مساء الحب على الموجودين
ماما
ان شاء الله تكون ديه اعراض الحمل باذن الله ربنا يفرح قلبك باللى نفسك فيه
وزة
اخبارك ايه ؟ طمنينا عليكى ان شاء الله خير و تفرحى انتى و ماما و توفى و اوكسى الشهر ده كلكوا مع بعض و نخلص منكوا بقه هههههه ربنا يكرمك ان شاء الله يا وزة
ام اياد
حمد لله على سلامتك و ان شاء الله ربنا يكرمك فى التنشيط الجاى
دانة
حبيبتى وحشتينى اووووووووووووى ربنا معاكى ان شاء الله و يا رب تكون خطواتك كلها سليمة و نصيحتى لو انك مطمنة للدكتور امشى زى ما قالك و ان شاء الله تحملى عن قريب طمنينا عليكى اول باول يا رفيقة دربى
بندقة
يا حبيبتى انتى و لا غريبة و لا حاجة بس فى ناس كتيرة اووووووى كده على سبيل المثال انا قبل ما اتجوز جوزى قعد يقولى ان هتكون فى خصوصيات مش لازم اعرفها عنه وكلام من الهبل ده كتير اووووووووى و من ضمنها المرتب ماشى انتى معايا ان مش هنكر انى زعلت من كلامه ده جدا و مفهمتهوش بالمرة بس دلوقتى لو سالتى جوزى فلوسك فين هيقولك مع المدام اللى هى انا هههههههههه و الله و الله هى مسالة ثقة فى اللى قدامك انا عن نفسى و الحمد لله عمرى ما بصيت لفلوس جوزى لانى و الحمد لله ماتحرمتيش فى بيت اهلى ربنا يخليهم يا رب و على طول اقوله الكلام ده و اثبتهوله وكمان انا الحمد لله مش من النوع اللى عايزة و عايزة انا من النوع المدبر جدا و مش بحت القرش الا فى مكانه الصحيح و ده مش بخل و الا حاجة ده انا بقدر ان جوزى بيفضل غايب عنى يعتبر طول السنة يجمع فى القروش ديه علشان نكون مش محرومين و لو انا هبلة يجى يلاقى الفلوس طارت و الله انا بشوف ناس كتير ازواجهم متغربين و هما مدورينها هبالة فى الخلاصة معلش انا اتكلمت كتير ديه فلوسه و هو حر فيها و انتى لازم تحسسيه انك خايفة عليها علشان هى فلوسه مش لا سمح الله انتى عايزة تعرفى عنها حاجة حاولى و الثقة هتجى شوية بشوية و ربنا معاكى
رورو
تسلمى يا جميلة انتى ربنا ما يحرمنى منك ابدا يالا شيدى حيلك و قوللنا النونو الجاى ايه ؟
تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 373