سالفتي مع العريس ابغى مشورتكم ياحوائيات..( لونت الخط )حتى ماتملون وتسكرون الموضوع :(

السلام عليكم ورحمة الله وبركاته

والله اني رافضه و ادعي اني ماادخل على جاره واني اتزوج واحد مامعه حرمه بس الظاهر ان النصيب بيكسر خشمي :icon33:
ادعوا لي بالزوج الصالح اللي مامعه حرمه بكيفه لو ارمل او مطلق حتى عياله بس مهوب درزن عاااد اثنين ممكن :42:
بحطهم بعيوني بس مامعه حرمه حتى ماتاخذني العزه بالاثم واظلمها او تظلمني او هو يظلم وحده فينا ..
طبعا انا عمري الآن 29 وموظفه وجميله ومن شافني اعطاني طالبه بالثانوي ( قولوا ماشاء الله:) ) بس الحظ الحمدلله والشكر الله يعدله بس :09:
مريت بتجربه قاسيه على نفسي انتهت بالطلاق ورجعت لأهلي ولقيت الصد والحرمان من اخواني همهم الأول الفلوس وعطينا وسوي لنا وان من صغري إلى الآن ( من ايام المكافأه حقت الكليه إلى راتبي الآن لي في التدريس 6 سنوات) وانا اعطيهم وماجمعت لي شي رممت البيت شريت السياره لاخوي دخلت اخواتي مدارس اهليه حتى يجيبوا نسب حلوه سويت أشياء اتمنى من ربي يعوضني خير
اما ابوي انساااان طيب بس باااااارد بمواضيع الزواج والسؤال عن الشخص اللي متقدم لبنته ومعتمد علي بكل شي انا الللي اسأل وادور واعرف وين ساكنين طبعا من معارفي وزميلاتي واخوانهم بعدين اقوله يلاه روح للأشخاص اللي قلت لك عليهم ويروح !!!
دايم كلمته مااعرفهم وشلون اسأل ومن اروح له واللي يقهر يقول اخاف يعرفون ويزعلون تعبت والله يابنات صايره انا الام والابو لهالبيت حتى اختي لما تقدم لها شخص انا اللي جبت سيرته الذاتيه <<< متكلفه:42:
واخوي انسان متعصب لقبيلته ويشوف نفسه فوق الكل حياته كلها ماغير كلمة مايصلحون هذا غير انه مستغلني اشد استغلال براتبي ولما رفضت اعطيه زعل ولا عاد كلمني ولا يسلم علي لنا الان سته اشهر والباقين صغار

أما أمي لاناقة لها ولا جمل مع اللي لسانه طويل حتى تفتك من شره طبعا مع اخوي وتقول انتي الكبيره واصبري وكبري عقلك <<<< احس انا اللي صغر عقلي من كثر ماشمعوا علي اخطاؤهم:icon33:
وليس لها دور في إصلاحنا ابداَ او نصحهم بالعكس تروح معهم وتطلع وماتجلس الا معهم واذا قالوا ماتروحين عندها تنفذ ماتجي عندي ابدا والمكان اللي انا فيه تقوم معهم منه ويروحون لمكان ثاني علشان كذا صار لي في البيت الدور السلبي اتحمل كل شي واسكت ماابي مشاكل وتجريح وكل هذا علشان الراتب مع اني كنت اصرف واستلف علشانهم بس لما طفح الكيل قلت لا الى متى ؟ >>>> نصيحه يالموظفات الجدد امنوا مستقبلكم ولاتفكرون بااحد عطوا اهلكم بقدر المستطاع لكن لاتسوون مثلي اقساط واسلاف ولا عجبهم بعد

اعرف اني قرقت كثير بس ابي اعطيكم الصور كاااااااااااااامله وتساعدوني :44:
انا تقدم لي شخص اصغر مني بسنه عنده ولدين اكبر واحد فيهم عمره 4 سنوات الشاب متزوج وعمره 19 من جماعته لأن ابوهم يزوج بدري وزوجته ماتعلمت ولا تفك حتى الخط وهو الآن يدرس في الرياض بالجامعه وباقي له سنه ويتخرج مع العلم انه انتساب لأنه يشتغل في ادارة التربيه والتعليم ويبي يتزوج من وحده متعلمه ومثقفه تفهمه وتفهم تفكيره وتقول اخته ان يقول: ان لك بيت مستقل واذا ماتبين زوجتي الاولى انتي في حالك وهي في حالها عادي كلن في بيته وفاجأتها عن راتبه وقالت راتبه 3500 بعدين اليوم الثاني قالت انه يقول لا ترى راتبي 5000 >>>> انتبهوا للنقطه هذي
غير انه يسافر لانه متولع بالسفر بس كان مع زملائه قلت ليه ماراح مع زوجته قالت ماتفهمه ولا يبيها وش يوديها معه له ؟ قلت في نفسي على الاقل تحصنه هناك وتعرفون وش اقصد
وعلى فكره كلن يمدح اخلاق زوجته بس انها يعني ماتعلمت ولاتفهم امور كثيره والرجال متفتح وراعي سفريات شي طبيعي انها ماراح تعجبه <<<< شوفوا الرجال يمه منهم بس
وقالها لما كان مامعها الا ولد بس قال روحي لأهلك وبيجيك انسان احسن مني وماابي اظلمك معي وانا والله مااحبك قالت لا خلني على ولدي ورح تزوج او سووا اللي تبي بس لاتطلقني <<< ياحبيبتي والله احنا الحريم مسكينات:(


