تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

مرمر
اهلا بيكي معانا
الدمتور ده وابوه وجده متخصصين في تاخر الحما من زمان وانا روحت لابوه علي اساس ان ماما كانت بتابع مع جده تأخر الحمل برده
المهم لقيت ستات كتير وبيشكره فيه جدا
الراجل وده ابو طارق:: سمعني كويس جداجدا وسابني اتكلم براحتي وخد السي في وعملي فحص قرر ان كله تمام بس الرحم مايل واعمليلي بسسسسسسسسس بروجسترون في اليوم ال21
رحت لطارق في اوضته عملي سونار مهبلي واداني تقرير رحت بيه لابوه بص في التقرير وقالي ده انتي عندك برويضة ممتازة يعني تبويضك في اليوم ال18 وحتي مش محتاجة تعملي بروجسترون
قلتله طب اعمل برولا كتين
قالي مبحبزش اللي حملها متأخر تعمله لانه حيطلع عالي
انتي كده تمام خللي جوزك يتحسن الاول واعمليلي صبغة بس وتعالي
رحت عملت البروجسترون من نفسي لقيته اقل من واحد يعني مفيش تبويض
لا حظي انه قال مش مهم
وعملت الهرمونات التانية والصبغة
وبعتهاله
قالي انتي كله تمام واداني تنشيط قابل لمضاعفة الكمية حسب استجابة المبيض
اختك خدت التنشيط وضاعفت الكمية واستجابة المبيض كانت ضعيفة جدا جدا وفي الاخر حصلي فرط تنشيط

انا جيت.
جوزي مقتنع اني غلطانة و اني كلمت مامته باسلوب مش ظريف و انتي مش حتفهمي اكتر من ماما و سيبيها تشيلها فقولتله لا البنت مش لازم تتعود علي الشيل لاني انا حتدبس و طنطو اختك طول ما هما قاعدين عايزين يشيلوها فقالي ديه جدتها و من حقها تشيلها فقولتله لا انا بربي بنتي و مش عايزها تتشال و انا ماقولتهاش ماتشلهاش علي طول بالذات لما تكون بتعيط راح قايلي هوا انتي اللي لسه ماطلعتيش من البيضة حتقوليلها اللي مربية 3 ازاي تتعامل مع الاطفال فقولتله هيا مسالة تربية و انت شايف بنت اختك بقت ازاي ( متدلعة بطريقة غير طبيعية و لما تعوذ حاجة تقعد تعيط و تضرب بس ماقولتهالوش) و انا مش عايزة بنتي تطلع زيها فقالي ماجتش من يوم فقولتله لا طبها جت و راح غلس جامد بس مش فاكرة اوي و كمان طلع انها اشتكتني علشان مش بروح اقضي طول اليوم عندها. طب ازاي؟ فقولتله ما اقدرش اروح قضي اليوم, ده لما بروح و ادخل جوه في غرفتها علشان ارضع البنت كل شوية الاقي حد داخل عليا و يقعد يبصلي و انا برضع البنت ده حتي خالتك و انا برضعها و قعدت تبصلها و هيا علي صدري و شافته, طب اازاي؟ و حتي سيبتلهم الغرفة ورحت السفرة و قفلت عليا هناك, كل شوية طنط داخلة عليا واخرتها جوز بنتها كان تحت مستني علشان ياخد بنته التدريب و البنت لما اتاخرت طلع و انا كنت في السفرة (السفرة عندهم فيها التلاجة) و جه و قعد في الصالة ( الصالة مفتوحة علي السفرة بس بينهم باب انا قفلته من قبل ما يطلع علشان برضع البنت) و طنط راحت داخلة عليا و جابت حاجة من التلاجة و سابت الباب مفتوح و جوز اختك بره و قولها و برضه سابت الباب مفتوح و خرجت و لما جت تاني قولتلها تاني فقفلت الباب, طب ينفع ده, فقالي ممكن ماتكونش سمعتك فقولتله من غير ماتسمعني هيا شيفاني قافلة الباب لاني برضع البنت يبقي هيا و هيا خارجة تقفل الباب من غير ما اقول لان الراجل قاعد بره. طبعا ما عجبوش كلامي و مش مقتنع بموضوع الشيل و قالي سيبيها تعمل اللي عيزاه!!!!!
المهم انا بكلمها النهاردة علشان اقولها لو حتودي حفيدتها بكره النادي انزل بالعربية و اروح انا و مايا معاهم فقالتلي ياريت تيجي تقضي اليوم معانا فقولتلها معلش يا طنط بابا رجع من السفر فلازم اروح اسلم عليه و بعد كده حجيلكم. طب المرة ديه, فلت بس الخميس اللي بعده ممكن تقولي تعالي من بدري و انا ماينفعش. عند ماما اقدر البس و اقعد براحتي, عندهم لا. افهمهم ازاي؟ و ازاي اقنعه ان الشيل غلط, هوا مقتنع براي مامته و انا علي طول غلط. بجد يوميها وصل انه بيغلس جامد لدرجة اني قعدت اعيط .

الاخطاء اللي انا شايفاها
1:كل واحدة تروحله يقولها روحي انتي تمام ومعندكيش حاجة معتمد علي رفع الحالة المعنويه وانها ممكن تحمل لوحد
ها لمل تتطمن
وده هجص طبعا
2:طارق عمل سونار في عز ايام التبويض ورغم كده ملاحظش وجود بويضات كتيرة وصغيرة طنب البويضة اللي لقطها واللي كان معناه تكيس
3:مهتمش بالتحاليل التانية رغم انها فيها مؤشر لمشكلتين كلا منهم تعيق المبيض عن الاستجابة للتنشيط
4:عمل خطة تنشيط مفتوحة دون اي محازير لاكتشاف خطورة الاستجابة
5:اول مرة شاف تحليل جوزو قالي وحش وتاني مرة قالي حلو
ولو مكنتش عملت البروجسترون من نفسي مكانش قالي علي تنشيط من اصله
بس

معلهش
كلنا بيحصلنا البواخات دي
انتي صبري نفسك وروحي قضي اليوم ده بالطول ولا بالعرض واشتري دماغم ومتعمليش اي حاجة غير انك تركزي مع بنتك وتعملي اللي انتي عايزاه من غير ما تقولي لحد
كان فيه دكتورة نفسية بتقول لو انتي متضايقة من حد وقلتله اللي مضايقك في صيغة امر حيعند
يعني مثلا متقوليش لحد يقفل الباب تعالي علي نفسك وقومي اقفليه وراهم يمكن يحسو علي دمهم
والاكيد انهم مش حيتغيرو عشان يريحوكي انتي اللي تعصري علي نفسك ليمونة وتستحملي ويكفيكي انك تحكي المواقف الرزلة لجوزك بس مش كانها شكوي تحكيها كده باي زاواي في وسط الكلام
وساعتها حيتعاطف معاكي
ويبقي عارف انك بتستحملي كتير عشان ترضيه بانك تراضي اهله