تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 340
شاركي في النقاش
سجلي الدخول لإضافة تعليق.
التعليقات
2,155- يا جماعة حد يعرف دكتور طارق طبوزادة في اسكندرية ياريت يفيدني عنه
- شيمو جزاكى الله خير
عن رسول الله "صلى الله عليه وسلم" :
"سبعة يظلهم الله في ظله يوم لا ظل إلا ظله":
1-إمام عادل.
2-وشاب نشأ في عبادة الله عز وجل.
3-ورجل قلبه معلق بالمساجد.
4-ورجلان تحابا في الله اجتمعا عليه وتفرقا عليه.
5-ورجل دعته امرأة ذات منصب وجمال إلى نفسها.
قال: إني أخاف الله.
6-ورجل تصدق بصدقة فأخفاها حتى لا تعلم شماله ما صنعت يمينه.
7-ورجلا ذكر الله خاليا ففاضت عيناه.
صدق رسول الله "صلى الله عليه وسلم"
اللهم اجعلنا منهم يا ارحم الراحمين - مرمر انا سمعت الاسم ده قبل كده من اخت لينا فى المنتدى بس الصراحه مش فاكرة كان كويس ولا نص نص عالعموم ان شاء الله أوكسى اما تدخل تفيدك اكتر لانى اعتقد انها عندها فكرة عنه
بس تعالى هنا يا مرمر ينفع كده تدخلى علينا خلوتنا من غير ماتعرفينا بنفسك ولا انتى مش عايزة تصاحبينا ولا ايه - السلام عليكم يا بنات
معلش مشغوله كتير بس دخلت أفكركم بالمسابقة
وعايزه أقول حاجه مهمه ... مفيش مجال لأنسحاب أى حد
إنتوا فاكرين دخول ال w.c زى خروجه ولا إيه !!!!!!!
ههههههههههههههههههه
بجد أنا مش بهزر أنتوا متعرفونيش لما عنيا بتحمر
يعنى إوعى واحده منكم عقلها يقولها تهادينى بدستتين مشابك ألوان
أقوم أسكت و أطنش لاااااااااااااااااااااااااااااااااااااااااااا يا حلوين .... بكره كله هيجى يقدم التمام ويقول وزنه حتى لو منزلش ولا جرام ... وتذكروا إن التحدى الحقيقى مع نفوسكم مش مع بعض يعنى الهروب من المسابقه معناه الأستسلام للسمنه اللى هى عدوكم الأول
تخيلوا التخن ده حد جاى يخطف ضناكم بذمتكم كنتوا هتعملوا إيه ؟؟؟؟
كنتوا هتفرتكوه ... صح ولا لأ
خلاص هى نفس الفكره .. لأن التخن هو اللى واقف بينكم وبين حلمكم حتى لو فى أسباب تانيه بس صدقونى زياده الوزن من أهمهم
و إسمحولى أرد على بعض النقط ...
ريمو .. تسلمى على سؤالك يا قلبى وربنا يطمنا دايما على بنت أختك ويكمل شفاها اللهم آمين ..... وقوليلى أخبار أنوسى إيه ؟ خالى بالك ليروح يضرب ورقه عرفى مع بنوته الجيران إياها و يحطوكى أمام الأمر الواقع
توفى ... بجد برافو عليكى عايزينك على طول كده قويه
مصريه ... حمدا لله على سلامتك وربنا يوفقك إن شاء الله و إحنا هنا كلنا أخواتك يا حبيبتى
أوكسى ... إن شاء الله بالتوفيق يا جميل و اللى تخاف منه ميجيش أحسن منه يعنى ميهمكيش أن الأجنه مش درجه أولى
مها .. ربنا يكرمك يا حبيبتى و تفضلى منوره الملف كده دائما
بمناسبه الكلام عن الأولاد ..
الأولاد مش دايما سند ولا حاجه
وده نماذج أعرفها شخصيا ....
أم بعد مابذلت كل شئ و إبنها كان معاها تمام التمام .. بعد الجواز شبه مقاطعها و قمه فى نكران الجميل ..... و يوم ما وقعت و إحتاجت الرعايه بنتها و جوز بنتها هما اللى شالوها على رأسهم وبمنتهى الحب
أم عندها ولد بس معاق و بنتها رفضت الزواج برغم جمالها الشديد وتدينها من أجل أن تتفرغ لرعايه أخيها ولا تتركه لأمها تحمل همه وحدها
وياما ولاد أمهاتهم تقولهم روحوا هاتوا الطلبات يرفضوا ويتذمروا و ممكن فى الأخر اللى تنزل البنت و اللى تصرف على البيت برضه البنت
ويا ما أولاد مدوا إيديهم على أمهاتهم فى الكبر و الشيبه
وده مش معناه إن الولاد كلهم وحشين ... لأ طبعا
فى أولاد يشرحوا القلب الحزين
بس اللى أقصده ... إن الفكره مش مين أفضل ... الفكره مين هيتربى أفضل
اللى هيتربى صح هو اللى هيبقى سند بجد .. سواء بنت أو ولد
وللأسف زى ما بنسيب الناس تسود حياتنا بأفاكرهم الغلط عن تأخر الحمل
برضه بنسيبهم ينغصوا حياتنا بسبب خلفه الأولاد و البنات
حماتى من يومين بتقولى لو طلعتى حامل فى بنوته وطلعت حلوه زى أخوها هندلعها
قولتلها نعم !!!!!! لأ .... أنا بنوتى هدلعها مهما كان شكلها و هفهمها من صغرها إنها ست البنات كلهم
بجد يا بنات لازم ننقل القوه ده لبناتنا علشان بالتدريج الأجيال اللى جايه نظرتها تتغير
مش كل لما يشوفوا واحده
تأخرت فى الجواز يبقى عندها مشكله
إطلقت لا قدر الله ... تبقى فيها مشكله
تأخرت فى الأنجاب ... تبقى فيها مشكله
خلفت بنات ... تبقى برضه فيها مشكله
إيه رأيكوا فى جو عيد الثوره ده ههههههههههههههه - نيجى بقى لأخر نقطه ... حبيباتى المكتئبات
ليه الزعل مادام دوام الحال من المحال ... وعمرالهموم ما بتدوم
ليه الزعل و فى حياتنا ربنا ... الله الذى مجرد ذكره يجلى القلوب الحزينه
صدقونى يا حبيباتى ذكر الله و التعلق به و الأستغناء به عن الدنيا بيجعل الأنسان يشعر و كأنه لا ينقصه أى شئ حتى ولو لم يكن يملك أى شئ
وده عن تجربتى الشخصيه مش كلام بصبركم به و خلاص ...
و تأكدوا إن الحياه مليئه بالمنغصات و ده من نعمة ربنا علينا علشان منتعلقش بيها و نحبها أكثر مما تستحق ....
عايزه كل مكتئبه تفرفش و تتعلق بحبها الحقيقى و هو حبها لله و حده عز وجل
ثم تثق أن فرج الله قريب
ثم تبدأ تهتم بحياتها و نفسها رشاقتها ..جمالها ... هوايتها ... دراستها ..... حفظ القرأن حاجات كتيره لازم تلحقوا تعملوها قبل النونو ما يشرف ... حاجات كتيره جدا بس إحنا ننفض الهم من على اكتافنا
مواضيع مشابهة
تابعي تجارب أخرى من هذا القسم.