تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

وداع: بصي يا قمر في مش في كل الاحوال الولد امان. اقرب دليل ابن خالة جوزي مطلع عين مامته و باباه بطريقة غير طبيعية.
مصرية: علشان تلاقي شقة مفروشة في المهندسين في الصيف صعب و لو لقيتي حيكون الايجار غالي جدا لان المهندسين في الصيف بتبقي متلغمة بالعرب فالايجارات بتعلي اوي. عايزة في المهندسين بصي ناحية شارع السودان حتبقي اقل و اسمك في المهندسين او ممكن في الدقي.
نادية: سلامتك الف سلامة يا قمر.

انا اهه ياريمو هنا على طول ماعدا يومين الاجازة وان شاء الله قدمت على التليفون فى البيت عشان يبقى عندى نت فى البيت وابقى معاكم ليل ونهار بس يارب بقى انتو ماتزهقوش منى لانى ساعتها هبقى لازقة لكم انتى مش متخيلة انا اصلا اليومين دول ببقى فاضية بالليل وفى البيت لوحدى لدرجة انى بدأت اكلم نفسى




ده مودك متغير بس اليومين دول يانيفو مش اكتئاب ولا حاجة الحمد لله
وعادى الواحد بيجى عليه فترات يبقى مستغلس نفسه والناس اللى حواليه
يمكن تكونى مش مستغلسة حد بس عاوزة تبقى لوحدك وخلاص ولاتردى على حد ولاتكلمى حد كانك مكسلة تفكرى اصلا ..... محدش عارف يمكن دى هدنة المخ بياخدها بعد مرحلة طويلة من الارهاق او التفكير وانتى ياحبيبتى تعبتى مع الولاد قوى الفترة اللى فاتت عشان كده ممكن تكونى محتاجة تغيرى جو ايه رأيك يانيفو ابعتلك تذكرة وتيجى تصيفى عندنا الجو اليومين دول هنا ايه ولا نار الفرن يابطاطا

يلا بقى يانيفو انا عارفة ان ***** الله الحالة دى مش هتستمر كتير عشان اصلا انتى خفة دمك ماشاء الله تتوزع على محافظات مصر كلها وتفيض كمان فأكيد هتتغلب على الحالة دى يلا امسكى حاجة كده وعلقى عليها تعليق من تعليقاتك الحلوة دى وانتى هتلاقى نفسك فكيتى خالص

يارب ياماما يحقق حلمك ده وتيجى تبشرينا ويكونو تؤاام كمان يارب




مصرية احساسك ده غريب جدا احنا يابنتى هنا كلنا معاكى بس انتى اللى شكلك كلامك لجوة
تعالى انتى بس فضفضى وكلنا اذان صاغية ولا ودن الفيل
انتى بس ارغى وهتلاقينا اتفتحنا معاكى فى الكلام

بالنسبة لموضوع الشقة والله انا مش عندى فكرة عن الايجار فى المهندسين بس انتى ممكن تشوفى اى منطقة كمان قريبة مش لازم المهندسين يعنى عشان الزحمة وان شاء الله البنات يفيدوكى

اوكسى الحمد لله انك رجعتى اجنتك يارب يباركلك فيهم يارب

مش مهم الدرجة يا اوكسى قدرة ربنا وارادته فوق كل شئ

انتى بس كل يوم حطى ايدك على بطنك واقرى ايات من القرىن وان شاء الله هتيجى تفرحينا بعد اسبوعين

المفروض التحليل امتى يا اوكسى؟