وقآرن بينكم !

على بالك بيجلس عندك !

فكري في مشكلتك تراها كبيره

ولو زوجك يبين لك مو مزعوج تحصلينه من دأخل بينفجر

لاتقولين ماعرف اصلح قهوه

ماحد طلع من بطن امه متعلم

يوم مازبطت اليوم الثاني تزبط ,

الله يعينك على نفسسك

ويعين زوجك

الله يعينك ويعين زوجك
الحقي عليه ورتبي قبل واهتمي بنفسك قبل شسمه

وعليك بالاذكار والاستغفار يالغاليه

(أن فاطمة رضي الله عنها شكت ما تلقى في يدها من الرحى فأتت النبي صلى الله عليه وسلم تسأله خادماً، فلم تجده فذكرت ذلك لـعائشة فلما جاء أخبرته قال: فجاءنا وقد أخذنا مضاجعنا فذهبت أقوم فقال: مكانك، فجلس بيننا حتى وجدت برد قدميه على صدري، فقال: ألا أدلكم على ما هو خير لكما من خادم؟ إذا أويتما إلى فراشكما أو أخذتما مضاجعكما فكبرا أربعاً وثلاثين، وسبحا ثلاثاً وثلاثين، واحمدا ثلاثاً وثلاثين فهذا خير لكما من خادم). وهذا الحديث رواه الإمام البخاري رحمه الله تعالى