كل وحده تدخل تقول انا الغلطانه ولا زوجي..
هلا حبيباتي والله اكتب وانا حيل متضايقه ..انا تزوجت زوجي وكانت وظيفته بسيطه وما كان يهمني زي ماهو يهمني كنا نمشي حالنا بأي شي بعت ذهبي كله وانا عروس عشانه ..كان يخاف ع مشاعري وشايف الجميل لي ويقول والله اعوضك ومرررت الايام وتوظف وظيفه حلوه وراتبها حلو وعشنا ايام حلوه ..وسنتين وتوظفت انا وراتبي قريب من راتبه يعني ارتفع مستوانا المادي بسسسس كثرة مشاكلنا مدري ليييشش والله احاول اوفر عشانه لدرجة طلعة قرض واثثت شقتي الجديده والشغاله علي واول ماأشوفه بضيقه اقوله خذ يعني جيبنا واحد..هو صح عليه قروووض ومايبقى من راتبه الا مبلغ بسيط بس عاادي زي كل الرجال وانا مساعدته ومراعيه هالشي بس تغير كثير بعد وظيفتي سار مزاااجي لما تخلص فلوسه يبوز ويسود وجهه ولو اكلمه كلمه وحده يصرخ بوجهي ويسمعني سم الكلام لا تقولون عاادي لاني ماتعودت ع هذا منه وانا مرررره حساسه والله حتى مايقولي جزاك الله خير ع مساعدتك وماقصرتي ومن هالكلام ..ليش لهالدرجه الفلوس تغير النفوس..صح لما يهدا يروق بس لايمكن يعتذر ويقول اسف يجي عادي وماكأن سار شي ويقولي انت بس تزعلين ع اتفهه شي.. بس تعبت موااال كل شهر ....بالله فهموني كيف اخليه يرجع زي اول كان كل شي موفره لي والهدايا ماتغيب عني الحين لي سنتين متوظفه ماشفت منه شي ..مقهوووره ماأبي منه شي بس ابغاه يحس فيه زي اول ..بالله ريحوني ولو بدعوه ..