للي عندها صلع في أماكن متفرقه في الشعر (إستفيدو)

السلام عليكم ورحمة الله وبركاتة

بدخل في الموضوع على طول
أختي الكبيرة راحت لدكتورة جلديه في جده لأن في شعرها أماكن ما فيها شعر
شوفو إيش قالتلها
أختي : يمكن شعري تساقط من نقص الحديد
الدكتوره : لا تصدقي أي أحد يقول إن الشعر يتساقط من نقص الحديد الشعر يتساقط من
سوء معاملتنا له يعني لما تتروشي أبدا لا تغطين شعرك بالمنشفه ولو لدقايق لأنك لما
تغطي شعرك وهو مبلول كثير أو شويه بتتكون فطريات وبكتيريا يسبب تساقط الشعر
زي الخبز تماما<<<<<< يعني يا بنات بشويش وإنتو تتعاملو مع شعركم حسنو معاملة
شعركم يتحسن شعركم إن شاء الله
كمان قالتلها لما تخرجي من البيت لاتحطي أي شئ على وجهك لا كريم مرطب ولا شئ
لأنك لما تكوني مغطيه وجهك وهو فيه كريم وبيعرق العرق مايخرج بسهوله الكريم راح يمنعه
فيسبب مشاكل لبشرتك
كمان بخصوص الحبوب إلي في الساق بعد شيل الشعر تقول لا تحكونها لأنك لو حكيتيها راح تصير سودا و ماتروح بسرعه

المهم أختي خرجت من عندها بألف وشويه يعني الدكتوره غاليه
ولاحد يسألني عن الأدويه لأن بعضها هي الدكتوره تسويها وغاليه مرره
وأختي ما هي عندنا يعني ماراح أقدر أفيدكم
بس هاذي النصايح حبيت تعرفونها لأنها مهمة وإن شاءالله تسفيدون منها

بس عندي طلب بسيط
أبغى وحده تتدعيلي بالغيب لا تكتبون أدعيه
قولو دعوه حلوه كده على لسانكم
ما في داعي للكتابة لأن يمكن تستصعبونها ودعوة الغيب ربي يتقبله أكثر
الله يوفقكم ويعتق رقابنا ورقابكم من النار في هذا الشهر الكريم

جزاكم الله خير

أتمنى تستفيدون منها