نجي لسؤالي عنه :
زملائه بالعمل وواحد منهم ملتزم وزوج زميلتي والله يجزاهم خير ساعدوني:

وراتبه 3500 واعتبرها كذبه لما غيروا كلمتهم كذبه من اولها
استإذاناته من دوامه كثير وتأخيره بعد
طلع يدخن وهم قالوا لا إن شاء الله عايلتنا ماتعرفها واشك انه يدخن من وراهم وسبحان اللي كشفه لي لان زميله يقول كذا مره امر بالسياره واشوفه يرفعها
مجنون سفريات ...
صلاته يقولون الظهر يصليها بالمسجد حق دوامه ومداوم عليها حتى انه مايصلي داخل في مبنى الاداره يروح للمسجد
ملازم لأبوه وعلى كلام خواته بار فيهم
يقول رجال ونعم من كلامه واسلوبه

انا محتاره وعندي تساؤلات كثييييير
كيف راتبه قليل بهالشكل ويسافر؟
كيف بيصرف على بيتين وسفريات ؟ شكله قال موظفه وخلها تصرف على نفسها وبيتها ومو بعيد بكره يقول عطيني لسفرياتي واصير مثل اللي يبي يكحلها عماها :angry:
لما كان يسافر مع زملائه وش كانوا يسووون ؟

وعندي قناعه ان اللي يتهاون ويحط سيجاره بفمه بكره بيحط غيرها وإذا صلاته صالحه ماراح يدخن وراح تمنعه منها لأنها تنهى عن الفحشاء والمنكر

زميلتي قالت لاتقدمين على خطوه علشان خايفه من شي ولاتنسين انها التجربه الثانيه اقدمي عليها وانتي مطمنه منها وانا قدامك اكبر مثال تزوجت وانا فوق الثلاثين من واحد ماتزوج والحمدلله ارتحت وعندي 3 عيال الان وكلام الناس مااثر علي وربي معك

بنات وش رايكم ونصيحتكم لي ؟

جعل من رفعت موضوعي بنصيحه او دعوه ان الله يرفع قدرها ويستر عليها بوظيفه وزوج يغنيها وذريه صالحه تسعد قلبها ويسخر لها ابو الشباب ومايشوف غيرها

208 تعليق 11,462 مشاهدة

شاركي في النقاش

سجلي الدخول لإضافة تعليق.

التعليقات

206
  1. @hno_aldryaa

    انا بقوولك رايي
    انسان متزوج عنده زوجه وعيال
    وغير كذا راتبه 3500 يالله تكفي عائله وحده
    يعني ولا عشاانك موظفه مفكرين تعيلين نفسك ..عشاان كذا كذب
    اذا كذا من بدايتها كذب عيني عينك ولسى انتو اول الطريق
    ثاني مشكله مولع بسفر يعني اذا كان برووحه فا المصيبه اعظم
    واقولك بالفم الملييييييييان اذا كانت سفريته البحرين سوريا اندونيسيا المغرب تايلاند معررررررررروف شنو يبوون استغفر الله بس والله يصلحهم
    ماتدخل في مزاجي شخص يساافر من غير اهله الا في غلط في الموضوع
    واذا ع التدخين يعني لاتحطين في باالك الي يدخن خلاص منتهي
    لا فيهم خير بس مبتلي فيه..نادر ماتلقين شخص مايدخن الله ياارب يصلحهم
    هاذا رايي مو شرط تعملين فيه مجرد رايي وانتي فكري واستخيري
    والله يرزقك الزوج التقي النقي مخمون القلب الي عووضك ع اياامك الي رااحت ويهنيك ويسرلك امووورك ويجعلك من كل ضيق مخرجا
    يااارب ارزقهاا وعوضها عاجلا غير اجل

تابعي تجارب أخرى من هذا القسم.